CANTARES 1:7 - Dios Rimashca Shimicunami

⁷ Canca ñuca tucui almahuan c'uyashcamari cangui. ¿Maipitaj canlla ovejacunataca michicunguiyari? ¿Chaupi punlla tucujpica maipitaj samachingui? ¿Ima nishpataj canhuan apanacujcunapaj canlla ovejacunahuanca, chingarishca shinaca tandanacugrina caniyari?

CANTARES 1:7 Iomraidhean Croise

GÉNESIS 37:16

Joseca: –Ñuca huauquicunatami mashcashpa puricuni. Paicuna maipi michicujta ricurcanguipishchari huillahuai– nirca.

SALMOS 116:1

Ñucaca Mandaj Diosta c'uyanimi. Paimari ñuca mañashcata, ñuca caparishcata uyahuarca.

SALMOS 18:1

Mandaj Dioslla, cantaca c'uyanimi, canca ñucaman fuerzata cujmi cangui.

SALMOS 28:1

Mandaj Dioslla, quiquintami caparini. Ñuca rumilla, ñuca mañashcataca ama mana uyasha nichu. Ñucata quiquin saquijpica huañushcacunata pambashcaman uriyacuj shinami casha.

SALMOS 80:1

Israelcunata michij uyahuayari. Quiquinca Josepaj huahua huahuacunataca ovejacunata shina michijmi cangui. Querubincunapaj chaupipi cajlla achijyachihuayari.

CANTARES 2:16

Ñuca c'uyashcaca ñucapajmi, ñucaca paipajmi cani. Paica lirio sisacuna chaupipi michijmi.

CANTARES 2:3

Ñuca c'uyashcaca mosocunapaj chaupipica, sacha yuracuna chaupipi huiñashca manzana yura shinami ricurin. Ñuca munashcapaj llandupimi tiyarircani. Pai p'ucushca micunaca, ñuca shimipica mishquimari.

CANTARES 5:10

Ñuca c'uyashcaca yurajllamari, ñahuipish pucajllamari, chunga huaranga runacunapaj chaupipi cashpapish rijsinallamari.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

CANTARES 5:8

Jerusalenpi causaj solteracunalla, ñuca c'uyashcahuan tupashpaca: “Canta ricunaihuan ungushpa huañucurcami” nishpa huillapanguichijtaj nircami.

CANTARES 6:2

Ñuca c'uyashcaca huertamanmi rirca. Mishquijllata ashnacuj eramanmi rirca. Paipaj canlla ovejacunata huertacunapi michinamanmi rirca. Lirio sisacunata tandanamanmi rirca.

CANTARES 6:3

Ñucaca ñuca c'uyashcapajmi cani. Ñuca c'uyashcaca ñucapajmi. Paica lirio sisacuna chaupipi michijmi.

CANTARES 8:13

Huerta chaupipi causaj huarmilla, can rimashcataca canhuan purijcunamari uyashca. Ñucamanpish can rimashcata uyachihuayari.

ISAÍAS 13:20

Chaipica pi ña manataj causangachu. Huahua huahua huashan huashan chaipi causajcunaca ña mana tiyangachu. Arabecunapish, ña mana chaipi carpa huasita shayachingacunachu. Michijcunapish paicunapaj animalcunataca chai llajta corralcunapica ña mana churaj shamungachu.

ISAÍAS 26:9

Tutapish ñuca almahuanmi quiquintaca munani. Ñucapi caj espíritu ñucapi causashca camaca cada tutamantami quiquinta utca mashcasha. Cai pachapi quiquin cashcata rurashpa mandajpimi, cai pachapi causajcunaca cashcata ruranaca ima cashcata yachangacuna.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

ISAÍAS 5:1

Ñuca c'uyashca alli apanacujtami cantagrini, paipaj uva chagratami cantagrini. Ñuca c'uyashca alli apanacujca, uva chagratami charirca. Alli p'ucuj quinri allpapimi charirca.

JEREMÍAS 33:12

Tucuita Mandaj Diosca cashnapishmi nin: “Runacunapish, animalcunapish illaj, shitashca saquirij cai pueblo c'uchupipish, tucui pueblocuna c'uchupipish, llajtapipish achca animalcunata michishpa purijcunami, chugllacunata rurashpa cuidangacuna.

MIQUEAS 5:4

Chai Mandajca, Mandaj Diospaj tucuita rurai tucuj sumaj cashcahuanmi, pai agllashcacunataca michinga. Chaipica paicunaca sumaj causaitami charingacuna. Mandaj Dios jatunyachishca cashpami, chai mandajca tucui cai pachata mandanga.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

1 Pedro 2:7

Cristota crij cancunapajca paica achca valijmari. Ashtahuanpish mana crijcunapajca Quillcachishcapi nishca shinaca: “Huasichijcuna shitashca rumica, huasichi callaringapaj esquinapi churana rumimi tucushca”.

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.

RUT 2:21

Moabmanta Rutpish: –Chai runaca ñuca cozicha tucuringacama, ñucapajta ruraj huarmicunahuan caipi canguilla nircapishmari– nircami.