CANTARES 1:8 - Dios Rimashca Shimicunami

⁸ Tucui huarmicunamanta yalli sumaj huarmilla. Can mana yachashpaca, canlla ovejacuna sarushcata catilla. Michijcunapaj chugllacuna c'uchupi cambaj malta huarmi chivocunata michigrilla.

CANTARES 1:8 Iomraidhean Croise

SALMOS 16:3

Cai allpapi caj dioscunaca imatapish rurai tucunmi nincunami. Ñucaca cashcata rurajcunahuan cashpami cushicuni.

SALMOS 45:11

Can sumaj huarmitaca jatun mandajmari munanga. Paica cambaj mandaj cashcamanta paitami cazuna cangui.

SALMOS 45:13

Jatun mandajpaj ushushica, sumajyachishcamari. Pai causana huasipimari. Paipaj churanaca curi puchcahuan sumaj ricunacunayujta ahuashcami.

PROVERBIOS 8:34

Ñuca yachachishcata yachana munaihuantaj punllanta ñuca huasi pungu pilar huashapi shuyashpa chasquijca cushicunmi.

CANTARES 1:15

Ñuca c'uyashcalla, quiquinca sumajmari cangui. Cambaj ñahui luluncunapish sumaj palomacuna shinamari.

CANTARES 2:10

Ñuca c'uyashcaca ñucataca cashnami nirca: “Ñuca c'uyashca sumaj soltera, jatari jacu ñucahuan.

CANTARES 4:1

Ñuca c'uyashcalla, canca sumajmari cangui, canca sumajmari cangui. Cambaj ñahui luluncunapish ajcha ucucunapica, paloma ñahui shinamari tiyacun. Cambaj ajchaca, Galaad llajtapi tiyaj urcu quinricunapi canlla chivocuna siricuj shinami ricurin.

CANTARES 4:10

¡Ñuca panilla, ñuca c'uyashca huarmilla! ¡Cambaj c'uyaica tucuimanta yallimari! ¡Cambaj c'uyaica vinotapish yalli mishquimari! Can churarishca mishquijllata ashnaj jambicunaca tucuimanta yalli mishquijllata ashnajmari.

CANTARES 4:7

Ñuca c'uyashca huarmilla, canca chaqui puntamantaca umacamami sumaj cangui. Canpica ima mana alli mana tiyanchu.

CANTARES 5:9

¿Tucui huarmicunata yalli sumaj huarmilla, cambaj c'uyashcaca, caishuj c'uyashcataca imahuan yallitagari? ¿Cambaj c'uyashcaca caishuj c'uyashcata yalli cajpichu, ñucanchijtaca tupashpa huillanguichij ningui imatagari?

CANTARES 6:1

Sumaj huarmicunamanta yalli sumaj huarmilla, cambaj c'uyashcaca ¿maimantaj rircari? Cambaj c'uyashcaca ¿imamantataj shitashpa rircari? Canhuan mashcagrishun ninchijmari.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

Juan 21:15

Micushca q'uipami Jesusca, Simón Pedrotaca: –Jonaspaj churi Simón, ¿canca ñucataca caicunata yallichu c'uyangui?– nijpi paica: –Ari Mandaj Jesús, ñuca canta c'uyashcataca quiquinllataj yachanguimi– nijpi Jesusca: –Ñuca bachujcunata cuidangui– nirca.

1 Corintios 11:1

Cristota ñuca catij shinallataj, ñucata ricushpa catichij.

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

Hebreos 13:7

Cancunata michijcunata yuyarichij. Paicunami cancunaman Diospaj Shimita yachachin. Paicuna crishpa ima shina caticushca shina cancunapish catichij.

Hebreos 6:12

Chashna ruranataca ama q'uillanguichijchu. Chaipaj randica crishcamanta mana p'iñarishpalla Dios cusha nishcata japijcuna ima shina cashcata ricushpa allita ruraichij.

Santiago 2:21

¿Manachu ñucanchij yaya Abrahamca, paipaj churi Isaacta altarpi rupachinapaj cushcamanta justificashca tucushca?

Santiago 2:25

¿Manachu huainayashpa causaj Rahab huarmipish, ricunaman rijcunata chasquishpa, shujtaj ñanta cachashcamanta justificashca carca?

Santiago 5:10

Ñuca huauquicunalla, Jatun Diospaj shutimanta huillaj profetacuna mana p'iñarishpa llaquita apashca shinallataj, chaita ricushpa llaquita apaichijlla.

1 Pedro 3:6

Sarami paipaj cusa Abrahamtaca, ñuca amito nij cashca. Cancunapish ima manchanata nijpipish allicunata rurashpaca mana manchanachu canguichij. Chashna rurashpami, paipaj ushushicunataj canguichij.