CANTARES 3:6 - Dios Rimashca Shimicunami

⁶ ¿Shitashca pambataca pi huarmitajshimari, tucui layaman ashnacuj cutahuanpish, inciensohuanpish, mirrahuanpish churarishpa mishquijllata ashnacuj, cushni shina huichiyacun?

CANTARES 3:6 Iomraidhean Croise

ÉXODO 30:34

Mandaj Diosca Moisestaca cashnapishmi nirca: “Inciensota rurangapajca, mishquiman ashnacuj cai yuracunata japingui. Mishquijllata ashnaj estacteta, mishquijllata ashnaj uñata, mishquijllata ashnaj galbanota ashtahuan alli inciensotapish tucuicunata chai shinallatataj japishpa,

PROVERBIOS 7:17

Ñuca dormina ucupipish, sumaj mishquijllata ashnaj mirrata, aloeta, canelatamari churamurcani.

CANTARES 1:13

Ñuca c'uyashca, ñuca chuchu chaupipi huarcushca lutsaj mirra shinamari.

CANTARES 1:3

Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

CANTARES 3:7

Riqui, chaica Salomonta huanduna literami. Chai huanduna literataca sujta chunga c'ari c'ari Israel soldadocunami cuidashpa shamucuncuna.

CANTARES 4:6

Pacarishpa achijyangacamaca, mirra tiyan urcuman, incienso tiyan lomaman rishalla.

CANTARES 5:13

Paipaj quijaduscunaca, mishquijllata ashnacujcunata churana era shinami, sisacuna shina mishquijllata ashnacujmi. Paipaj shimimantaca, lirio sisamanta mishquijllata ashnaj mirra llujshicuj shinamari.

CANTARES 5:5

Ñuca c'uyashcata yaicuchingapajmi, jatarishcahuan punguta pascagrircani. Ñuca maquicunamantaca, mirrami shuturca. Aldabata pascacujpica, ñuca dedocunataca mirrami yacu shina callparca.

CANTARES 8:5

¿Paipaj c'uyashcapaj rigra jahuapi sirishpa, shitashca pambamanta huichiyacujca pi huarmitagari? Manzana yura ucupimari rijchachircani. Chaipimari cambaj mamataca, huachana nanai japirca. Chaipimari cambaj mamaca cantaca huacharca.

ISAÍAS 43:19

Riqui, ñucaca mushujtami ruragrini. ¿Manachu ricunguichij? Ñallami luzman llujshinga. Shitashca pambapica cutinmi ñanta pascasha. Chaquishca allpapica jatun yacutami surcusha.

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 31:2

Israelcunaca espadamanta quishpirishpami, samarinata mashcashpa tigracurcacuna. Shitashca pambata chashna puricujpimi, ñucaca llaquircani” ninmi Mandaj Diosca.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

Mateo 2:11

Huasiman yaicushpaca, huahuataca paipaj mama Mariahuan cajta ricushpami, cungurishpa adorarcacuna. Paicuna cungapaj apamushcacunata pascashpami achca valij curitapish, inciensotapish, mirratapish curcacuna.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Apocalipsis 12:14

Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.

Apocalipsis 12:6

Chai huarmica, shitashca pambapi Dios allichishcapi miticugrijpimi chaipica 1.260 punllacunacama Dios cuidashca carca.

Apocalipsis 18:13

Shinallataj canelapish, tucui laya mishquiman ashnacujcunapish, inciensopish, mirrapish, olibanopish, vinopish, aceitepish, trigo cutapish, trigopishmi carca. Shinallataj jatun animalcunapish, ovejacunapish, caballocunapish, carretacunapish, c'atungapaj randishpa apashca gentecunapishmi carca.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.