Apocalipsis 9:3 - Dios Rimashca Shimicunami

³ Chai cushnimantaca, langostacunami allpa jahuaman llujshirca. Chai langostacunamanca cai allpapi tiyaj escorpioncuna shina cani tucunatami curca.

Mushuj Testamento Diospaj Shimi

³ Chai cushnimantaca, langostacunami allpa jahuata llujshirca. Chaicunamanca, allpapi tiyaj escorpioncuna shina llaquichi tucunatami curca.

Apocalipsis 9:3 Iomraidhean Croise

1 REYES 12:11

Ñuca yaya llashaj yugota apachishca cajpica, ñucacarin cancunamanca ashtahuan yalli llashaj yugotami apachisha. Ñuca yaya cancunata azotishca cajpica, ñucacarin escorpioncunahuanmi llaquichisha niyari– nircacunami.

2 CRÓNICAS 10:11

Ñuca yaya llashaj yugota apachishca cajpica, ñucacarin cancunamanca ashtahuan yalli llashaj yugotami apachisha. Ñuca yaya cancunata azotishca cajpica, ñucacarin escorpioncunahuanmi llaquichisha ninguiyari– nircacunami.

2 CRÓNICAS 10:14

q'uipa huiñaicuna yuyaita cushca shina sinchita cashna nishpa cutichirca: “Ñuca yaya yallitaj llashaj yugota apachishca cajpica, ñucacarin ashtahuan llashaj yugotami apachisha. Ñuca yaya azotishpa llaquichishca cajpica, ñucacarin escorpioncunahuanmi llaquichisha” nircami.

ISAÍAS 33:4

Paicuna quichushcacunataca oruga c'urucuna shinami tandangacuna. Langostacuna shujpi imata tucuchishpa shujman huaica tiyarigrij shinami paicunapaj jahuaman ringacuna.

EZEQUIEL 2:6

Huañujlla aichayuj runalla, canca paicunataca ama manchangui, paicuna rimajpipish ama mancharingui. Zarza casha yuracuna chaupipi cashpapish, casha chaupipi cashpapish, escorpioncunapaj chaupipi causashpapish ama manchanguichu. Paicuna rimajpipish, paicunata ricushpapish ama mancharingui. Paicunaca mana cazujcunami.

JOEL 1:4

Cancuna tarpushca granocunamanta oruga c'urucuna mana tucui micushcataca, p'ichachaucunami micurca. P'ichachaucuna mana tucui micushcataca, revoltón c'urucunami micurca. Revoltón c'urucuna mana tucui micushcataca, langostacunami micushpa chingachirca.

JOEL 2:25

Oruga c'urucunapish, p'ichachaucunapish, revoltón c'urucunapish, langosta c'urucunapish ñuca soldadocuna cajpimi, cancunata llaquichichun cacharcani. Paicunami tucui granocunata micushpa tucuchirca. Paicuna micushcamantaca, cancunamanca yallitami cutichisha.

NAHUM 3:15

Chaipimi ninapi tucui rupangui. Cantaca espadahuanmi huañuchingacuna. Pulgón c'urucuna q'uihuata tucuchij shinami tucuchingacuna. Canca langosta c'urucuna shinapish, p'ichachaucuna shinapish mirariyari.

NAHUM 3:17

Langostacunaca p'uyu shina amsayashpa shamushpami, chiri punllapica pirca jahuapi tiyarincuna. Ashtahuanpish inti shamujpica rinllacunami. Paicuna maipi causashcatapish pi mana yachanchu. Chai shinallatajmi jatun mandajcunapish chingarinllacuna.

Lucas 10:19

Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.

DEUTERONOMIO 8:15

Yallitaj jatun shitashca pambata, culebracunapish, escorpioncunapish yallitaj tiyan pambata pushamujta, yacupish mana tiyan chaquishca pambapi yacuta llujshichishpa cancunaman cujta,

Apocalipsis 9:5

Paicunataca mana huañuchishpa, pichca quillacama canishpa huanachichunllami mandarca. Chaimi langostacunaca escorpión canij shina canishpa huañunata nanachishpa llaquichirca.

Apocalipsis 9:7

Chai langostacunaca, jatun macanacuiman rinapaj allichishca caballocuna shinami carca. Umacunapica, curi coronacuna shinata churashcacunami carca. Paicunapaj ñahuicunapish gente ñahuicuna shinami carca.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.