Apocalipsis 8:1 - Dios Rimashca Shimicunami

¹ Sujtapaj q'uipa sellashcata Oveja pascajpica, chaupi horas shinatami, jahua pachapica chulunlla tucurca.

Mushuj Testamento Diospaj Shimi

¹ Sujtapaj cati sellashcata Malta Oveja pascajpica, chaupi horas shinatami jahua pachapica chulunlla tucurca.

Apocalipsis 8:1 Iomraidhean Croise

JOB 4:16

Ñuca ricucunpimi ñuca ñaupajpi shuj aya shayarirca, ashtahuanpish paipaj ñahuitaca manamari rijsircanichu. Pai chaipi shayacushpaca, cashna nijtami upajlla uyarcani:

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

SALMOS 62:1

Ñuca almaca Taita Diosllapimi samarin. Ñuca quishpirinaca Taita Diosmantami shamun.

HABACUC 2:20

Ashtahuanpish Mandaj Diosca, paipajlla ch'icanyachishca huasipimari causacun. Chashna cashcamantaca tucui cai pachapi causajcuna, upalla caichigari.

ZACARÍAS 2:13

Tucui cai pachapi causajcuna, Mandaj Diospaj ñaupajpica, upalla caichigari. Paipajlla caj jucha illaj causanamantami paica jatarishca.

Mateo 27:66

paicuna rishpaca, jutcu punguta alli allichishpa, rumihuan huichcashpami sellashpa churashpa, chai soldadocunataca cuidachun churarcacuna.

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.

Apocalipsis 6:12

Pichcapaj q'uipa sellashcata Oveja pascajpi ñuca ricujpica, cai pachapica jatunta allpa chujchushpami t'imburirca. Intipish llaquihuan cashpa churarina yanajlla churanata churarishca shinami tucurca. Shinallataj lunapish tucuimi, yahuar shina tucurca.

Apocalipsis 6:3

Puntapaj q'uipa sellashcata Oveja pascajpica, puntapaj q'uipa causaiyujca: “¡Shamui ricungui!” nijtami uyarcani.

Apocalipsis 6:5

Ishquipaj q'uipa sellashcata Oveja pascajpica, ishquipaj q'uipa causaiyujca: “¡Shamui ricungui!” nijtami uyarcani. Chaita ricushpaca, shuj yana caballotami ricurcani. Chai caballopi tiyacujca, shuj balanzatami maquipi charicurca.

Apocalipsis 6:7

Quimsapaj q'uipa sellashcata Oveja pascajpica, quimsapaj q'uipa causaiyujca: “¡Shamui ricungui!” nijtami uyarcani.

Apocalipsis 6:9

Chuscupaj q'uipa sellashcata Oveja pascajpica, Diospaj shimita huillashcamanta, huillashca shinataj causashcamanta huañuchishcacunapaj almacunatami, altar ucupi ricurcani.