DANIEL 1:9 - Dios Rimashca Shimicunami

⁹ Danieltaca Taita Dios eunucocunata pushajpaj ñahuipi alli ricurichun churajpimi, eunucocunata pushajca paihuan alli cana yuyai tucurca.

DANIEL 1:9 Iomraidhean Croise

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

GÉNESIS 39:21

Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

1 REYES 8:50

Quiquin agllashcacunataca tucui quiquin mandashcacunata p'aquishcata, imallata rurashpa quiquinta c'ariyashpa juchallishcacunata perdonashpami, paicunata prezu apashpa llaquichishpa causacujcunamanpish llaquina yuyaita cungui.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

ESTER 2:9

Hegaica, chai Ester huarmica tucuicunata yalli alli cajpimi, sumajyachij jambicunahuan paitaraj utca allichichun churarca. Micunatapish ashtahuan allitami cararca. Shinallataj paipajta rurajcuna cachunca mandana huasipi caj, ashtahuan alli yachaj canchis huarmicunatami agllarca. Chai huarmicunahuanmi Estertaca, jatun mandajpaj huarmicuna tiyana huasipi caj ashtahuan alli ucucunapi causachun churarca.

JOB 5:15

Chashnami Diosca huajcha runataca, espadapi huañunamantapish, paita mana manchajcunapaj shimimantapish, huañuchijcunapaj maquimantapish quishpichin.

JOB 5:16

Huajcha runaca paillatami shuyan. Millaicunataca millaita rurashcallatajmi shimitaca huichcanga.

SALMOS 106:46

Tucui paicunata prezu charicujcunamanpish paillatajmi paicunata llaquina yuyaitami curca.

SALMOS 4:3

Mandaj Diosca, imatapish chaitataj ruraj cajpi paipajlla cachun agllaj cashcata yachaichij. Paita ñuca mañajpica uyangami.

PROVERBIOS 16:7

Mandaj Diosta cushichishpa, sumajta causaj runataca paicunata p'iñajcunapish alli tucushpa mana llaquichincunachu.

DANIEL 1:10

Chaimi eunucocunata pushajca Danieltaca: –Jatun mandaj ñuca amotajmari micunatapish, vinotapish cancunaman mashnata cunataca mandarca. Mana chashna carajpica, manamari cancunapura huiñaillataj caj caishujcuna shina alliyashca ñahui ricuringuichijchu. Cancunalla irqui ñahui cajta ricushpaca, jatun mandajca ñucata huañuchinatamari manchani. Chaipica cancunapaj jahuami canga– nircami.

Hechos 7:10

llaquicunahuan José cajpipish Taita Diosca tucuipi huaquichirca. Chaimantami Josetaca Faraonpaj ñaupajpica mana c'uyaipajta c'uyajta, alli yachaj cajta ricuchirca. Chashna cajpimi, Egiptota jatun mandaj Faraonca Josetaca tucui chai llajtatapish, paipaj quiquin huasipi tiyajtapish mandachun churarca.