Apocalipsis 9:4 - Dios Rimashca Shimicunami

⁴ Paicunataca cai allpapi tiyaj q'uihuacunata, ima verdijllacunata, ima yuracunatapish ama imata rurachun, shinallataj Diospaj sellota paicunapaj frentepi mana charijcunallata llaquichichunmi mandarca.

Mushuj Testamento Diospaj Shimi

⁴ Paicunataca: “Allpapi tiyaj qʼuihuacunatapish, ima verdijllacunatapish, ima yuracunatapish ama imata ruranguichijchu. Taita Diospaj señalta frentepi mana charijcunallata llaquichinguichij” nishpami mandarca.

Apocalipsis 9:4 Iomraidhean Croise

JOB 1:10

¿Manachu canllataj paitapish, paipaj familiacunandij, tucui imalla charishcacunatapish ama tuparichunllapish nishpa jarcaracungui? Paipaj maquihuan imata rurajpipish achcatamari bendiciangui. Chaimantami paipaj charinacunaca, allpapica yallitaj mirarishca.

JOB 1:12

Shina nijpimi Mandaj Diosca, Satanastaca cashna nirca: –Riqui, pai imalla charishcacunaca cambaj maquipimi, ashtahuanpish paillata ama cambaj maquihuan tuparingui– nijpi Satanasca, Mandaj Diospaj ñaupajmanta llujshishpa rircallami.

JOB 2:6

Shina nijpimi Mandaj Diosca Satanastaca: –Riqui, paica cambaj maquipimi. Shina cajpipish, paipaj causaillata amaraj tucuchingui– nircami.

SALMOS 76:10

Runacuna p'iñarijpica quiquinca ashtahuan jatun nishcami tucungui. Quiquin p'iñarishpa llaquichijpi saquirishcacunatapish cumurichinguirajmi.

ÉXODO 12:23

Mandaj Diosca Egipto llajtapi causajcunata huañuchicushpaca, cancunapaj pungupi quinriman churashca caspita pungu ishqui lado quisyucunata yahuarhuan llihuishcata ricushpaca pasajta ringallami. Huañuchij cancunapaj huasicunaman yaicushpa huañuchichun mana saquingachu.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

Mateo 24:24

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami, umangacuna. Dios agllashcacunatapish crichi tucushpaca crichingacunami.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

Apocalipsis 14:1

Chaita ricushca q'uipaca, Sión urcu jahuapi Oveja shayacujtami ricurcani. Paihuanca 144.000mi carca. Chaicunaca Ovejapaj shutitapish, paipaj Yayapaj shutitapish, frentepi quillcashcacunami carcacuna.

Apocalipsis 6:6

Causaiyuj chuscupaj chaupimantaca: “Ishqui libra trigoca shuj denariomi valin, sujta libra cebadapish shuj denariomi valin. Chashna cajpipish aceiteta, vinotaca ama imata rurangui” nishpa rimajtami uyarcani.

Apocalipsis 7:1

Chaicunapaj q'uipaca, cai pacha chuscu esquinapi, chuscu angelcuna shayacujtami ricurcani. Paicunaca cai pacha allpaman, mama cucha yacuman, yuracunamanpish ima huaira ama shamuchunmi huaira shamuna chuscu esquinapi jarcacurcacuna.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.