CANTARES 4:4 - Dios Rimashca Shimicunami

⁴ Cambaj cungaca, Davidpaj macanacunacunata huaquichingapaj rurashca torre shinamari. Huaranga escudocunatami chaipica huarcushca tiyacun. Tucui chaicunaca, c'ari c'ari soldadocunapaj escudocunami.

CANTARES 4:4 Iomraidhean Croise

2 SAMUEL 1:21

Gilboa urcucunalla, c'ari c'ari cajcunapaj escudocunaca chaipimari shitashca saquirishca. Saulpaj escudopish aceitehuan mana churashcapaj shinamari shitashca saquirishca. Chaimanta cancunapica, amataj tamyachun, shullallapish amataj urmachun. Chai allpapica ofrendata cunapajca amataj p'ucuchun.

2 SAMUEL 22:51

Pai churashca jatun mandajtaca cushicushpami quishpichin. Pai churashca mandajtaca llaquicunllami. Davidtapish, paipaj huahuacunatapish huiñaitami chashna pushanga” nircami.

NEHEMÍAS 3:19

Bavai pircashca c'uchumanta shuj mirgataca Jesuapaj churi Ezermi macanacunacunata huaquichina huasi c'uchumanta janaj esquinacama pircarca. Paica Mizpa llajtata mandajmi carca.

SALMOS 144:12

Ñucanchij churicunaca paicuna huiñacui punllapica sumajta huiñacuj yuracuna shina jatunyashca cachun. Ñucanchij ushushicunapish mandana huasipaj esquinapi churashca sumaj rumi shina cachun.

CANTARES 1:10

Cambaj quijaduscunaca can aparishca zarcillo chaupipica sumajmari ricurin. Cungapipish sumaj huallcacunata aparishcamari cangui.

CANTARES 7:4

Cambaj cungaca, marfilhuan shayachishca torre shinamari. Cambaj ñahui luluncunaca, Hesbón pueblopi Bat-rabim shuti pungu c'uchupi tiyaj yacu tanquecuna shinamari. Cambaj singaca Libanopi tiyaj torre, Damasco pueblota ricucuj shinamari.

CANTARES 7:5

Cambaj umaca, Carmelo urcu shinamari. Cambaj uma ajchaca, jatun mandajpaj amsa puca churanata corredorpi huarcushca shinamari.

CANTARES 8:10

Ñucaca pircashca pata shinamari cani. Ñuca chuchucunaca, torrecuna shinamari. Chaimantatajmari ñuca c'uyashcapaj ñahuipica sumaj ricurini.

MIQUEAS 4:8

Canlla ovejacuna shayana jatun torrella, canca Siónpi causajcunata pacajmari cangui. Punta mandashca shinallatajmi, canca Jerusalenpi causajcunataca cutin mandangui” ninmi.

Colosenses 2:19

Paicunaca uma caj Cristohuanca mana shuj shinalla canchu. Ashtahuanpish Cristomari paipi cajcunataca mucucunahuan, angucunahuan shujllata rurashpa, carashpa, sinchiyachishpa, Dios cushcahuan huiñachicun.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.