Apocalipsis 8:9 - Dios Rimashca Shimicunami

⁹ Chaipica quimsapi chaupishca shuj parte mama cuchapi caj causaiyujcunami huañurca. Shinallataj quimsapi chaupishca, shuj partepi caj barcocunapishmi ñuturishpa chingarirca.

Mushuj Testamento Diospaj Shimi

⁹ Chaimantami, quimsapi chaupishca shuj parte yacupi causacuj animalcuna huañurca. Chashnallataj chaipi caj barcocunapish, quimsapi chaupishca shuj parteca, pʼaquirishpami chingarirca.

Apocalipsis 8:9 Iomraidhean Croise

SALMOS 48:7

Tarsismanta barcocunataca quiquinmi p'aquingui. Inti llujshinmanta huairata cachashpami p'aquingui.

ÉXODO 7:21

Chai jatun yacupi tiyaj chalhuacunapish huañujpi, yacupish yallitaj ashnacuj tucujpimi egipciocunaca mana ubyai tucurcacuna. Egiptopica tucui llajtapimi yahuar tucurca.

ISAÍAS 2:16

Tarsis pueblopaj tucui barcocunatapish, tucuimanta yalli achca valij sumaj barcocunatapish yanganchingapajmi shamunga.

ISAÍAS 23:1

Tiro pueblo imalla tucunata huillachishcami: Tarsis barcocuna huacaichigari. Tiro pueblotaca shuj huasillatapish mana saquishpamari chingachishca. Maiman yaicunapish mana tiyangacamami chingachishca. Quitim llajtamantami huillashca.

ZACARÍAS 13:8

Mandaj Diosca cashnapishmi nin: “Cai llajtapi causajcunaca, chaupi yallihuanmi huañungacuna, ashacunallami causajcunaca saquiringacuna.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 16:3

Puntapaj q'uipa ángel jatun cucha yacucunapi, pai charicun copapi tiyacuj llaquita ña tallijpica, huañuchijpi yahuar llujshicuj shinami mama cucha yacuca yahuar tucurca. Chashna tucujpica mama cucha yacupi imalla causajcunapish tucuimi huañurcacuna.

Apocalipsis 8:10

Ishquipaj q'uipa ángel trompetapi tocajpica, shuj jatun luzeromi nina sindi lunyacuj shina cielomanta urmarca. Chaica, quimsapi chaupishca shuj parte jatun yacucunapi, yacu pugyucunapipishmi urmarca.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.

Apocalipsis 9:15

Chai chuscu angelcunataca, cai pacha quimsapi chaupishca shuj parte gentecunata huañuchichunmi cacharirca. Chai angelcunaca chai horas, chai punlla, chai quilla, chai huata pajtajpi chashna huañuchichunmi allichishca carca.

Apocalipsis 9:18

Chai caballocunapaj shimimantaca nina, cushni, azufremi llujshirca. Chai quimsa llaquicunahuanca, quimsapi chaupishca shuj parte gentecunami huañurca.