Apocalipsis 8:13 - Dios Rimashca Shimicunami

¹³ Chai q'uipaca, chaupi cielota shuj ángel volacujtami ricurcani. Paica: “¡Trompetapi tocanalla caj quimsa angelcuna tocajpicarin aij, aij, aij allpa pachapi causacujcunalla!” nishpa, sinchita caparijtami uyarcani.

Mushuj Testamento Diospaj Shimi

¹³ Chai qʼuipaca, shuj angeltami, chaupi jahua pachata volacujta ricurcanipish, uyarcanipish. Chai angelca, sinchita caparishpami: «¡Ai, ai, ai, allpapi causajcunalla, caishuj quimsa angelcuna trompetapi tocajpica, jatun llaquimari tiyanga!» nirca.

Apocalipsis 8:13 Iomraidhean Croise

SALMOS 103:20

Cancuna Mandaj Diospaj angelcuna, paita allimari cangui nichigari. Cancunaca pai imata nishcata pajtachingapaj fuerzasapacuna cashcamanta, pai mandashcata cazushpa paipaj shimi nishcata rurajcunami canguichij.

EZEQUIEL 2:10

Chai cara pilluchishcataca, ñuca ñaupajpimi pascarca. Chaipica ñaupajmanpish huashamanpish quillcashcami carca. Chaipica llaquihuan cashpa cantana cantocunapish, yupashpa yupashpa huacana shimicunapish, nanaihuan aij nishca shimicunapishmi quillcashca carca.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Apocalipsis 11:14

Puntapaj q'uipa aij nicushca llaquica ñami tucurin. Chashna cajpipish, ishquipaj q'uipa aij nina llaquica ñami shamugrin.

Apocalipsis 12:12

Chaimanta cielopish, chaipi causajcunapish cushicuichij. Ashtahuanpish allpapi causajcuna, mama cuchapi causajcunaca ¡aij imachari tucunguichij! Diabloca pai munashcata rurana punllacuna ashalla cashcata yachashpami, jatunta p'iñarishpa cancunapajman uriyashca nijtami uyarcani” nircami.

Apocalipsis 14:3

Paicunaca, jatun tiyarina ñaupajpi, causaiyuj chuscupaj ñaupajpi, ancianocunapaj ñaupajpipishmi, shuj mushuj cantota cantarcacuna. Chai cantotaca, pi mana yachai tucurcacunachu. Ashtahuanpish allpa pachamanta Dios quishpichishca 144milcunallami, chai cantotaca yachai tucurcacuna.

Apocalipsis 14:6

Chai q'uipaca, chaupi cielota shujtaj ángel volacujtami ricurcani. Paica allpapi causajcunamanca, tucui llajtacunaman, ch'ican ch'ican aillucunaman, ch'ican ch'ican rimaicunaman, tucui pueblocunamanpish huiñaipaj alli huillaita huillanapaj charicujtami ricurcani.

Apocalipsis 19:17

Chai q'uipaca, inti jahuapi shuj ángel shayacujtami ricurcani. Paica huairapi purij angacunatami, sinchita caparishpa cashna nishpa cayarca: “¡Dios cushca jatun micuita micungapaj, tandanacumuichij!

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 8:2

Chai q'uipaca, Diospaj ñaupajpi canchis angelcuna shayacujtami ricurcani. Paicunamanca canchis trompetacunatami curca.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.

Apocalipsis 9:12

Punta aij nicushca llaquica ñami tucurin. Chashna cajpipish, chaipaj q'uipa ishqui aij nina llaquica shamungarajmi.