Apocalipsis 7:16 - Dios Rimashca Shimicunami

¹⁶ “Paicunaca ña mana yaricachingachu, ña mana yacunachingachu. Intipish paicunataca mana rupachingachu, t'itaipish mana tiyangachu.

Mushuj Testamento Diospaj Shimi

¹⁶ Paicunaca, ña mana yaricachingachu, mana yacunachingachu, intipish ña mana ashtahuan rupachingachu, ima shujtaj tʼitaipish mana tiyangachu.

Apocalipsis 7:16 Iomraidhean Croise

SALMOS 121:5

Mandaj Diosca canta huaquichijmi. Mandaj Diosca cambaj alli maqui ladopi llandujmi.

SALMOS 121:6

Punllapish intica mana shaicuchingachu. Tutapish, lunaca imata mana rurangachu.

SALMOS 143:6

Quiquinpajmanmi ñuca maquicunataca chutarcani. Ñuca almaca chaquishca allpa yacunaihuan caj shinami quiquinta shuyacun. Selah

SALMOS 42:2

Ñuca almaca Taita Diostami yacunachin. Causaj Diostami yacunachin. ¿Ima horataj Taita Diospaj ñaupajpica, ñahui ñahui ricurigrishari?

SALMOS 63:1

Taita Dios quiquinca ñuca Diosmari cangui. Tutamanta utcatami quiquintaca mashcasha. Ñuca almaca quiquintami yacunachin. Ñuca aichaca quiquintami munanachin. Chaquishca, tullu allpapimari puricuni. Yacu illanpimari puricuni.

CANTARES 1:6

Ñucataca intimi rupachirca. Shina cajpipish, yanami nishpa ama rimahuaichijchu. Ñuca mamapaj churicunallataj p'iñarishpami, ñucataca uva chagrata cuidachun churarcacuna. Chaimantami ñuca quiquin uva chagrataca mana cuidarcani.

ISAÍAS 25:4

Huajchapaj fuerzami cangui. Ima illajcuna llaquihuan cajpi fuerzata cujmi cangui. Acapana shamujpi miticunami cangui. Inti rupachijpi llandujmi cangui. Millaicunapaj p'iñarica sinchi tamya shamushpa pata quinripi huajtarij shinami.

ISAÍAS 32:2

Chai runaca huairata miticuna shinami canga. Jatun acapanamanta paca tucuna shinami canga. Chaquishca pambacunapi yacu llujshicuj shinami canga. Yallitaj rupai punllapi llandurina rumi urcu shinami canga.

ISAÍAS 41:17

Llaquihuan cajcunapish, ima illajlla cajcunapish yacutami mashcancuna. Ashtahuanpish mana japincunachu. Paicunapaj c'alluca yacunaihuan chaquishcami. Mandaj Dios ñucami paicuna mañashcataca uyasha. Israelcunapaj Dios ñucaca paicunataca mana saquishachu.

ISAÍAS 49:10

Chaipica yaricaipish, yacunaipish mana japingachu. Intipish mana t'itashpa llaquichingachu. Paicunata llaquij Diosmari tucuimanta huaquichinga. Pajchacuj yacucunamanmi pushanga.

ISAÍAS 65:13

Chaimantami Mandaj Jatun Diosca cashna nin: “Riqui, ñucapajta rurajcunaca micungacunami. Ashtahuanpish cancunaca yaricaihuanmi canguichij. Ñucapajta rurajcunaca yacuta ubyangacunami. Ashtahuanpish cancunaca yacunaihuanmi canguichij. Ñucapajta rurajcunaca cushicungacunami, ashtahuanpish cancunaca pingachishcami canguichij.

JONÁS 4:8

Shinallataj inti llujshijpica, Taita Diosllatajmi achca rupaj huairata cacharca. Intipish Jonaspaj umataca rupachircami. Chaimantami yuyai illaj shina tucushpaca, huañunata munarca. Paica: “Ñucapajca causanapaj randica, huañunami alli canman” nircami.

Mateo 13:21

Ashtahuanpish paipi sapi mana ucujta cajpimi llaqui japijpi, alli huillaita caticushcamanta llaquichina yuyailla llaquichijpica, ñitcarishpa manarajpish unipi ña saquirinlla.

Mateo 13:6

Ashtahuanpish inti llujshishpa rupachijpica, jahualla sapi cashcamanta chaquirircallami.

Mateo 5:6

Cashcata ruraj canata yaricaihuan, yacunaihuan shina mashcajcunaca cushichishcami. Paicunaca mana nijtami micungacuna.

Marcos 4:17

Ashtahuanpish paipi sapi mana ucujta cajpimi llaqui japijpi, alli huillaita caticushcamanta llaquichina yuyailla llaquichijpica, ñitcarishpa manarajpish unipi ña saquirinlla.

Marcos 4:6

Ashtahuanpish inti llujshishpa rupachijpica, jahualla sapi cashcamanta chaquirircallami.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 6:21

Cunan yaricaihuan cajcunaca, cushichishcami canguichij. Mana nijtami micunguichij. Cunan huacacujcunaca, cushichishcami canguichij, yallitajmi asinguichij.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Santiago 1:11

Q'uihuaca inti llujshishpa achcata rupachijpica, chaquirinmi. Paita sumajyachij sisa urmajpica, pai sumaj cashcapish chingarinmi. Shinallatajmi achcata charijca, paipaj charinacunandij tucuringa.

Apocalipsis 21:4

Diosca paicunapaj ñahuicunamantaca, tucui huiquitami p'ichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu” nircami.