CANTARES 1:2 - Dios Rimashca Shimicunami

² ¡Aij paipaj shimihuan ñucata muchajpichari! Cambaj c'uyaica vinotapish yallimari.

CANTARES 1:2 Iomraidhean Croise

GÉNESIS 29:11

Chai q'uipaca Jacobca Raquelta muchashpami huacarca.

GÉNESIS 45:15

Joseca paipaj tucui caishuj huauquicunatapish ugllarishpa muchashpami huacarca. Chai q'uipami Josepaj huauquicunaca paihuan parlarca.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 36:7

¡Taita Dioslla, quiquin llaquij cashcaca yallitaj sumajmari! Chaimantami huañujlla aichayujcunaca, quiquinpaj alas ucupi miticuncuna.

CANTARES 1:4

Ñucata pushahuayari, canhuan rishun ninchijca. Jatun mandajmi paipaj huasicunaman yaicuchirca, canhuanmari cushicushun. Cambaj c'uyaitaca vinotapish yalli cashcatami yuyarishun. Cantaca c'uyana cashcamantatajmi c'uyancuna.

CANTARES 2:4

Paica jatun micuita ruracun huasimanmi pusharca. Paipaj c'uyaimi, bandera shina ñucata pacahuan.

CANTARES 4:10

¡Ñuca panilla, ñuca c'uyashca huarmilla! ¡Cambaj c'uyaica tucuimanta yallimari! ¡Cambaj c'uyaica vinotapish yalli mishquimari! Can churarishca mishquijllata ashnaj jambicunaca tucuimanta yalli mishquijllata ashnajmari.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

CANTARES 7:12

Tutamanta utcata jatarishpa uvata jacu, ricumushun. Uvapish, granadacunapish ñachu sisacun, ñachu granucun imataj jacu ricumushun. Chaipimi ñuca c'uyaitaca canman cusha.

CANTARES 7:6

¡Canca sumajmari cangui! Ñuca c'uyashcalla, canca mishquijlla c'uyaitami charingui.

CANTARES 7:9

Cambaj shimica, cambaj c'uyashcapajca alli vinota ubyashca shina cachun. Vinoca yuyajcunatapish rimachinllami.

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

Mateo 26:26

Ña micucushpami Jesusca, tandata japishpa, Diosta pagui nirca. Chaita chaupishpa, paipaj yachacujcunaman cushpaca: –Japichij, micuichij, caica ñuca cuerpomi– nishpami curca.

Lucas 15:20

Chaimi paipaj yayapajman tigrarca. Pai caruta shamucujpirajmi paipaj yaya ricushpaca achcata llaquirishpa, callpashpa, rishcahuan ugllarishpa mucharca.

Hechos 21:7

Ñucanchijca Tiromanta Tolemaidaman chayashpami yacuta rinataca tucuchircanchij. Chaipica Jesusta caticujcunata allillachu canguichij nishpami, paicunahuan shuj punllata saquirircanchij.

1 Pedro 5:14

Caishuj chaishuj c'uyaj muchahuan alli cashca canguichij ninacuichij. Jesucristohuan shujlla cajcunahuanca, tucuicunallahuantaj sumaj causaica cashca cachun. Chashna cachun.