DANIEL 1:4 - Dios Rimashca Shimicunami

⁴ Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 1:4 Iomraidhean Croise

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

2 SAMUEL 14:25

Tucui Israelpica Absalón shina sumaj runaca mana tiyarcachu. Paica chaquimanta umacama ima mana allica mana carcachu.

PROVERBIOS 22:29

¿Imata ruranatapish alli yachaj runa maipi cajta ricushcanguichu? Paica yanga runacunapajtaca mana ruranchu, ashtahuanpish jatun mandajpajmari imatapish ruran.

ECLESIASTÉS 7:19

Yachaimi yachaj runataca, chunga mandajcuna shuj pueblollata mandacujtapish yalli allita pushan.

ISAÍAS 36:11

Shina nijpimi Eliaquimpish, Sebnapish, Joapish Rabsacestaca: –Cambajta ruraj ñucanchijmanca arameo rimaipi rimahuayari, chai rimaita yachapanchijmi. Ama Judá llajta rimaipi rimahuaichu, tucui cai jatun pirca jahuapi tiyacujcunamari uyacuncuna– nircacuna.

JEREMÍAS 5:15

Mandaj Diosca cashnapishmi nin: “Israelcunalla, cancunata llaquichichunca caru llajta runacunatami pushamugrini. Chaicunaca ñaupamanta causaj, fuerzasapa jatun runacunami. Cancuna mana uyashca rimaita rimajcunapishmi. Paicuna imata rimajpipish, imata nicushcataca mana yachanguichijchu.

DANIEL 2:10

Chaimi caldeocunaca, jatun mandajtaca: –Can jatun mandaj tapushca shinata adivinajcunaca tucui cai pachapi pi mana tiyanchu. Jatun yachajcunatapish, luzerocunamanta yachajcunatapish, caldeocunatapish pi jatun mandajpish, pi mandajpish, pi jatun amopish can jatun mandaj tapushca shinaca mana tapushcachu.

DANIEL 2:2

Jatun mandajca, pai muscushca imata nisha nishcata huillachunmi jatun yachajcunata, luzerocunamanta yachajcunata, brujocunata, caldeocunatapish cayachirca. Tucui paicuna shamushpa paipaj ñaupajpi ña cajpimi,

DANIEL 3:8

Chai punllacunallatajmi, caldeocunapuramanta maijancunaca, judiocunata llaquichingapaj juchachishpa huillanaman shamurcacuna.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

DANIEL 5:7

Jatun mandajca sinchita caparishpami jatun yachajcunatapish, caldeocunatapish, adivinocunatapish paipajman pushamuchishpa Babiloniapaj jatun yachajcunataca cashna nirca: –Maijanpish chai quillcata rezashpa chai imata nisha nishcata huillajmanca morado sumaj churanatami churachisha, cungapipish shuj curi huallcatami apachisha. Ñuca mandacunpipish, ñuca churashca mandajpaj q'uipa mandaj cachunmi churasha– nircami.

DANIEL 9:1

Media shuti llajtamanta caj Asueropaj churi Dariomi caldeocunata jatun mandaj tucurca. Paica ñami shuj huatata mandacurca.

ZACARÍAS 2:4

Chai tupanaman llujshij angelca, chaishuj angeltaca cashnami nirca: “Callpashpa chai mosoman cashna nigri: Jerusalén pueblopica achca runacunapish, achca animalcunapishmi jundaringa. Jerusalenca, pircacuna illajllami canga.

Hechos 7:20

Chai punllacunapimi Moisesca huacharirca. Paica, Taita Dios munashcami carca. Quimsa quillatami paipaj yaya mamaca paitaca huasipi charircacuna.

Hechos 7:22

Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

JUECES 8:18

Chai q'uipami Gedeonca Zebatapish, Zalmunatapish: –Tabor urcupi cancuna huañuchishca runacunaca ¿ima shina runacunataj carca?– nijpi paicunaca: –Can shinallatajmi carca. Paicunaca jatun mandajpaj churicuna shinami carca– nircacuna.