Apocalipsis 7:17 - Dios Rimashca Shimicunami

¹⁷ Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.

Mushuj Testamento Diospaj Shimi

¹⁷ Jatun tiyarina chaupipi caj Malta Ovejami, paicunataca michinga. Paicunataca, causaita cuj yacucuna llujshicujmanmari ubyachingapaj pushanga. Taita Diospish paicunapaj ñahuimantaca, tucui huiquita pʼichangami— nircami.

Apocalipsis 7:17 Iomraidhean Croise

SALMOS 22:26

Mana jatun tucushcacunaca micungacunami. Mana nijtami micungacuna. Mandaj Diosta mashcajcunaca paita alabangacunami. Paicunaca unitami causangacuna.

SALMOS 23:5

Ñucata p'iñajcunapaj ñaupajpimi, jatun micuita allichishpa tiyachircangui. Aceitehuanmi ñuca umapi churarcangui. Ñuca copapipish tallirijtami jundachircangui.

SALMOS 28:9

Mandaj Dioslla, can agllashcacunataca quishpichihuayari. Quiquinpaj cajcunamanca allicunata cuhuayari. Paicunataca michihuayari, paicunamanca carapayari, huiñai huiñaita michihuayari.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 25:6

Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

ISAÍAS 30:19

Siónpi caj Jerusalenpi causajcunataca Jatun Dios llaquishpa, cancuna caparishpa mañashcata uyaihuan cutichishcamantaca ña manataj huacangacunachu.

ISAÍAS 30:25

Yallitaj achcacunata huañuchicui punllapi torrecuna urmajpica, tucui jatun urcucuna jahuamanta yacucuna llujshishpami callpacunga. Jatun lomacuna jahuamanta jatun yacucuna llujshishpami callpacunga.

ISAÍAS 35:10

Mandaj Dios quishpichishcacunaca Sionmanca cushicushpami tigrangacuna. Paicunapaj uma jahuapica manataj tucurij cushicuimi tiyanga. Paicuna cushicuihuan yallitaj cushicuihuan cajpica llaquipish, aij nicunapish miticushpami ringa.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

ISAÍAS 49:9

prezupi cajcunatapish llujshichij nichun, amsapi cajcunatapish achijman llujshichij nichunmi cantaca cachasha. Paicunaca tucui ñancunapimi michinacunata charingacuna. Mai urcucunapi cashpapish, paicunapaj animalcunapajca alli micunatami charingacuna.

ISAÍAS 51:11

Mandaj Dios quishpichishcacunaca tigrangacunatajmi. Sionmanca cantaihuanmi tigrangacuna. Paicunapaj umapica huiñaitami cushicunga nishcata churashcami canga. Cushicuita, yallitaj cushicuitami charingacuna. Nanaipish, aij ninapish miticushpa maitatajshi rishcami canga.

ISAÍAS 60:20

Cambaj intica manataj huashicungachu. Lunapish manataj uchillayangachu. Mandaj Diosmari cambajca, huiñaita achijyachij luz canga. Can llaquilla cana punllacunapish tucuringami.

ISAÍAS 65:19

Ñucaca Jerusalenhuanca cushicushami. Ñuca agllashcacunahuanca cushicushami. Chaipica huacashcapish caparishcapish ña manataj uyaringachu.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 31:9

Caimantaca huacashpami, llujshishpa ringacuna. Shina cajpipish, ñucaca jatun c'uyaihuanmi tigrachimusha. Sumaj yacu tiyan pugrucunatami purichisha. Ima ñitcarina illaj sumaj ñanpimi churasha. Ñucamari israelcunapajca yaya cani, Efrainca ñuca punta churimari” ninmi.

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

MIQUEAS 5:4

Chai Mandajca, Mandaj Diospaj tucuita rurai tucuj sumaj cashcahuanmi, pai agllashcacunataca michinga. Chaipica paicunaca sumaj causaitami charingacuna. Mandaj Dios jatunyachishca cashpami, chai mandajca tucui cai pachata mandanga.

MIQUEAS 7:14

Mandaj Dioslla, can agllashcacunataca, cambaj tauna caspihuan michipangui. Paicunaca alli q'uihua tiyan urcullapi causaj, can agllashca canlla ovejacuna shinami. Paicunataca ñaupa punllacunapi shinallataj Basán urcu, Galaad urcu q'uihuacunaman pushapangui.

Mateo 2:6

“Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.

Mateo 5:4

Huacajcunaca cushichishcami. Paicunami cushicuita chasquingacuna.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 10:14

Ñucaca alli michijmi cani. Ñuca ovejacunataca rijsinimi, paicunapish ñucataca rijsinmi.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:11

chai huarmica: –Amito, imahuan huishinatapish mana charinguica, pugyupish ucujtamari. ¿Maimantataj causaita cuj yacutaca cunguiyari?

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Pedro 5:2

Dios cancunaman mingashca canlla ovejacunataca alli michichij, ama cuidachun nishcallamanta cuidaichijchu. Ashtahuanpish Dios munashca shina cuidanata munashcamanta cuidaichij. Cullquita japinga raicullaca ama ruraichijchu. Ashtahuanpish ama q'uillashpalla ruraichij.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

Apocalipsis 21:23

Dios sumaj cashcahuan achijyachijpi, Ovejapish paillataj achijyachij luz cashcamantaca intitapish lunatapish chai puebloca ña mana minishtinchu.

Apocalipsis 21:4

Diosca paicunapaj ñahuicunamantaca, tucui huiquitami p'ichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu” nircami.

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.