CANTARES 2:6 - Dios Rimashca Shimicunami

⁶ Paipaj lluqui rigrapi ñucata saunachihuajpichari, paipaj alli rigrahuanca ñucata ugllahuajpichari.

CANTARES 2:6 Iomraidhean Croise

PROVERBIOS 4:8

Cai yachashcata can jatunyachijpica, cantapish jatunyachingami. Paipi can ugllarijpica, cantapish alli nishcatami ruranga.

CANTARES 3:5

Jerusalenpi causaj solteracunalla, corzocunamantapish, sacha tarugacunamantapishmi cashna nipani: Ñuca c'uyashcataca amataj rijchachipaichijchu. Maicamapish samarichun saquipaichijlla.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.