Apocalipsis 7:2 - Dios Rimashca Shimicunami

² Shinallataj causaj Diospaj sellota apashca shujtaj angelpish, inti llujshin ladomanta huichiyacujtami ricurcani. Paica, cai pachata, mama cuchata llaquichi tucunata charij caishuj chuscu angelcunatami sinchita caparishpa,

Mushuj Testamento Diospaj Shimi

² Causacuj Taita Diospaj sellota apashca shujtaj angeltapishmi, inti llujshin ladomanta huichiyajta ricurcani. Chai angelca, cai pachata, mama cucha yacuta llaquichichun cachashca, caishuj chuscu angelcunatami sinchita caparishpa,

Apocalipsis 7:2 Iomraidhean Croise

2 REYES 19:4

Rabsaces nishca mandaj tucui imalla nishcacunata Mandaj cambaj Taita Dios uyashpa paicunahuan p'iñaringapishchari. Paitaca Asiria llajtata jatun mandaj paipaj amomi causaj Diosta p'iñashpa c'amichun cachashca. Mandaj cambaj Dios chaita ña uyashcami. Mana huañushpa puchushca caipi caj israelcunamanta Diosta mañapai ninmi” nichunmi cacharca.

CANTARES 8:6

Cambaj shungupica, sellota shina churahuayari. Cambaj rigrapica, mana chingaripaj señalta shina churahuayari. C'uyaica, huañui shinallataj pi mana jarcai tucuipajmi. C'uyashpa llaquinacunaca, Seol shina mana cacharijmi. C'uyaica, carbonpi nina rupacuj shinamari.

ISAÍAS 41:2

Inti llujshin ladomanta caj cashcata rurajtaca ¿pitaj rijchachircari? Imapipish mishacuchunllaca ¿pitaj cayarcari? Llajtacunatapish paipaj ñaupajpimi churarca. Jatun mandajcunatapish paipaj ucupi cachunmi churarca. Paipaj espadahuanca ñutu allpata shina rurachun, paipaj arcohuanca ujshata shina urata janajta cachachunmi churarca.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Mateo 26:63

Ashtahuanpish Jesusca imata mana nijpimi curacunata mandajca: –Causaj Diospaj shutipimi nini. ¿Canca Diospaj Churi, Cristotajchu cangui? ñucanchijman huillaiyari– nircami.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

2 Corintios 1:22

paipajta rurashpa sellarca. Japina cashcata ricuchij cachunmi, ñucanchij shungupi paipaj Espirituta churarca.

Efesios 1:13

Cancunapish chai Jesusllatataj crishpa quishpirichunmi, mana llulla alli huillaitaca huillarcanchij. Chaita uyashpa crincami, Diosca pai cusha nishca jucha illaj Espirituhuan sellarca.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

DEUTERONOMIO 5:26

Huañujlla runaca ¿pitaj nina rupacuj chaupimanta causaj Dios rimashcata uyashpa ñucanchij shina mana huañushpa causacujrajca tiyangari?

1 Tesalonicenses 1:9

Causaj Taita Diospajtataj rurangapajmi, rurashcalla dioscunamanta anchurishpa, Taita Diosman tigrarishcatapish, ñucanchijta ima shina chasquishcatapish paicunallataj parlancuna.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 10:1

Chai q'uipaca, p'uyuhuan pillurishca imatapish rurai tucuj shujtaj ángel cielomanta uriyacujtami ricurcani. Paipaj uma jahuapipish shuj cuichitami charirca. Ñahuipish inti shina achij nicujmi carca. Changacunapish lunyacuj nina shinami carca.

Apocalipsis 10:4

Chai canchis c'ulun nijcuna rimashca uyarishcatami ñucaca quillcasha nicurcani. Ña quillcasha nicujpica cielomanta shuj rimaica: “Chai canchis c'ulun nijcuna rimashcataca huaquichishpa saquilla, ama quillcaichu” nijtami uyarcani.

Apocalipsis 16:12

Pichcapaj q'uipa ángel, copapi tiyacuj llaquita, Éufrates jatun yacupimi tallijpimi, chai yacuca tucui chaquirirca. Inti llujshin ladomanta jatun mandajcuna shamunapaj, ñan allichishca cachunmi chashna tucurca.

Apocalipsis 5:2

Imatapish rurai tucuj shuj angeltami ricurcani. Paica: “¿Pitaj chai librota pascaipaj sellashcacunatapish anchuchi tucuipajtajca cangari?” nishpami caparishpa tapurca.

Apocalipsis 8:3

Chai q'uipaca shujtaj angelmi altar ñaupajpi shayarirca. Paica inciensota rupachingapaj curimanta rurashcata apashcami carca. Chai altar jahuapi inciensota rupachishpa Diospajlla tucui cajcuna mañashcacunahuan mirarichunmi, achca inciensota paimanca curca. Chai altarca jatun tiyarina ñaupajpimi carca.

Apocalipsis 9:14

pichcapaj q'uipa ángel trompetata charicujtaca cashna nirca: “¡Éufrates jatun yacu c'uchupi huatashca caj chuscu angelcunata cachari!” nircami.

Apocalipsis 9:4

Paicunataca cai allpapi tiyaj q'uihuacunata, ima verdijllacunata, ima yuracunatapish ama imata rurachun, shinallataj Diospaj sellota paicunapaj frentepi mana charijcunallata llaquichichunmi mandarca.

1 SAMUEL 17:26

Davidca, paipaj c'uchupi cajcunataca: –Chai filisteota huañuchishpa israelcunata c'amijta anchuchijmanca ¿imatashi cunga? Circuncisionta mana rurashca filisteoca ¿paica ima cashpataj causaj Diospaj soldadocunataca c'amicun?– nircami.

1 SAMUEL 17:36

Cambajta rurajca leontapish, osotapish huañuchijllami. Circuncisionta mana rurashca filisteo runa causaj Diospaj soldadocunata c'amishcamantaca chai leonta osota shinallatajmi huañuchisha.