CANTARES 1:3 - Dios Rimashca Shimicunami

³ Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

CANTARES 1:3 Iomraidhean Croise

SALMOS 133:2

Aaronpaj umapi tucuimanta yalli alli aceiteta churajpi, paipaj barbasta uriyashpa, paipaj churana puntacama aceite shutucuj shinamari.

SALMOS 45:14

Bordashca churanacunata churachishpami jatun mandajpajman pushashca canga. C'arihuan manaraj chayarishca huarmicunami paita catishca ringacuna. Paihuan purij huarmicunatapish paihuanmi pushamungacuna.

ÉXODO 33:12

Moisesca Mandaj Diostaca: –Riqui quiquinca ñucataca: Cai israelcunata huichiyachi ninguimi. Pita ñucahuan cachanataca manamari huillanguichu. Ashtahuan cashnapish nircanguimi: Cambaj shutitaca rijsinimi. Canca ñuca ñahuipica allimi ricuringui ninguimi.

ÉXODO 33:19

Shina nijpimi Mandaj Diosca: –Ñuca alli cashcataca tucuitami canman ricuchigrini. Ñucaca Mandaj Dios cashcatapish cambaj ñaupajpimi huillasha. Ñuca pita llaquisha nishcatami llaquisha. Ñuca c'uyasha nishcatami c'uyasha.

PROVERBIOS 27:9

Mishquijllata ashnaj sumaj jambicunahuan churarishcaca, shunguta cushichinmi. Alli apanacuj runa sumajta cunashcacarin, yuyaitamari cushichin.

ECLESIASTÉS 7:1

Tucuicuna rijsishca alli runa canaca, sumaj mishquijllata ashnaj jambihuan llihuirishcata yalli allimi. Huañui punllaca huachari punllata yalli allimi.

CANTARES 3:6

¿Shitashca pambataca pi huarmitajshimari, tucui layaman ashnacuj cutahuanpish, inciensohuanpish, mirrahuanpish churarishpa mishquijllata ashnacuj, cushni shina huichiyacun?

CANTARES 4:10

¡Ñuca panilla, ñuca c'uyashca huarmilla! ¡Cambaj c'uyaica tucuimanta yallimari! ¡Cambaj c'uyaica vinotapish yalli mishquimari! Can churarishca mishquijllata ashnaj jambicunaca tucuimanta yalli mishquijllata ashnajmari.

CANTARES 5:13

Paipaj quijaduscunaca, mishquijllata ashnacujcunata churana era shinami, sisacuna shina mishquijllata ashnacujmi. Paipaj shimimantaca, lirio sisamanta mishquijllata ashnaj mirra llujshicuj shinamari.

CANTARES 5:5

Ñuca c'uyashcata yaicuchingapajmi, jatarishcahuan punguta pascagrircani. Ñuca maquicunamantaca, mirrami shuturca. Aldabata pascacujpica, ñuca dedocunataca mirrami yacu shina callparca.

CANTARES 6:8

Sujta chunga jatun mandaj huarmicunami, pusaj chungaca caishuj huarmicunami, solteracunacarin mana yupai tucuipajmari.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

Mateo 25:1

Jahua pachamanta mandanaman shamujpica chunga solteracuna paicunapaj lamparacunata japishpa, cazaracuj noviota tupanaman llujshijcuna shinami canga.

Juan 12:3

Jesús chaipi cajpimi Mariaca achca valij, imahuan mana chagrushca, mishquijllata ashnacuj shuj libra nardota apamurca. Chaitaca Jesuspaj chaquipi tallishpami, paipaj ajchahuan chaquichirca. Huasi ucupish mishquijllata ashnacujmi tucurca.

2 Corintios 11:2

Cancuna shujtajpaj ama tucuchun ninaca, Diosmantami shamun. Cancunataca shujlla cusahuan cazarachingapajmi ari nishcata charini, paica Cristomi. C'arihuan manaraj chayarinacushca chuyatami, paipajman chayachina cani.

Filipenses 4:18

Cunanca tucuitami chasquircani. Yallijtami charini. Epafroditoman cancuna cachashcata chasquishpacarin, achcatami charini. Chaicunaca Diosman cushpa rupachijpi mishquiman ashnacuj shina, Dios chasquinallami.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.