CANTARES 5:3 - Dios Rimashca Shimicunami

³ Chashna caparicujta uyashpapish ñucaca: “Ñamari churanata llujshichirircani. Maitataj cutin churarishari, ñamari chaquicunatapish maillarircani, maitataj cutinca mapayashari” nircanimi.

CANTARES 5:3 Iomraidhean Croise

GÉNESIS 19:2

cashna nirca: –Ñuca amitocunalla, cunan tutaca cancunapajta rurajpaj huasiman shamushpa chaipi samarichunmi rogapani. Cancunapaj chaquicunatapish chaipi maillanguichijllami. Cayaca utcata jatarishpa, cancuna maiman ricushca ñanllatataj ringuichijllami– nirca. Shina nijpimi paicunaca: –Chaitaca mana rurai tucunchijchu. Cunan tutaca, cai ñanllapimi pacarishun– nirca.

PROVERBIOS 13:4

Q'uilla runaca imata charisha nishpapish, manataj japinchu. Ashtahuanpish tucui yuyaihuan trabajajcunaca charijyancunatajmi.

PROVERBIOS 22:13

Q'uilla runaca, imata mana rurangaraicullami: “Ñanpi león chapacunca, ñucata japishpa huañuchingamari” nin.

PROVERBIOS 3:28

Pi imata mañajpipish maquipi charicushpaca, caya cushatajchari nishpa, ama tigrachishpa cachanguichu.

Mateo 25:5

Novio mana utca shamujpica, dormi atijpimi tucuicuna dormircacuna.

Lucas 11:7

Ucuman cajca caishujtaca: “Ama p'iñachichu, pungupish ñamari huichcashca. Ñucapish huahuacunahuan ñami dormicuni. Canman cungapajca mana jatari tucunichu” ningachari.