CANTARES 4:3 - Dios Rimashca Shimicunami

³ Cambaj shimica, pucajlla puchca shinami. Cambaj rimaipish, rijsinajllamari. Cambaj quijaduscunapish, ch'ungullishca ucupica, chaupishca granada shinami ricurin.

CANTARES 4:3 Iomraidhean Croise

GÉNESIS 32:10

¡Tucui caicunata quiquin llaquishpa cuna cashcata mana chasquipaj cajpipish cambajta ruraj ñucamanca cai tucuitami cushcangui! Ñucaca cai Jordán jatun yacutaca tauna caspita aisashcallami ch'imbashpa rircani. Ashtahuanpish cunanca ishqui mirgapi ch'icanyachishca animalcunatapish, runacunatapishmi charini.

ESDRAS 9:6

cashna nircani: “Ñuca Dioslla, ñuca Dioslla, canta huichilla ricushpa mañangapajca yallitaj musparishca yallitaj pingaihuanmi cani. Millaita ñucanchij rurashpaca yallitaj jucha aparishcami tucushcanchij. Ñucanchij juchacunaca jahua pachacamami chayashca.

SALMOS 119:13

Quiquinpaj shimihuan tucui imallata mandashcataca, ñuca shimihuanmi huillarcani.

SALMOS 37:30

Cashcata rurajca, yachaisapa cashcahuanmi riman. Paipaj c'alluca imatapish cashcatatajmi riman.

SALMOS 45:2

Tucui c'aricunata yalli sumajmi cangui. Quiquinpaj shimimantaca sumaj shimicunami talliricun. Chaimantami Taita Diosca quiquintaca huiñaipaj alli nishca.

PROVERBIOS 10:13

Alli yuyaiyujpaj shimimantaca, alli yachanacunami llujshin. Ashtahuanpish ima alli yuyai illajca, varahuan huashapi azotishcami purin.

PROVERBIOS 31:26

Paica alli yachaihuanmi imatapish shimi llujshin. Llaquij canatami yachachishpa mandan.

CANTARES 1:5

Jerusalenpi causaj huarmicunalla, ñucaca yana cashpapish, Cedar llajtapi tiyaj carpa huasicunata shina, Salomonpaj linsocunata shina munananqui huarmimari cani.

CANTARES 4:11

Ñuca c'uyashca huarmilla, cambaj shimimantaca sacha chuspi huachashca mishqui llujshicuj shinamari. Cambaj c'allupica, sacha chuspi huachashca mishquipish, lechepishmari tiyan. Cambaj churanacunapish Líbano shinamari mishquiman ashnacun.

CANTARES 5:13

Paipaj quijaduscunaca, mishquijllata ashnacujcunata churana era shinami, sisacuna shina mishquijllata ashnacujmi. Paipaj shimimantaca, lirio sisamanta mishquijllata ashnaj mirra llujshicuj shinamari.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

CANTARES 6:7

Cambaj quijaduscunapish, ch'ungullishca ucupica, chaupishca granada shinami ricurin.

CANTARES 7:9

Cambaj shimica, cambaj c'uyashcapajca alli vinota ubyashca shina cachun. Vinoca yuyajcunatapish rimachinllami.

EZEQUIEL 16:63

Chaita yuyarishpaca, pingaringuimi. Can imalla rurashcacunata ñuca perdonajpica pingarishpami, cutinca mana imata rimangui” ninmi Mandaj Jatun Diosca.

LEVÍTICO 14:4

curami ima mapa illajllata ruranapajca ima mapa illaj ishqui pajarocunata, cedro caspita, shuj puca linsota, hisopo p'angatapish apamuchun mandanga.

LEVÍTICO 14:6

Chai q'uipaca causaj pajarotapish, cedro caspitapish, puca linsotapish, hisopo p'angatapish japishpami, callpacuj yacupi huañuchishca pajaropaj yahuarpi causaj pajarotaca shutujyachinga.

NÚMEROS 19:6

Chai q'uipaca curallataj cedro caspita, hisopo ramata, puca linsota japishpa, vaca rupashpa lunyacuj chaupipi shitachun.

NÚMEROS 4:8

Chai jahuataca, amsa puca linsohuan pilluchishpa, tejoncunapaj cara tapahuan tapachichun. Chai q'uipaca, mezata apana caspicunata churachichun.

Mateo 12:35

Alli runaca, imapish allicunallata paipaj shungupi huaquichishca cashpami, alli sumajcunallata llujshichin. Mana alli runaca imapish mana allicunallata paipaj shungupi huaquichishca cashpami mana alli millaicunallata llujshichin.

Lucas 4:22

Sumaj shimicunallata Jesús rimajta uyashpaca, tucuicuna mancharinacushpami paica allitamari nin nircacuna. Ashtahuanpish: –¿Manachu caica Josepaj churilla? nishpami parlanacurcacuna.

Efesios 4:29

Cancunapaj shimimantaca, ima mapa shimicuna ama llujshichun. Ashtahuanpish uyajcuna sinchiyachun allicunallata rimaichij.

Colosenses 4:6

Cancunapaj rimaicunaca cachihuan mishquichishca shina uyananqui cachun. Chashna cashpami pimanpish jahualla imata cutichina cashcataca yachanguichij.

Hebreos 9:19

Moisesca Mandashcapi tucui imalla nishcacunata tucuicunaman huillashpaca, c'ari bizicunapaj, c'ari chivocunapaj yahuarta japishpami, yacuhuan chagrushpa puca millma hisopota satishpa Mandashcata quillcashca librotapish, tucui chaipi cajcunapaj jahuatapish,

JOSUÉ 2:18

Ñucanchij ña cai llajtaman yaicumujpica, canca ñucanchijta canllaman uriyachishca cai puca huascatami ventanapi huarcuna cangui. Cambaj yaya mamatapish, turicunatapish, cambaj yayapaj familiacunataca tucuicunata cambaj huasipi tandachingui.