CANTARES 1:5 - Dios Rimashca Shimicunami

⁵ Jerusalenpi causaj huarmicunalla, ñucaca yana cashpapish, Cedar llajtapi tiyaj carpa huasicunata shina, Salomonpaj linsocunata shina munananqui huarmimari cani.

CANTARES 1:5 Iomraidhean Croise

SALMOS 120:5

¡Aij ñucalla, Mesecpi causacunica, Cedarpaj carpa huasicuna chaupipi causacunica!

SALMOS 149:4

Mandaj Diosca paipaj cajcunahuanmi cushicun. Mana jatun tucushcacunata quishpichishpamari sumajyachinga.

SALMOS 45:9

Quiquin mandacunpica jatun mandajcunapaj ushushicunami. Quiquinpaj alli ladomanca jatun mandaj huarmimi tiyacun. Paica Ofirmanta curita churarishcami tiyacun.

SALMOS 90:17

Ñucanchij Taita Dioslla Mandaj Diospaj luzca ñucanchij jahuapi cashca ricurichun. Ñucanchij rurashcacuna allitaj cajpica ñucanchij maquihuan rurashcacunataca sinchi cashcata ricuchiyari.

CANTARES 2:14

C'aca huaicucunapi, jutcucunapi, jahua urcucunapi miticushpa causaj ñuca c'uyashca palomita, cambaj ñahuita ricuchihuai, cambaj rimaita uyachihuai. Cambaj rimashca shimicunaca mishquijllamari uyarin. Cambaj ñahuipish sumajmari ricurin” nircami.

CANTARES 2:7

Jerusalenpi causaj solteracunalla, corzocunamantapish, sacha tarugacunamantapishmi cashna nipani: Ñuca c'uyashcataca amataj rijchachipanguichijchu, maicamapish samaricuchun saquipanguichijlla.

CANTARES 3:10

Chai carretapica cullqui pilarcunatami churachirca. Paipaj huasha quimirinatapish curihuanmi c'atachirca. Pai tiyarinatapish pucajlla linsohuanmi rurachirca. Jerusalenpi causaj solteracunami pai tiyarinataca c'uyaihuan sumajta bordarcacuna.

CANTARES 3:5

Jerusalenpi causaj solteracunalla, corzocunamantapish, sacha tarugacunamantapishmi cashna nipani: Ñuca c'uyashcataca amataj rijchachipaichijchu. Maicamapish samarichun saquipaichijlla.

CANTARES 4:3

Cambaj shimica, pucajlla puchca shinami. Cambaj rimaipish, rijsinajllamari. Cambaj quijaduscunapish, ch'ungullishca ucupica, chaupishca granada shinami ricurin.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

CANTARES 5:8

Jerusalenpi causaj solteracunalla, ñuca c'uyashcahuan tupashpaca: “Canta ricunaihuan ungushpa huañucurcami” nishpa huillapanguichijtaj nircami.

CANTARES 6:4

Ñuca c'uyashcalla, canca sumajmari cangui. Tirsa pueblo shina, Jerusalén shina munananquimari cangui. Catinacushpa manchachinaman shamuj soldadocuna shinamari cangui.

CANTARES 8:4

Jerusalenpi causaj solteracunalla, ñuca c'uyashcataca amataj rijchachipaichijchu. Maicamapish samaricuchun saquipaichijlla.

ISAÍAS 21:16

Mandaj Diosca ñucamanca cashnami nirca: “Caimanta huatapica Cedar llajta alli nishca canaca shujpi shujpi trabajaj runapaj huatacuna shinallapimi utca shitashca saquiringa.

ISAÍAS 53:2

Chaquishca allpapi yura sapimanta retoñaj shinami paipaj ñaupajpica huiñanga. Paica alli ñahui mana cangachu. Paica sumaj ricunanqui ñahuica mana canchu. Ñucanchij catingapaj munana ñahuillatapish mana charircachu.

ISAÍAS 60:7

Cedarpi caj tucui animalcunatami cambaj apamungacuna. Nebaiotpi caj tucui carnerocunaca can imata ruranapajmi canga. Chaicunaca ñuca altarpi cushicushpa rupachinapajmi canga. Chaipimi ñuca sumaj huasitaca ashtahuan alli nishcata rurasha.

ISAÍAS 61:10

Mandaj Diospimi ñucaca yallitaj cushicusha. Ñuca Taita Diospimi ñuca almaca cushicunga. Paimi ñucamanca churanata shinaca quishpirinata churachirca. Cashcata ruranahuanmi pilluchirca. Noviota shinami sumajta allichirca. Noviata shinami achca valijcunahuan sumajta allichirca.

EZEQUIEL 16:14

Cantaca ñuca sumajyachijpimi, sumaj tucurcangui. Chashna alli cashcamantami, cambaj shutica shujtaj llajtacunapipish alli nishca carcangui. Mandaj Jatun Diostajmi chashna nini.

EZEQUIEL 27:21

Arabia llajtapi causajcunapish, Cedar pueblomanta mandajcunapish cambaj c'atuna plazacunapica, malta ovejacunahuan, carnerocunahuan, c'ari chivocunahuanmi randinaman shamurcacuna. Cai tucuitami canca randishpa c'atushpa causarcangui.

Mateo 10:25

Yachacujpish paita yachachij shinallataj, amopajta rurajpish paipaj amo shinallataj tucushpaca, allimi canga. Yayatapish supaicunata mandaj nicujcunaca huahuacunatacarin ¡Imatapishchari ningacuna!

Mateo 22:11

Cayashcacunata jatun mandaj ricunaman yaicushpaca, bodaman rina churanahuan mana caj shuj runatami ricurca.

Lucas 13:34

¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.

Lucas 15:22

yayaca paipajta rurajcunataca cashnami nirca: “Tucuimanta yalli alli churanata llujshichimushpa churachichij. Maqui dedopica sortijasta, chaquipica pargateta churachichij.

Romanos 13:14

Chaipaj randica Mandaj Jesucristota churarichij. Aicha munaicunata rurashpa cushicujcunaca ama caichijchu.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Gálatas 4:26

Ashtahuanpish jahua pachapi caj Jerusalenca, tucui ñucanchijpaj mamami. Paica mana esclavachu.

Efesios 5:26

Huillashca shimihuan yacupi maillashpa jucha illajta rurangapajmi, Cristoca chashna tucurca.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.