CANTARES 3:3 - Dios Rimashca Shimicunami

³ Ashtahuanpish pueblota cuidajcunarajmi ñucahuanca tuparca. Paicunataca: “¿Manachu ñuca c'uyashcahuan tuparcanguichij?” nishpami tapurcani.

CANTARES 3:3 Iomraidhean Croise

CANTARES 1:7

Canca ñuca tucui almahuan c'uyashcamari cangui. ¿Maipitaj canlla ovejacunataca michicunguiyari? ¿Chaupi punlla tucujpica maipitaj samachingui? ¿Ima nishpataj canhuan apanacujcunapaj canlla ovejacunahuanca, chingarishca shinaca tandanacugrina caniyari?

CANTARES 5:7

Ashtahuanpish pueblota cuidaj runacunami ñucahuanca tuparcacuna. Paicunami ñucataca macashpa chugrichircacuna. Pircata cuidaj soldadocunami, jahua churanatapish quichurcacuna.

ISAÍAS 56:10

Israelcunata cuidajcunaca, mana ricujcunami. Tucui paicunaca mana yachashca shina tucujcunami. Tucui paicunaca mana ladraj upa allcucuna shinami. Dormicujlla q'uillacunami. Dorminallata munajcunami.

ISAÍAS 62:6

Jerusalén pueblolla, cambaj muyundij pircapica, ñami cuidajcunata churani. Paicunaca tutapish, punllapish manataj upalla cangachu. ¡Mandaj Diosta yuyarijcuna, ama shaicurichijchu,

EZEQUIEL 3:17

“Huañujlla aichayuj runalla, cantaca israelcunata ricuj cachunmi churani. Cunanca ñuca imalla nishcata alli uyangui. Paicunamanca ñuca imalla nishcata huillashpa cunangui.

Juan 20:15

Jesusca: –Huarmi ¿imamantataj huacacungui? ¿Pitataj mashcacungui?– nijpimi, huertata allichijmi yuyashpa chai huarmica: –Mandaj Jesusta, can apashca cashpaca, maipi churashcata huillahuai, ñuca apangapaj– nirca.

Hebreos 13:17

Cancunata michijcunata cazuichij. Paicuna mandashcatapish uyaichij. Diosman imalla rurashcata ricuchina cashcamantami, paicunaca cancunapaj almataca ricuracun. Imalla rurana cashcata cushicuihuan ama llaquirishpa rurachunmi chashna cazuna canguichij. Paicuna llaquirishca rurajpica ima allita mana japinguichijchu.