CANTARES 1:9 - Dios Rimashca Shimicunami

⁹ Ñuca c'uyashcalla, cantaca faraonpaj carretata aisashpa purij sumaj yeguahuanmi ch'imbapurani.

CANTARES 1:9 Iomraidhean Croise

GÉNESIS 50:9

Carrocunapi purij soldadocunapish, caballocunapi purij soldadocunapish paihuanmi huichiyarcacuna. Tucui paicunami huashan huashan sumajta filapi Josehuan rircacuna.

1 REYES 10:28

Jatun mandaj Salomonpaj randishpa c'atushpa purijcunaca caballocunatapish, linsocunatapish randishpa purijcuna cashcamantami, Egiptomantapish caballocunata, linsocunata Salomonpajca apamurcacuna.

CANTARES 1:15

Ñuca c'uyashcalla, quiquinca sumajmari cangui. Cambaj ñahui luluncunapish sumaj palomacuna shinamari.

CANTARES 2:10

Ñuca c'uyashcaca ñucataca cashnami nirca: “Ñuca c'uyashca sumaj soltera, jatari jacu ñucahuan.

CANTARES 2:13

Higo yurapish ñami p'ucushca. Uva sisacunapish sumajtami ashnacun. Ñuca c'uyashca sumaj huarmi, jatariyari jacu ñucahuan.

CANTARES 2:2

Ñuca c'uyashcaca solteracunapaj chaupipica, casha yuracuna chaupipi lirio sisa huiñashca shinami ricurin.

CANTARES 4:1

Ñuca c'uyashcalla, canca sumajmari cangui, canca sumajmari cangui. Cambaj ñahui luluncunapish ajcha ucucunapica, paloma ñahui shinamari tiyacun. Cambaj ajchaca, Galaad llajtapi tiyaj urcu quinricunapi canlla chivocuna siricuj shinami ricurin.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

CANTARES 5:2

Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.

CANTARES 6:4

Ñuca c'uyashcalla, canca sumajmari cangui. Tirsa pueblo shina, Jerusalén shina munananquimari cangui. Catinacushpa manchachinaman shamuj soldadocuna shinamari cangui.

ISAÍAS 31:1

Egiptocuna ayudachun nishpa Egiptoman uriyajcunalla. Caballocunata, carrocunata charin nishpalla shunguta churajcunalla. Achcacuna cashcallamanta, caballocunapi tiyarijcuna cashcallamanta, c'ari c'aricuna cashcallamanta shunguta churajcunalla. ¡Aij, imachari tucungacuna! Ashtahuanpish Israelcunapaj jucha illaj Diospica shunguta mana churancunachu. Mandaj Diostaca mana mashcancunachu.