CANTARES 5:1 - Dios Rimashca Shimicunami

¹ Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

CANTARES 5:1 Iomraidhean Croise

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

SALMOS 147:11

Mandaj Diosca paita manchajcunahuanmi cushicun. Pai llaquij cashcata shuyajcunahuanmi cushicun.

SALMOS 16:3

Cai allpapi caj dioscunaca imatapish rurai tucunmi nincunami. Ñucaca cashcata rurajcunahuan cashpami cushicuni.

PROVERBIOS 24:13

Ñuca huahualla, sacha chuspi huachashca mishquitaca japishpa micuilla, allimari. Cambaj shimipi churashpa mishquichiyari.

PROVERBIOS 9:5

Cancunapaj ñuca allichishca micunata micuj shamuichij. Ñuca sumajta chagrushca vinota ubyaj shamuichij.

ECLESIASTÉS 2:5

Quiquin huertacunatapish, jardincunatapishmi charircani. Chaicunapica tucui laya granocunata p'ucuj yuracunatami tarpurcani.

CANTARES 1:13

Ñuca c'uyashca, ñuca chuchu chaupipi huarcushca lutsaj mirra shinamari.

CANTARES 4:16

Aquilón huaira jatariyari. Austro huairapish shamuyari. Ñuca huertata p'ucupaichigari. Mishquijllata ashnacujcunata tsirapaichigari. Ñuca c'uyashcaca paipaj huertaman shamuchunlla, mishquijlla frutacunata micuchunlla.

CANTARES 4:8

Ñuca c'uyashca huarmilla, Líbano urcumantapacha jacu ñucahuan. Líbano urcumantapacha jacu ñucahuan. Amana urcu puntamanta, Senir urcu puntamanta, Hermón puntamanta ricuyari. Chaipica leoncuna causana jutcucunamari, leopardocuna causana urcucunamari.

CANTARES 6:11

Pugru pambapi imalla p'ucushcata ricunamanmi, nogalcunata tarpushca huertamanmi rircani. Uva huiñacushcata, granadacuna sisacushcatami ricunaman rircani.

CANTARES 6:2

Ñuca c'uyashcaca huertamanmi rirca. Mishquijllata ashnacuj eramanmi rirca. Paipaj canlla ovejacunata huertacunapi michinamanmi rirca. Lirio sisacunata tandanamanmi rirca.

CANTARES 8:1

¡Ñuca quiquin turi shina cajpica, ñuca mamapaj chuchucunallatataj chuchushca cajpica, ñanpi tupashpapish cantaca muchaimanmi! Canta muchajta ricujcunaca ñucataca mana p'iñanmancunachu.

CANTARES 8:13

Huerta chaupipi causaj huarmilla, can rimashcataca canhuan purijcunamari uyashca. Ñucamanpish can rimashcata uyachihuayari.

ISAÍAS 23:18

Chashna cashpapish paicuna c'atushpa randishcamanta japishcacunataca Mandaj Diospajllami ch'icanchingacuna. Chaicunataca mana paicunapaj huaquichingacunachu, mana paicunapaj mirachingacunachu. Paicuna c'atushcamanta japishcacunaca Mandaj Diospajta rurajcunapajmi canga. Paicuna pajtata micunapaj allita churarinapajmi canga.

ISAÍAS 5:1

Ñuca c'uyashca alli apanacujtami cantagrini, paipaj uva chagratami cantagrini. Ñuca c'uyashca alli apanacujca, uva chagratami charirca. Alli p'ucuj quinri allpapimi charirca.

ISAÍAS 51:3

Mandaj Diosca Siontaca cushichingami. Chaica chashnatajmi canga. Ñuturishcacunataca cushichingami. Shitashca pambataca sumaj huertatami ruranga. Mana p'ucuj allpataca Mandaj Diospaj huertatami ruranga. Chaipica cushicushpa alabana, cushicushpa cantanacunami tiyanga.

ISAÍAS 53:11

Paipaj alma llaquita apashcamanta p'ucushca granota ricushpaca cushicushpami saquiringa. Paicuna mana allita rurashcataca pai aparishpami, cashcata ruraj ñucapajta rurajca pai yachaj cashcahuan achcacunata justificanga.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

ISAÍAS 61:11

Ima shinami allpaca muyuta tarpujpica mushujta huiñachin, huertapi tarpujpipish ima shinami huiñachin, chai shinallatajmi Mandaj Jatun Diosca paicunataca tucui llajtacuna ricucunpi cashcata rurajcunata, paita alabajcunata ruranga.

ISAÍAS 65:13

Chaimantami Mandaj Jatun Diosca cashna nin: “Riqui, ñucapajta rurajcunaca micungacunami. Ashtahuanpish cancunaca yaricaihuanmi canguichij. Ñucapajta rurajcunaca yacuta ubyangacunami. Ashtahuanpish cancunaca yacunaihuanmi canguichij. Ñucapajta rurajcunaca cushicungacunami, ashtahuanpish cancunaca pingachishcami canguichij.

ISAÍAS 66:14

Chaita ricushpaca, cancunapaj shunguca cushicungami. Cancunapaj tullucunaca llullujlla q'uihua shinami mushujyanga. Mandaj Diosca paipaj maqui tucuita rurai tucuj cashcatami paipajta rurajcunamanca rijsichiringa. Ashtahuanpish paita p'iñajcunahuanca p'iñaringami.

Mateo 25:40

Chaipica jatun Mandajpish: “Tucuimanta yalli uchilla ñuca huauquicunapaj ima allita rurashpaca, ñucapajmari rurarcanguichij” ningami. Chashnatajmi canga.

Lucas 12:4

Ñucahuan apanacujcuna cancunamanca caitami huillani: Cuerpota huañuchijcunataca, ama manchaichijchu. Huañuchishca q'uipaca, imata mana ashtahuan rurai tucungacunachu.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

Hechos 11:29

Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

JUECES 14:11

Filisteocuna Sansonta ricushpaca, paihuan cachunca quimsa chunga runacunatami aparcacuna.

JUECES 14:20

Sansón rijpimi, paipaj huarmitaca, paihuan compaña rijhuan cazarachirca. Chai runaca Sansonhuan alli apanacujmi carca.