DANIEL 1:1 - Dios Rimashca Shimicunami

¹ Babilonia llajtata jatun mandaj Nabucodonosorca, jatun mandaj Joacim Judá llajtata ña quimsa huatata mandacujpimi, Jerusalenman shamushpa chai pueblo muyundijta paipaj soldadocunahuan shayarirca.

DANIEL 1:1 Iomraidhean Croise

2 REYES 23:36

Joacimca Judá llajtata mandai callarinapajca ishqui chunga pichca huatayujmi carca. Paica chunga shuj huatatami, Jerusalenpi mandarca. Paipaj mamaca, Ruma pueblomanta caj Pedaías runapaj ushushi Zebuda shutimi carca.

2 REYES 24:13

Chai q'uipaca Mandaj Diospaj huasimantapish, mandashpa tiyana huasimantapish tucui imalla tiyashca achca valijcunatami llujshichirca. Israelcunata jatun mandaj Salomón Mandaj Diospaj huasipaj curimanta tucui imalla rurachishcacunatapish tucuitami p'aquirca. Mandaj Dios nishca shinallatajmi pajtarca.

ISAÍAS 39:7

Canmanta llujshishca maijan cambaj churicunataca Babiloniaman apajpi, paicunaca chai llajtata jatun mandajpaj huasipimi eunucocuna canga ninmi– nirca.

JEREMÍAS 25:1

Judá llajtata Josiaspaj churi Joacim, ña chuscu huatata mandacujpimi, jatun mandaj Nabucodonosorca, Babilonia llajtata mandai callarirca. Pai mandanata callari huatami, Mandaj Diosca pai agllashca tucui Judá runacunaman imallata nichun Jeremiasman huillarca.

JEREMÍAS 35:1

Josiaspaj churi jatun mandaj Joacim, Judá llajtata mandacujpimi, Mandaj Diosca Jeremiastaca cashna mandarca:

JEREMÍAS 35:11

Shina cashpapish, cunanca Babilonia llajtata jatun mandaj Nabucodonosor cai llajtata llaquichinaman shamushca cajpimari: Jacuchij chai caldeo soldadocunamantapish, Siria llajta soldadocunamantapish Jerusalenpi miticushunchij nishpa shamushpa, cai Jerusalenpi saquirishpa causacunchij” nircacunami.

JEREMÍAS 36:1

Josiaspaj churi jatun mandaj Joacimca, Judá llajtataca ñami chuscu huatata mandacurca. Chai huatami Mandaj Diosca Jeremiastaca cashna mandarca:

JEREMÍAS 45:1

Josiaspaj churi jatun mandaj Joacimca, ñami Judá llajtataca chuscu huatata mandacurca. Chai huatami Dios ima nishcata huillaj Jeremiasca, Neriaspaj churi quillcaj Barucmanca Dios huillachun nishcata huillarca. Jeremiasca pai huillashca shimicunata shuj pillushca carapi quillcacujpimi, Barucmanca cashna huillarca:

JEREMÍAS 50:1

Caldeocuna causan Babilonia llajtata llaquichinataca, Mandaj Diosmi pai ima nishcata huillaj Jeremiashuan cashna huillachirca:

JEREMÍAS 52:12

Jatun mandaj Nabucodonosorca, Babilonia llajtataca ñami chunga iscun huatata mandacurca. Chai huatapaj pichca quilla chunga punllapimi, Babilonia llajtata jatun mandajta cuidaj soldadocunata mandaj Nabuzaradanca, Jerusalenman shamurca. Paica chai jatun mandajpaj ñaupajpimi caj carca.

JEREMÍAS 52:28

Nabucodonosorca, Judá llajtamantaca, tucui caicunatami prezu aparca: Pai mandacui canchis huatapica, 3.023 runacunatami aparca.

DANIEL 5:13

Danielta jatun mandajpajman pushamujpimi, jatun mandajca Danieltaca cashna nirca: –¿Canchu Judá llajtamanta ñuca yaya prezu apamushcacunapura Daniel cangui?