Apocalipsis 9:16 - Dios Rimashca Shimicunami

¹⁶ Caballocunapi tiyarishca soldadocunaca, 200millonmi cashca, nijtami ñucaca uyarcani.

Mushuj Testamento Diospaj Shimi

¹⁶ Caballocunapi tiyarishca soldadocunapish, ‘200 millonmi’ nijtami uyarcani.

Apocalipsis 9:16 Iomraidhean Croise

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

EZEQUIEL 23:6

Chai mandajcunapish, pushajcunapish, soldadocunapish amsa puca churanata churashca munanajlla chairaj runacunami carca. Paicunaca tucuicunallataj caballopi tiyarishpa callpajcunami carca.

EZEQUIEL 38:4

Cantaca llaquichishatajmi. Cambaj quijaduscunapipish ipicunata churachishpami cantapish, cambaj tucui soldadocunatapish, caballocunatapish, caballocunapi tiyarishpa callpajcunatapish, jatun escudocunata, uchilla escudocunata, espadacunata, shujtaj macanacunacunata charicuj soldadocunatapish llujshichisha.

DANIEL 11:40

Huatacuna ña pajtamujpimi, ura lado llajtata jatun mandajca paihuan macanacugringa. Chaimi janaj lado llajtata jatun mandajca carrocunahuan, caballopi tiyarishca gentecunahuan, achca barcocunahuan tucushpa ura lado llajtata jatun mandajhuan macanacungapaj jatun acapana shina jataringa. Paica ura lado llajtaman yaicushpaca tucuita mishashpami ringa.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

Apocalipsis 5:11

Chai q'uipaca, jatun tiyarinapaj, causaiyujcunapaj, ancianocunapaj muyundijpica, achca angelcuna rimashcatami uyarcani. Paicunaca, mana yupaipaj huaranga huarangacunami,

Apocalipsis 7:4

Chai sellashcacuna mashna cashcatapishmi uyarcani. Paicunaca: Israelpaj huahua huahua aillucunaca 144.000 sellashcacunami carca.