Apocalipsis 9:18 - Dios Rimashca Shimicunami

¹⁸ Chai caballocunapaj shimimantaca nina, cushni, azufremi llujshirca. Chai quimsa llaquicunahuanca, quimsapi chaupishca shuj parte gentecunami huañurca.

Mushuj Testamento Diospaj Shimi

¹⁸ Chai caballocunapaj shimimanta llujshicuj ninahuan, cushnihuan, azufrehuanmi cai pachata quimsapi chaupishca shuj parte gentecunata huañuchirca.

Apocalipsis 9:18 Iomraidhean Croise

Apocalipsis 8:10

Ishquipaj q'uipa ángel trompetapi tocajpica, shuj jatun luzeromi nina sindi lunyacuj shina cielomanta urmarca. Chaica, quimsapi chaupishca shuj parte jatun yacucunapi, yacu pugyucunapipishmi urmarca.

Apocalipsis 8:11

Chai luzeroca, Ajenjo shutimi carca. Quimsapi chaupishca shuj partepi caj, yacucunaca jayajmi tucurca. Chai yacucuna jayaj tucushcamantaca, achca gentecunami huañurcacuna.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.

Apocalipsis 8:8

Puntapaj q'uipa ángel trompetapi tocajpica, shuj jatun urcu ninahuan rupacuj shinatami, mama cucha yacupi shitarca. Chaihuanca quimsapi chaupishca shuj parte mama cucha yacumi yahuar tucurca.

Apocalipsis 8:9

Chaipica quimsapi chaupishca shuj parte mama cuchapi caj causaiyujcunami huañurca. Shinallataj quimsapi chaupishca, shuj partepi caj barcocunapishmi ñuturishpa chingarirca.

Apocalipsis 9:15

Chai chuscu angelcunataca, cai pacha quimsapi chaupishca shuj parte gentecunata huañuchichunmi cacharirca. Chai angelcunaca chai horas, chai punlla, chai quilla, chai huata pajtajpi chashna huañuchichunmi allichishca carca.

Apocalipsis 9:17

Ñucaca muscuipi shina ricushpaca, caballocunatapish chaipi tiyarishcacunatapishmi ricurcani. Caballocunapi tiyarishcacunaca pechota taparina fierro churanataca nina shina pucajlla, zafiro shina azul-lla, azufre shina quillujllata churarishcatami ricurcani. Caballocunapaj umacunaca leoncunapaj uma shinami carca. Paicunapaj shimimantaca ninapish, cushnipish, azufrepishmi llujshicurca.

Apocalipsis 9:19

Caballocunaca chashna llaquichi tucunataca shimipi, chupapimi charircacuna. Paicunapaj chupacunaca culebra shina umayujmi carca. Chaicunahuanmi llaquichircacuna.