DANIEL 1:19 - Dios Rimashca Shimicunami

¹⁹ Tucui chaipi caj mosocunahuan jatun mandaj parlanacushpaca, chaipi cajcunapurapica pi shujtajtaca Daniel shina, Ananías shina, Misael shina, Azarías shinataca pita mana japircachu. Chaimi paicunaca jatun mandajpajta ruranapaj chaipi saquirircacuna.

DANIEL 1:19 Iomraidhean Croise

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

PROVERBIOS 22:29

¿Imata ruranatapish alli yachaj runa maipi cajta ricushcanguichu? Paica yanga runacunapajtaca mana ruranchu, ashtahuanpish jatun mandajpajmari imatapish ruran.

JEREMÍAS 15:19

Mandaj Diosca cashnami nirca: “Can ñucaman cutirijpica, ñucapish canta chasquishami. Cutin ñucata servingapaj ñuca ñaupajpi cai tucunguimi. Ima yangacunata rimanata saquishpa, alli shimicunallata rimashpaca, cutintaj ñuca ima nishcata huillanguillami. Canca ama paicunaman tigrarichu. Ashtahuanpish paicuna cambajman cutirichun saquiyari.

DANIEL 1:18

Jatun mandajca ima punlla paipaj ñaupajman pushanatami mandashca carca. Chaimi punllacuna ña pajtajpica, eunucocunata pushajca Nabucodonosorpaj ñaupajman pusharca.

DANIEL 1:4

Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 1:5

Jatun mandajca paicunamanca micunatapish, vinotapish pai imatami micun, pai imatami ubyan chaillatataj punllanta carachun, yachaitapish quimsa huatacunata alli yachachichun, chai q'uipaca paipaj ñaupajman ricurigrichunmi mandarca.

DANIEL 1:6

Chaicunapurapica Judá aillupuramanta Daniel, Ananías, Misael, Azarías shuticunami carca.

DANIEL 1:7

Paicunataca eunucocunata pushajca, shujtaj shuticunata churashpami, Danieltaca Beltsasarta, Ananiastaca Sadracta, Misaeltaca Mesacta, Azariastaca Abed-nego shutita shutichirca.

DANIEL 2:13

Jatun yachajcunata huañuchichun nishca mandashcataca tucui llajtacunaman cachashpami huillachirca. Danieltapish, paihuan cajcunatapish huañuchingapajmi mashcarcacuna.

DANIEL 3:29

Chashna cashcamanta cunanca cai mandashcatami churani. Maijan llajta cashpa, maijan rimaita rimajcuna cashpapish Sadrac, Mesac, Abed-negopaj Taita Diosta p'iñashpa c'amijtaca changacunata, rigracunata p'itishca cachun. Paicunapaj huasipish mapacunata shitana cashca cachun. Cai Dios shina quishpichijca, shujtaj diosca mana tiyanchu” nircami.