Apocalipsis 7:3 - Dios Rimashca Shimicunami

³ cashna nirca: “Ñucanchij Diospajta rurajcunata frentepi sellota churangacama, cai pachatapish, mama cucha yacutapish, yuracunatapish ama ima llaquita ruraichijchu” nircami.

Mushuj Testamento Diospaj Shimi

³ cashna nirca: «¡Ñucanchij Taita Diosta servijcunata frentepi señalta ñucanchij churangacamaca, cai pachatapish, mama cucha yacutapish, yuracunatapish amaraj ima llaquita ruraichijchu!» nircami.

Apocalipsis 7:3 Iomraidhean Croise

ÉXODO 12:13

Chai yahuarca israelcuna mai huasipi cashcata ricuchijmi canga. Chai yahuarta ricushpami cancunapaj huasi ñaupajtaca pasashpa rishalla. Chashnami egipciocunata huañuchishpa llaquichicujpica cancunapurapica huañui llaquica mana tiyanga.

ÉXODO 12:23

Mandaj Diosca Egipto llajtapi causajcunata huañuchicushpaca, cancunapaj pungupi quinriman churashca caspita pungu ishqui lado quisyucunata yahuarhuan llihuishcata ricushpaca pasajta ringallami. Huañuchij cancunapaj huasicunaman yaicushpa huañuchichun mana saquingachu.

ISAÍAS 27:8

Paipi retoñashcacunataca ricushpalla llaquichingui. Inti llujshin ladomanta huaira quillapi sinchi huairallahuanmi llaquichinga.

ISAÍAS 54:17

Canta tucuchingapaj ashtahuan ima macanacunacunata rurajpipish, cantaca chaicunaca imata mana rurai tucungachu. Canta llaquichingapaj tucui parlanacujcunatapish, canrajmi llaquipi churangui. Mandaj Diospajta rurajcuna japina cashcata japinaca, ñuca paicunata llaquimanta quishpichinami” ninmi Mandaj Diosca.

ISAÍAS 6:13

Patsajmanta chungapura cai llajtapi saquirishca cashpapish, chaipish chingachishcami canga. Roble yurata cashpa, encina yurata cashpa p'itijpica, chai troncoca saquirinrajmi. Chai troncomantami jucha illajcunaca cutin huiñanga” nircami.

ISAÍAS 65:8

Mandaj Diosca cashnapishmi nin: “Maijanpish alli uva huayungata japishpaca: Caitaca ama yanga shitanguichu, paimantaca achca allicunata japinami tiyan. Ñucapish ñucapajta rurajcunamantaca, chashnallatajmi rurasha. Mana tucuita chingachishachu.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

DANIEL 3:17

Ñucanchij Taita Diosmi, paipajta rurajcunataca nina lunyacuj hornomantapish, jatun mandajpaj maquimantapish quishpichinga.

DANIEL 3:26

Shina nishpaca Nabucodonosorca, lunyacuj nina horno punguman c'uchuyashpami: –Jahua pacha Taita Diospajta ruraj Sadrac, Mesac, Abed-nego llujshishpa shamuichij– nirca. Chaimi Sadrac, Mesac, Abed-negoca nina chaupimanta llujshircacuna.

DANIEL 6:16

Shina nijpimi jatun mandajca Danielta apaj cachashpa leoncunapaj jutcupi shitachun mandarca. Jatun mandajca Danieltaca: –Canca cambaj Taita Diospajtaca punllantami rurangui. Cantaca pai quishpichishca cachun– nircami.

SOFONÍAS 2:3

Cai llajtapi causaj alli shungu runacuna, cancunaca Mandaj Dios imallata rurashcata yuyarishpa paita mashcaichigari. Cashcata ruranata mashcaichigari. Chashna cancuna allita ruranata mashcajpica, Mandaj Dios jatunta p'iñarishpa llaquichicui punllaca huaquichingapishchari.

MALAQUÍAS 3:18

Ñucapajman cutirishpami cashcata rurajtapish, millaita mana rurajtapish, Diosta servijtapish, Diosta mana servijtapish yachaj chayanguichij” ninmi.

Mateo 24:22

Chai llaqui punllacunata Dios mana utca tucuchijpica, pi mana causanmanchu. Ashtahuanpish Diosca pai agllashcacunata c'uyashcamantami, chai llaqui punllacunataca utca tucuchinga.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 3:33

Maijanpish pai ricushcata huillajpi chasquijca, Taita Diosca mana llulla cashcatami ricuchin.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Apocalipsis 13:16

Shinallataj uchillacunata, jatuncunata, charijcunata, huajchacunata, amopajta rurajcunata, amopajta mana rurajcunatapish tucuicunata alli lado maquipi cashpa, frentepi cashpapish, ricuna sellota churachunmi mandarca.

Apocalipsis 13:17

Chaimanta animalta ricuchij sellota cashpa, paipaj shutita cashpa, animalpaj shutipaj numerota cashpapish mana charijca, pi mana c'atui tucurcachu. Imata mana randi tucurcachu.

Apocalipsis 14:1

Chaita ricushca q'uipaca, Sión urcu jahuapi Oveja shayacujtami ricurcani. Paihuanca 144.000mi carca. Chaicunaca Ovejapaj shutitapish, paipaj Yayapaj shutitapish, frentepi quillcashcacunami carcacuna.

Apocalipsis 14:9

Shinallataj ishquipaj q'uipa angelpish cashna nishpami sinchita huillarca: “Animaltapish, chai animalman rijchajta rurashcatapish adoraj, sellota maquipi cashpa, frentepi cashpa chasquijca,

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 22:4

Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.

Apocalipsis 6:6

Causaiyuj chuscupaj chaupimantaca: “Ishqui libra trigoca shuj denariomi valin, sujta libra cebadapish shuj denariomi valin. Chashna cajpipish aceiteta, vinotaca ama imata rurangui” nishpa rimajtami uyarcani.

Apocalipsis 7:1

Chaicunapaj q'uipaca, cai pacha chuscu esquinapi, chuscu angelcuna shayacujtami ricurcani. Paicunaca cai pacha allpaman, mama cucha yacuman, yuracunamanpish ima huaira ama shamuchunmi huaira shamuna chuscu esquinapi jarcacurcacuna.

Apocalipsis 7:2

Shinallataj causaj Diospaj sellota apashca shujtaj angelpish, inti llujshin ladomanta huichiyacujtami ricurcani. Paica, cai pachata, mama cuchata llaquichi tucunata charij caishuj chuscu angelcunatami sinchita caparishpa,

Apocalipsis 9:4

Paicunataca cai allpapi tiyaj q'uihuacunata, ima verdijllacunata, ima yuracunatapish ama imata rurachun, shinallataj Diospaj sellota paicunapaj frentepi mana charijcunallata llaquichichunmi mandarca.