Apocalipsis 8:7 - Dios Rimashca Shimicunami

⁷ Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.

Mushuj Testamento Diospaj Shimi

⁷ Punta ángel trompetapi tocajpica, rundupish, yahuarhuan chagru ninapishmi ricurirca. Chaita allpaman shitajpica, allpa pachapica quimsapi chaupishca shuj parte allpami yuracunandij, qʼuihuacunandij tucui ruparca.

Apocalipsis 8:7 Iomraidhean Croise

SALMOS 105:32

Tamyapaj randica, rundutami cacharca. Tucui chai llajtamanca lunyacuj ninatami cacharca.

ÉXODO 9:33

Faraonpaj ñaupajmanta Moisés llujshishpa pueblomanta canllaman maquicunata Mandaj Diospajman chutajpica, culun nicushcapish, runducushcapish pararishpami Egipto llajtataca ña mana ashtahuan tamyarca.

ISAÍAS 28:2

Riquichij, Mandaj Diosca imatapish rurai tucuj c'ari c'aritami ña charicun. Paica: Yallitaj llaquichij rundu shinami, ñutuchij jatun acapana shinami, yallitaj yacu jundashpa tapaj shinami. Paimi chai pueblotaca c'ari c'ari canahuan pambaman shitanga.

ISAÍAS 29:6

C'ulun nishcacunahuan, allpa chujchushpa t'imburishcacunahuan, jatunta c'ulun nishcacunahuan, jatun acapanahuan, huairandij tamyahuan, tucuchij nina lunyacujhuan tucuita Mandaj Dios ricuj shamujpimi chashna canga.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

ISAÍAS 32:19

Urcucunata rundujpica, pueblopi causajcunaca tucuimi cumuringa.

EZEQUIEL 38:22

Paitaca jatun ungüihuan, yahuarhuanmi jatunta llaquichisha. Shinallataj paitapish, paipaj soldadocunatapish, paihuan caj achca runacunatapish manchanayaj tamyahuan, rumi vali runduhuan, nina rupacuj azufrehuanmi jatunta llaquichisha.

JOEL 2:30

Jahua pachapipish, cai pachapipish jatun mancharinacunatami ricuchisha. Yahuarta, ninata, achca cushnitapishmi ricuchisha.

Santiago 1:11

Q'uihuaca inti llujshishpa achcata rupachijpica, chaquirinmi. Paita sumajyachij sisa urmajpica, pai sumaj cashcapish chingarinmi. Shinallatajmi achcata charijca, paipaj charinacunandij tucuringa.

JOSUÉ 10:11

Israelcuna ama japichun miticushpa callpacuj amorreocunaca, Bet-horón pueblo ñan urita ricujpimi, Mandaj Diosca jahua pachamanta jatun runducunata paicunapaj jahuapi shitarca. Azeca pueblocamami shitarca. Chai runducunaca israelcuna espadahuan huañuchishcatapish yallitami huañuchirca.

1 Pedro 1:24

Quillcachishcapica: “Tucui gentecunaca, q'uihua shinallami. Paicuna sumaj cashcapish, q'uihua sisa shinallami. Quihua chaquirijpica, sisapish urmanllami.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 16:2

Shina nijpi punta ángel rishpaca allpa pachamanmi copapi tiyacuj llaquitaca tallirca. Chashna tallijpica animalpaj sellota charijcunapaj, chai animalman rijchajta rurashca animalta adorajcunapajca jatunta nanachij ashnacuj chupucunami llujshirca.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

Apocalipsis 6:8

Chaita ricushpaca, shuj quillu caballotami ricurcani. Chai caballopi tiyarishcaca, Huañuchij shutimi carca. Hadespish caticurcami: Paicunamanca cai pachata chuscupi chaupishca shuj partetaca jatun macanacuihuan, yaricaihuan, jatun ungüihuan, cai pachapi millai animalhuan huañuchi tucunatami curca.

Apocalipsis 7:1

Chaicunapaj q'uipaca, cai pacha chuscu esquinapi, chuscu angelcuna shayacujtami ricurcani. Paicunaca cai pacha allpaman, mama cucha yacuman, yuracunamanpish ima huaira ama shamuchunmi huaira shamuna chuscu esquinapi jarcacurcacuna.

Apocalipsis 9:15

Chai chuscu angelcunataca, cai pacha quimsapi chaupishca shuj parte gentecunata huañuchichunmi cacharirca. Chai angelcunaca chai horas, chai punlla, chai quilla, chai huata pajtajpi chashna huañuchichunmi allichishca carca.

Apocalipsis 9:18

Chai caballocunapaj shimimantaca nina, cushni, azufremi llujshirca. Chai quimsa llaquicunahuanca, quimsapi chaupishca shuj parte gentecunami huañurca.

Apocalipsis 9:4

Paicunataca cai allpapi tiyaj q'uihuacunata, ima verdijllacunata, ima yuracunatapish ama imata rurachun, shinallataj Diospaj sellota paicunapaj frentepi mana charijcunallata llaquichichunmi mandarca.