CANTARES 4:9 - Dios Rimashca Shimicunami

⁹ Ñuca panilla, ñuca c'uyashca huarmiculla, cambaj ñahuihuan ricushpamari, ñuca shunguta aparcangui. Shuj ricuillapimari ñuca shungutaca shuhuarcangui, cambaj huallcata pallana puchcahuanmari huatashpa aparcangui.

CANTARES 4:9 Iomraidhean Croise

GÉNESIS 20:12

Paica ñuca mamamanta mana pani cashpapish, ñuca yayamantaca pani cajpimari, ñuca panimi nircani. Chaimi paitaca ñuca huarmi cachun japircani.

GÉNESIS 41:42

Faraonca, paipaj maquimanta sortijasta llujshichishpaca Josepaj maquipimi churachirca. Ashtahuan alli lino sumaj churanatami churachirca. Cungapipish curimanta rurashca sumaj huallcatami apachirca.

SALMOS 45:9

Quiquin mandacunpica jatun mandajcunapaj ushushicunami. Quiquinpaj alli ladomanca jatun mandaj huarmimi tiyacun. Paica Ofirmanta curita churarishcami tiyacun.

PROVERBIOS 1:9

Chai shimicunaca sumaj coronata cambaj umapi churachishca shinami canga, sumaj huallcata cungapi aparishca shinami canga.

PROVERBIOS 6:25

Chaicunataca sumaj cajta ricushpapish, pajta shungullapipish munanguiman. Paicunapaj ñahuicunapi pajta inquitaringuiman.

CANTARES 1:10

Cambaj quijaduscunaca can aparishca zarcillo chaupipica sumajmari ricurin. Cungapipish sumaj huallcacunata aparishcamari cangui.

CANTARES 1:15

Ñuca c'uyashcalla, quiquinca sumajmari cangui. Cambaj ñahui luluncunapish sumaj palomacuna shinamari.

CANTARES 3:11

Siónpi causaj solteracunalla, jatun mandaj Salomonta ricunaman llujshichigari. Paipaj shungu cushicuna punllapi, pai casarai punllapi, paipaj mama churachishca coronata churashcamari shamucun.

CANTARES 4:10

¡Ñuca panilla, ñuca c'uyashca huarmilla! ¡Cambaj c'uyaica tucuimanta yallimari! ¡Cambaj c'uyaica vinotapish yalli mishquimari! Can churarishca mishquijllata ashnaj jambicunaca tucuimanta yalli mishquijllata ashnajmari.

CANTARES 4:12

Ñuca panilla, ñuca c'uyashca huarmiculla, huertata huichcashca shinamari cangui. Pugyu yacuta tapachishpa sellashca shinamari cangui.

CANTARES 6:12

Ñucaca manapish imata yuyashcapimi, ñapish Aminadabpaj carro jahuapi tiyarircani.

CANTARES 6:5

Cambaj ñahuicunahuan ñucata chaparanata saquihuai, ñami cambaj ñahuicunahuan ñucata chaparacushpalla mishangui. Cambaj ajchaca, Galaad urcu quinricunapi canlla chivocuna siricuj shinamari.

CANTARES 7:10

Ñucaca, ñuca c'uyashcapajmi cani. Paica ñucahuanmari cushicuitaca japin.

ISAÍAS 54:5

Canta Ruraj Diosmari cambaj cusa, paipaj shutica tucuita Mandaj Diosmi. Paica canta Quishpichij israelcunapaj jucha illaj Diosmi. Tucui cai pachapi causajcunapaj Dios nishcami canga.

ISAÍAS 62:5

C'arita manaraj rijsij huarmihuan shuj moso cazarashpa cushicuj shinami cambaj huahuacunapish canpi cushicungacuna. Ima shinami cusaca paipaj huarmipi cushicun chai shinallatajmi cambaj Taita Diospish canhuan cushicunga.

EZEQUIEL 16:11

Cantaca sumajcunahuanmi sumajyachircani, maquicunapica brazaletecunata, cungapica huallcacunatami apachircani.

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

DANIEL 5:7

Jatun mandajca sinchita caparishpami jatun yachajcunatapish, caldeocunatapish, adivinocunatapish paipajman pushamuchishpa Babiloniapaj jatun yachajcunataca cashna nirca: –Maijanpish chai quillcata rezashpa chai imata nisha nishcata huillajmanca morado sumaj churanatami churachisha, cungapipish shuj curi huallcatami apachisha. Ñuca mandacunpipish, ñuca churashca mandajpaj q'uipa mandaj cachunmi churasha– nircami.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Mateo 12:50

Maijanpish jahua pachapi caj ñuca Yayapaj munaita rurajcunami ñuca huauqui, ñuca pani, ñuca mamaca– nircami.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

1 Corintios 9:5

¿Manachu caishuj apostolcuna shina, Mandaj Jesuspaj huauquicuna shina, Cefas shinallatajpish shuj crij panita ñucanchijpaj huarmi cachun japishpa pushai tucunchij?

2 Corintios 11:2

Cancuna shujtajpaj ama tucuchun ninaca, Diosmantami shamun. Cancunataca shujlla cusahuan cazarachingapajmi ari nishcata charini, paica Cristomi. C'arihuan manaraj chayarinacushca chuyatami, paipajman chayachina cani.

Apocalipsis 21:2

Ñucaca Juanmi cani. Diospaj cielomanta mushuj Jerusalén Diospajlla caj pueblo uriyacujtami ricurcani. Paica cusata japingapaj sumajta allichirishca novia shinami carca.