Apocalipsis 7:9 - Dios Rimashca Shimicunami

⁹ Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.

Mushuj Testamento Diospaj Shimi

⁹ Chaita ricushca qʼuipaca, pi mana yupaipaj achcacunatami ricurcani. Chaicunaca, tucui llajtacunamanta, chʼican chʼican aillucunamanta, tucui pueblocunamanta, tucui rimaicunamantapishmi carca. Tucui paicunami, jatun tiyarinapi Tiyacujpaj ñaupajpi, Malta Ovejapaj ñaupajpipish, yurajlla churanata churashca, ramoscunata maquipi aisashca shayacurcacuna.

Apocalipsis 7:9 Iomraidhean Croise

GÉNESIS 13:16

Cambaj huahua huahuacunataca ñutu allpa shina cachun achcatami mirachisha. Ñutu allpata maijanpish yupai tucujpica, cambaj huahua huahuacunatapish yupashcami canga.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

SALMOS 2:8

Ñucaman mañailla can japina cashcataca llajtacunatami cusha. Inti llujshinmanta, inti huashicuncama, tucui cai pachatami canman cusha.

SALMOS 22:27

Tucui pachapi causajcunami, Mandaj Diosta yuyarishpa paiman cutiringacuna. Tucui laya aillucunami, paipaj ñaupajpi adorangacuna.

SALMOS 76:4

Quiquinca achij nicuj sumajmari cangui. Tucuita rurai tucujmari cangui. Sacha animalcunata japigrina urcucunatapish yalli jatunmari cangui.

SALMOS 77:2

Ñuca llaquihuan cai punllapica, Jatun Diostami mashcarcani. Tutapish mana samarishpami maquicunata huichi chutashpa paitaca mañacurcani. Ñuca almapish mana cushicui tucurcachu.

SALMOS 98:3

Israelcunapajca llaquij cashcatapish, mana llulla cashcatapishmi yuyarirca. Tucui cai pachapi causajcunamari ñucanchij Taita Dios quishpichinataca ricushcacuna.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 3:17

Ashtahuanpish chai punllacunapica Jerusalentamari: Mandaj Dios mandashpa causana pueblo ningacuna. Tucui llajtacunamanta Jerusalenman shamushpamari, Mandaj Dios ñucataca alabangacuna. Ña mana paicunapaj millai sinchi shungucuna yuyachishcata rurangacunachu.

EZEQUIEL 47:5

Cutinllatajmi, 525 metro yacuta medirca. Jatun yacu cashcamantami, chai yacutaca ña mana pasai tucurcani. Yallitaj achca yacu cashcamantami, chaitaca ña mana chaquillahuan pasai tucurcani. Chaitaca huambushpallami, pasai tucuipaj carca.

DANIEL 4:1

Jatun mandaj Nabucodonosormi cai pacha tucui gentecunata, llajtacunata, ch'ican ch'ican rimaita rimajcunataca: “Sumaj causai cancunapi mirarishca cachun” nini.

DANIEL 6:25

Chaimi jatun mandaj Darioca, tucui cai pachapi causaj gentecunaman, llajtacunaman, ch'ican ch'ican rimaita rimajcunaman cashna nishpa quillcarca: “Cancunapica sumaj causai mirarishca cachun.

OSEAS 1:10

Shina cashpapish, israelcunaca mama cuchapi tiyaj t'iyu allpa shinami canga. Pi mana medi tucuipaj, pi mana yupai tucuipajmi canga. Maipimi: “Cancunaca ña mana ñuca agllashcacunachu canguichij” nirca, chaillapitajmi: “Causaj Taita Diospaj huahuacunami canguichij” ninga.

LEVÍTICO 23:40

Chai fiesta callari punllapica tucuimanta yalli alli yuracuna p'ucushca granocunatapish, palmera ramacunatapish, p'angasapa yura ramacunatapish yacu c'uchupi tiyaj sauce ramacunatapish japishpa canchis punllacunata Mandaj Dios cancunapaj Taita Diospaj ñaupajpi cushicunguichij.

ZACARÍAS 10:8

Ñuca quishpichishcacunataca silbashpa cayashpami, tucuicunata tandachisha. Ñaupa huatacunapi cashca shinallatajmi achcata miraringacuna.

ZACARÍAS 2:11

Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.

Lucas 12:1

Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca: –Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman.

Lucas 21:36

Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Juan 12:13

Chaimantami yura ramacunata p'itishpa, Jesusta tupanaman llujshimushpaca: –¡Hosanna! ¡Israelcunapaj Jatun Mandaj, Jatun Diospaj shutipi shamucujtaca alli nishca cachun!– nishpa caparircacuna.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

Efesios 6:13

Chaimanta mana alli punllapi sinchita shayaringapajca, Taita Dios cushca tucui macanacunata churarichij. Chashna tucuita allichishca cashpami sinchi catishun.

Hebreos 11:12

Chashnami Abrahammantaca yuyaj ña huañunalla cashca cajpipish, jahua pachapi tiyaj achca lucerocuna shinapish, mama cucha c'uchupi tiyaj t'iyu allpa shinapish mana yupaipaj achcata mirarirca.

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 22:3

Chaipica mana alli nishca canaca ñami tucurishca canga. Chaipica Diospajpish, Ovejapajpish jatun tiyarinallami canga. Paipajta rurajcunaca paipajllatami rurangacuna.

Apocalipsis 3:18

Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 5:11

Chai q'uipaca, jatun tiyarinapaj, causaiyujcunapaj, ancianocunapaj muyundijpica, achca angelcuna rimashcatami uyarcani. Paicunaca, mana yupaipaj huaranga huarangacunami,

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Apocalipsis 6:11

Chaipica paicunamanca yurajlla churanatami curca. Chaita cushpaca: –Ashacama samacuichijraj. Cristopajta cancuna shinallataj ruraj crijcunatapish cancunata huañuchishca shinallataj mashnacunata huañuchina cashca pajtangacama shuyaichijraj– nircami.

Apocalipsis 7:8

Zabulonpaj aillumantapish 12.000mi sellashca carca. Josepaj aillumantapish 12.000mi sellashca carca. Benjaminpaj aillumantapish 12.000mi sellashcacuna carca.