Apocalipsis 8:11 - Dios Rimashca Shimicunami

¹¹ Chai luzeroca, Ajenjo shutimi carca. Quimsapi chaupishca shuj partepi caj, yacucunaca jayajmi tucurca. Chai yacucuna jayaj tucushcamantaca, achca gentecunami huañurcacuna.

Mushuj Testamento Diospaj Shimi

¹¹ Chai luźeroca, Ajenjo shutimi carca. Chai luźero urmajpica, quimsapi chaupishca shuj parte yacucunami ajenjo shina jayaj tucurca. Chai jayaj yacuta ubyashpami, achca gentecuna huañurca.

Apocalipsis 8:11 Iomraidhean Croise

ÉXODO 15:23

Maraman chayashpaca, Marapi caj yacucunaca jayaj cashcamanta mana ubyai tucurcacunachu. Chaimi Mara nishpa shutichircacuna.

PROVERBIOS 5:4

Ashtahuanpish q'uipataca ajenjotapish yalli jayajmi. Ishqui filo espadatapish yalli chugrichijmi.

JEREMÍAS 23:15

Chaimantami tucuita Mandaj Diosca chai huillajcunataca cashnapish nin: “Jerusalenpi huillajcunamantami tucui Judá llajtapi causajcuna mishqui shimi jayaj shungu tucuncuna. Chaimanta paicunamanca ajenjotami cashtuchigrini. Hielhuan chagrushca yacutapishmi ubyachigrini” ninmi.

JEREMÍAS 9:15

Chaimanta cunanca tucuita Mandaj, can israelcunapaj Diostajmi cashna nin: “Cai runacunamanca ajenjotami cashtuchigrini, hielhuan chagrushca yacutami ubyachigrini.

LAMENTACIONES 3:19

Jatun llaquihuan ñuca shungu p'aquirishcatapish, ajenjota, hielta ubyashcatapish yuyarihuayari.

LAMENTACIONES 3:5

Ñuca muyundijpi baluartecunata shayachishpami, caparirishpa huacana jatun llaquita rurarca.

AMÓS 5:7

Cashcata ruranataca, pambapimi shitanguichij. Chashna cashpamari, ajenjo jayaj shina llaquichishcanguichij.

AMÓS 6:12

¿Caballocunaca peña quinricunata callpai tucungari? ¿Shinallataj yunta huagrahuanpish peña quinripi yapui tucungachari? ¿Ima nishpataj cancunaca cashcata ruranapaj randica, huañuchij venenota ubyachircanguichij? ¿Ima nishpataj cashcata rurashpa ricuchinapaj randica, jayaj ajenjo shina cashcata ricuchircanguichigari?

ZACARÍAS 13:8

Mandaj Diosca cashnapishmi nin: “Cai llajtapi causajcunaca, chaupi yallihuanmi huañungacuna, ashacunallami causajcunaca saquiringacuna.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

DEUTERONOMIO 29:18

Cancunapurapica maijan c'ari cashpa, huarmi cashpa, maijan familia cashpa, maijan aillu cashpapish cunan cai Mandaj Dios ñucanchij Taita Diosmanta anchurishpa, chai llajtacunapaj dioscunapaj ruranacunata rurajcuna ñataj tucunguichijman. Chaita rurashpaca cancunaca hiel shina, ajenjo shina jayaj sapiyuj yura shinami tucunguichij.

Hebreos 12:15

Alli ricuraichij, ñataj maijancunaca Diospaj mana c'uyaipajta c'uyaj canata chingachinguichijman. Shinallataj jayaj q'uihua huiñaj shina cancunata muspachij yuyaicuna shamujpi, chaita rurashpa shujtajcunatapish pandachinguichijman.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 8:7

Punta ángel trompetapi tocajpica, rundupish, ninapish yahuarhuan chagrushcami carca. Chaita allpa pachaman shitajpica, quimsapi chaupishca shuj parte allpatami yuracunandij, tucui q'uihuacunandij rupachirca.

Apocalipsis 9:15

Chai chuscu angelcunataca, cai pacha quimsapi chaupishca shuj parte gentecunata huañuchichunmi cacharirca. Chai angelcunaca chai horas, chai punlla, chai quilla, chai huata pajtajpi chashna huañuchichunmi allichishca carca.

Apocalipsis 9:18

Chai caballocunapaj shimimantaca nina, cushni, azufremi llujshirca. Chai quimsa llaquicunahuanca, quimsapi chaupishca shuj parte gentecunami huañurca.

RUT 1:20

Chaimi Noemica: –Ñucataca ama Noemí nihuaichijchu. Ashtahuanpish Mara nihuaichij. Tucuita Rurai Tucuj Diosca, jatun llaquitamari rurahuarca.