CANTARES 2:1 - Dios Rimashca Shimicunami

¹ Ñucaca Sarón pambapi tiyaj rosas sisami cani. Ñucaca pugru pambapi tiyaj lirio sisami cani.

CANTARES 2:1 Iomraidhean Croise

1 CRÓNICAS 5:16

Tucui chaicunami Galaad, Basán shuti llajtacunapi, chai muyundij llajtacunapipish causarcacuna. Sarón shuti michina pambacunapipishmi, chai tucui pambacunapi causarcacuna.

SALMOS 85:11

Mana llulla canaca allpamantami huiñanga. Cashcata rurajca jahua pachamantami ricunga.

CANTARES 2:16

Ñuca c'uyashcaca ñucapajmi, ñucaca paipajmi cani. Paica lirio sisacuna chaupipi michijmi.

CANTARES 5:13

Paipaj quijaduscunaca, mishquijllata ashnacujcunata churana era shinami, sisacuna shina mishquijllata ashnacujmi. Paipaj shimimantaca, lirio sisamanta mishquijllata ashnaj mirra llujshicuj shinamari.

CANTARES 6:2

Ñuca c'uyashcaca huertamanmi rirca. Mishquijllata ashnacuj eramanmi rirca. Paipaj canlla ovejacunata huertacunapi michinamanmi rirca. Lirio sisacunata tandanamanmi rirca.

CANTARES 6:3

Ñucaca ñuca c'uyashcapajmi cani. Ñuca c'uyashcaca ñucapajmi. Paica lirio sisacuna chaupipi michijmi.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

OSEAS 14:5

Ñucaca israelcunapajca shulla shinami casha. Paicunaca lirio shinami sisanga. Paicunaca Líbano yuracunapaj sapicuna shinami ucujta ringa.