CANTARES 5:2 - Dios Rimashca Shimicunami

² Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.

CANTARES 5:2 Iomraidhean Croise

GÉNESIS 29:20

Chashnami Jacobca, Raquelmantaca canchis huatata Labanpajta rurashpa causarca. Raquelta yallitaj c'uyashcamantaca Jacobpajca canchis huatacunaca asha punllacuna shinallami ricurirca.

SALMOS 119:1

Alli ñanllapi purijcunaca cushichishcacunami. Mandaj Diospaj mandashcallapi purijcunaca cushichishcacunami.

SALMOS 81:10

Ñucami Mandaj Dios, cambaj Taita Dios cani. Ñucami Egiptomanta llujshichimurcani. Cambaj shimita pascailla mana nijtami carasha.

PROVERBIOS 23:26

Ñuca huahualla, cambaj shungutaca ñucaman cuhuayari. Cambaj ñahuihuanca ñuca ima shina causajta chaparaiyari.

CANTARES 1:16

Ñuca c'uyashcalla, canca sumajmari cangui. Canca mishquimari cangui. Ñucanchij camaca sisacunahuan mantashcami.

CANTARES 2:10

Ñuca c'uyashcaca ñucataca cashnami nirca: “Ñuca c'uyashca sumaj soltera, jatari jacu ñucahuan.

CANTARES 2:14

C'aca huaicucunapi, jutcucunapi, jahua urcucunapi miticushpa causaj ñuca c'uyashca palomita, cambaj ñahuita ricuchihuai, cambaj rimaita uyachihuai. Cambaj rimashca shimicunaca mishquijllamari uyarin. Cambaj ñahuipish sumajmari ricurin” nircami.

CANTARES 2:8

¡Ñuca c'uyashcapaj rimashcami uyarin! Riqui, paitajmari shamucun. Paitajmari urcucunatapish, lomacunatapish saltarishpa, tushurishpa shamucun.

CANTARES 3:1

Ñucata c'uyajtaca tutacunami ñuca camapi mashcarcani. Mashcashpapish manamari japircanichu.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

CANTARES 4:9

Ñuca panilla, ñuca c'uyashca huarmiculla, cambaj ñahuihuan ricushpamari, ñuca shunguta aparcangui. Shuj ricuillapimari ñuca shungutaca shuhuarcangui, cambaj huallcata pallana puchcahuanmari huatashpa aparcangui.

CANTARES 5:11

Paipaj umaca ashtahuan alli curi shinamari. Paipaj ajchapish cuervo pájaro shina yanajlla crespo ajchamari.

CANTARES 5:6

Ñuca c'uyashcaca punguta pascanapajca, ñami rishca carca. Pai rimajta uyashpaca tucui yuyaihuanmi paihuan canata munarcani. Mashcashpapish, ña mana japircanichu. Cayajpipish ña mana cutichircachu.

CANTARES 6:9

Ashtahuanpish ñuca c'uyashca palomaca paillami. Ñuca c'uyashcaca, imapi mana pandajmi. Paipaj mamapajpish yallitaj c'uyashcamari. Paita huachaj mamaca, ugllashpami charirca. Shujtaj solteracuna paita ricushpaca, cushicuj huarmi nircacunami. Jatun mandaj huarmicunapish, caishuj huarmicunapish paitaca alabarcacunami.

CANTARES 7:9

Cambaj shimica, cambaj c'uyashcapajca alli vinota ubyashca shina cachun. Vinoca yuyajcunatapish rimachinllami.

CANTARES 8:7

Chai rupaj c'uyaitaca, achca yacucunapish manataj huañuchi tucunchu. C'uyaitaca jatun yacucunapish manataj millpui tucunchu. C'uyaitaca tucui imalla charishcacunahuan japisha nij runaca p'iñai tucunmanllami.

ISAÍAS 50:6

Chugrichijcunamanca, ñuca huashata ricuchircanillami. Barbasta chutajcunamanpish ñuca quijadusta ricuchircanillami. C'amishpa ch'ucajpipish, ñuca ñahuita ricuchircanillami.

ISAÍAS 52:14

Paipaj ñahuica ña mana ñahui shinachu carca. Paipaj cuerpoca ña mana cuerpo shinachu carca. Chaita ricushpaca achcacunami canmantaca mancharircacuna.

DANIEL 8:18

Pai ñucahuan rimacujpica, ñucaca dormirishpami pambaman urisinga urmarcani. Chaimi paica ñucata japishpa jatarichishpa shayachirca.

ZACARÍAS 4:1

Ñucahuan parlanacuj angelca ñucapajman shamushpami, ñucataca rijchachirca. Shuj runa muscucushpa rijcharij shinami rijcharircani.

Mateo 7:8

Mañajcunaca tucuicunami chasquin. Mashcajpish japinmi. Huasiyuj nijpipish yaicuchingami.

Mateo 8:17

Profeta Isaías: “Paillatajmi ñucanchij ungüicunata, nanaicunata aparca” nishpa huillashca pajtachunmi chashna rurarca.

Marcos 1:35

Jesusca amsaraj cajpi utca jatarishpa chaimanta llujshishpaca, pi mana causan chulunllaman rishpami, Taita Diosta mañarca.

Lucas 22:44

Jesusca llaquihuan huañucushpami ashtahuan Taita Diosta mañacurca. Chaimantami paipaj jumbica, yahuar shina pambaman achca shuturca.

Lucas 6:12

Chai punllacunapimi Jesusca, Diosta mañangapaj urcuman rirca. Chaipica tucui tutami Diosta mañarca.

Lucas 9:32

Pedropish, paihuan cajcunapish dorminaihuan cashpapish mana dormishpami, Jesusca sumaj achij nicuj cashcata, paihuan parlanacucuj ishqui runacunatapish ricuracurcallacuna.

Juan 10:4

Paipaj ovejacunata canllaman tucuicunata llujshichishpaca, paicunata ñaupashpami rin. Ovejacunaca michijpaj rimaita rijsishcamantami paita catinllacuna.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.

Apocalipsis 3:4

Shina cajpipish Sardispica, paicunapaj churanacunata mana mapayachijcunaca ashacuna tiyanmi. Yurajllata churashcacunaca paicunapaj churanata mana mapayachishcamanta ñucahuanmi puringacuna.