Apocalipsis 9:20 - Dios Rimashca Shimicunami

²⁰ Cai tucui llaquicunata apacushpapish mana huañujcunaca, paicuna millaita ruracushcata saquishpa Diosman mana cutirircacunachu. Ashtahuanpish supaicunata, curimanta, cullquimanta, broncemanta, rumimanta, caspimanta rurashcalla dioscunata adoranatapish mana saquircacunachu. Chaicunaca mana ricui tucunchu, mana uyai tucunchu, mana puri tucunchu.

Mushuj Testamento Diospaj Shimi

²⁰ Chashna jatun llaquicunahuanpish mana huañujcunaca, paicuna millaita ruracushcamantaca, mana llaquirircacunachu, Diospajmanca manataj cutirircacunachu. Supaicunata adoranatapish, mana ricuj, mana uyaj, mana purij, rurashcalla dioscunata adoranatapish manataj saquircacunachu. Chaicunaca curi, cullqui, bronce, rumi, caspi dioscunallami.

Apocalipsis 9:20 Iomraidhean Croise

2 REYES 22:17

Paicunallataj ñucata saquishpa shujtajcunapaj dioscunaman cushpa inciensota rupachishpa, paicunapaj maquihuan tucui imatapish rurashpa ñucata yallitaj p'iñachishcamantaca cai llajtapi causajcunahuanca, ñucaca nina sindirij shinami yallitaj p'iñarircani. Chai ninaca manataj huañungachu.

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

2 CRÓNICAS 34:25

Paicunallataj ñucata saquishpa, shujtajcunapaj dioscunaman sacrificiota cushpa, paicunapaj maquihuan tucui imatapish rurashpa ñucata yallitaj p'iñachishcamantaca cai llajtapi causajcunahuanca yallitajmi p'iñarircani. Cancunahuanca manataj alli tucushachu ninmi.

SALMOS 106:37

Paicunapaj churicunatapish, ushushicunatapish supaicunaman cushpami huañuchijcuna carca.

ISAÍAS 2:8

Chai jahuamari, paicunapaj llajtaca rurashcalla dioscunahuan junda. Paicunapaj maquihuan rurashcalla dioscunapaj ñaupajpimi cungurincuna. Paicunapaj dedocunahuan rurashcacunapaj ñaupajpimi cumurincuna.

ISAÍAS 41:7

Carpinteroca cullquimanta imatapish rurajmanmi alli yuyaita cun. Martillohuan tacashpa llambujllata rurajca yunquepi fierrocunata tacajtami: “Cai fierroca allimari” nishpa alli yuyaita cun. Ama cuyurichunca clavocunahuan tacashpami sinchita ruran.

JEREMÍAS 1:16

Cai tucui pueblocunapi causajcunatami, paicunallataj ñucata saquishpa millaita rurashcamantaca, chashna llaquichigrini. Paicunaca quiquin maquillahuantaj rurashca dioscunatamari inciensota rupachishpa adorarcacuna.

JEREMÍAS 25:6

Shujtaj dioscunataca ama catichijchu. Chai dioscunataca ama cungurichijchu, ama paicunata servichijchu. Ama cancunapaj maquillahuantaj rurashca chai dioscunata cungurishpa, ñucata p'iñachichijchu. Mana p'iñachijpica ñucapish cancunataca mana ima llaquita rurashachu nishpami, huillachij carca.

JEREMÍAS 44:8

Cancunaca cai Egipto llajtapi causanaman shamushpapish, cai llajta dioscunamanmari inciensota cushpa rupachinguichij. ¿Imamantataj chashna rurashpa ashtahuan p'iñachinguichigari? Chaimantamari cancunaca tucui shujtaj llajtacunapi causajcuna p'iñashpa mana ricusha nishca tucugringuichij. Yangamantamari chashna llaquipi yaicunguichij.

JEREMÍAS 5:3

Mandaj Dioslla, canca mana llullaj cachunmari munangui. Paicunaca macajpipish, mana nanachincunaca. Imata jarcashpa llaquichichunpish, manataj munancunaca. Rumita yalli sinchi shungucunamari tucuncuna. Manataj cambajman tigrarishun nincunachu.

JEREMÍAS 51:17

Runacunaca tucuicunami upa tucuncuna, ima alli yuyaitaca mana charincunachu. Dioscunata rurajcunapish, paicuna rurashca dioscunaca yanga cashcamanta pingarincunami. Chai dioscunaca mana samaita charincunachu.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

LEVÍTICO 17:7

Cancuna huainayacushca supaicunamanca nunca ña mana ashtahuan animalcunata huañuchishpa cunachu canguichij. Chaitaca cancunapaj huahua huahuacuna chaitataj pajtachicuchunlla mandashcami.

MIQUEAS 5:13

Imacunaman rijchaj rurashcalla dioscunatapish, cancunapaj chaupillatapitajmi ñutushpa chingachichisha. Chashna rurajpimi cancunaca chai rurashcalla dioscunataca, ña mana ashtahuan cunguringuichij.

Mateo 21:32

Juanca cashcata ruraj tucunapaj ñanmanta yachachingapajmi cancunapajmanca shamurca. Pai yachachishcataca mana crircanguichijchu. Ashtahuanpish impuestota japijcuna, huainayashpa causaj huarmicunarajmi crircacuna. Cancunaca chaita ricushpapish Juanca allitami huillacun nishpa mana yuyaita japircanguichijchu. Chaimi mana cutirishpa mana crircanguichij.

Hechos 17:29

Taita Diosmanta miramushcacuna cashpaca, Taita Diostaca curita, cullquita, rumita labrashpa gentecunapaj yuyaillamanta rurashca dios shina cana cashcataca mana yuyanachu canchij.

Hechos 19:26

Chai Pablo ima shina nishpa puricujtaca cancunallataj ricunguichijmi, uyanguichijmi. Maquihuan rurashcalla dioscunaca mana Taita Diostajchu nishpami achcacunata crichishpa puricun. Chashna nishpaca mana cai Efesollapichu, tucui Asia llajtapimari achcacunata crichishca.

Hechos 7:41

Chaimi bizi diosta rurashpa, chai manapish dios cajman sacrificiota curcacuna. Paicunapaj maquihuan rurashca dioshuanmi cushicurcacuna.

2 Corintios 12:21

Ñuca cutin ricuj shamujpica, cancunapurapi Dios ñucata pingachinatami manchani. Cancunapuramanta achcacuna millaita sarunman rurashcata, huainayashcata, aicha munaita mana jarcari tucushcamanta Diospajman mana cutirishca cajpica, achcata huacanapish cangachari.

DEUTERONOMIO 31:29

Ñuca huañushca q'uipaca Diospajca ismucuj shina tucushpa, ñuca mandashca ñancunamanta anchurina cashcataca yachanimi. Cancunapaj maquihuan rurashcacunahuan Mandaj Diosta yallitaj p'iñachishcamantaca, q'uipa punllacunataca jatun llaquicunami cancunapaj jahuaman shamunga” nircami

DEUTERONOMIO 32:17

Taita Diosman animalcunata huañuchishpa cunapaj randica supaicunamanmi curcacuna. Paicunaca mana rijsishca dioscunamanmi curcacuna. Paicunapaj ñaupa yayacuna mana manchaj cashca, cunanlla ricurij dioscunamanmi curcacuna.

DEUTERONOMIO 4:28

Chai llajtacunapimi cancunaca caspimanta, rumimanta runacuna rurashca mana ricuj, mana uyaj, mana micuj, mana mutquij dioscunapajta ruranguichij.

1 Timoteo 4:1

Ashtahuanpish Taita Diospaj Espirituca, allitajmi cashna huillan. Q'uipa punllacunapica, umaj espiritucunata, supaicunapaj yachachinacunata uyashpaca, taucacunami crishcataca yangallami cashca nishpa saquingacuna.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 16:8

Quimsapaj q'uipa angelca, copapi tiyacuj llaquitaca intipimi tallirca. Inti ashtahuan rupashpa gentecunata rupachichunmi chashna tallirca.

Apocalipsis 9:19

Caballocunaca chashna llaquichi tucunataca shimipi, chupapimi charircacuna. Paicunapaj chupacunaca culebra shina umayujmi carca. Chaicunahuanmi llaquichircacuna.

Apocalipsis 9:21

Chaicunaca, huañuchij canata, brujiaj canata, huainayaj canata, shuhuaj canatapish mana saquircacunachu. Diosmanca manataj cutirircacunachu.