DANIEL 1:8 - Dios Rimashca Shimicunami

⁸ Danielca, jatun mandajpaj micunata micushpa, pai ubyana vinota ubyashpaca mapayashami nishpami paipaj shungupica manataj micuna, manataj ubyana tucurca. Chaimi eunucocunata pushajtaca: “Cai micunacunata micushpa, cai vinota ubyashpaca mapayashamari. Chaicunata micuchuntaj, ubyachuntajca ama mandahuaichu” nirca.

DANIEL 1:8 Iomraidhean Croise

1 REYES 5:5

Chaimi ñucaca, Mandaj Dios ñuca yaya Davidman nishca shinallataj ñucata Mandaj Taita Diospaj huasita shayachina tucurcani. Mandaj Diosca ñuca yayamanca: Cambaj mandanapica ñucami cambaj randi mandachun cambaj churita churasha. Paimi ñuca huasitaca shayachinga nishcami carca.

SALMOS 106:28

Paicunaca Baal-peor nishca diospajmanpishmi chashnallataj tandanacurcacuna. Huañushca dioscunaman cushcacunatami micurcacuna.

SALMOS 119:106

Cashcata rurachun quiquin mandashcacunataca pajtachishatajmi nircanimi, chaitaca rurashatajmi.

SALMOS 119:115

¡Millaicuna, ñucamanta anchurichij! Ñucaca ñuca Taita Dios mandashcacunatami pajtachisha.

SALMOS 141:4

Millaita ruranata ñuca shungu cazuchunca ama saquihuaichu. Quiquinta mana rijsijcunahuan paicuna rurashca shina rurachunca ama saquihuaichu. Millaicunahuan chagrurishpa jatun micuipi paicunahuan micuchunpish ama saquihuaichu.

PROVERBIOS 23:3

Chai amopaj sumaj micunacunataca, ama caitapish chaitapish micunata yuyanguichu. Ñataj inquitangapajlla chashna ruracunman.

DANIEL 1:5

Jatun mandajca paicunamanca micunatapish, vinotapish pai imatami micun, pai imatami ubyan chaillatataj punllanta carachun, yachaitapish quimsa huatacunata alli yachachichun, chai q'uipaca paipaj ñaupajman ricurigrichunmi mandarca.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

Hechos 11:23

Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca.

Hechos 15:20

Chashna ninapaj randica paicunamanca: “Rurashcalla dioscunaman ima cushcatapish ama micunguichij, ama huainayanguichij, sipishpalla huañuchishca aichatapish, ima yahuartapish ama micunguichij” nishpa quillcashpa cachashunchij ninimi.

1 Corintios 7:37

Ashtahuanpish paipaj shungupi chashnataj cana cashcata yuyajca, cazarachingapaj pihuan ari nishcata mana charishpaca, paipaj ushushita c'arita mana rijsij canami alli yuyajca allitami ruran.

2 Corintios 9:7

Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.

DEUTERONOMIO 32:38

¿Paicuna cushca animalcunapaj huirata micuj, paicuna tallishpa cushca vinota ubyaj dioscunaca maipitagari? Paicuna jatarishpa ayudachunri, paicuna shamushpa mitsachunri.