Apocalipsis 7:12 - Dios Rimashca Shimicunami

¹² cashna nircacuna: “¡Chashna cachun nishca canapish! Allimari cangui nishca canapish, sumajmari cangui nishca canapish, yachajmari cangui nishca canapish, pagui nishca canapish, alli nishca canapish, tucui imatapish jahualla rurai tucuj nishca canapish ñucanchij Diospajca huiñai huiñaita cachun. ¡Chashna cachun!” nircacunami.

Mushuj Testamento Diospaj Shimi

¹² Paicunaca: «¡Chashna cachun! Ñucanchij Taita Diostaca, huiñai huiñaita allimari cangui, sumajmari cangui, tucuita yachajmari cangui, pagui nishcamari cangui, jatunmari cangui, tucui imatapish jahualla rurai tucujmari cangui. ¡Chashna cachun!» nircacunami.

Apocalipsis 7:12 Iomraidhean Croise

NEHEMÍAS 12:46

Ñaupa yaya Davidpaj, Asafpaj punllamanta pachami cantajcunataca Diosta alabashpa cantanata, pagui nishpa cantanata yachachijcuna tiyarca.

NEHEMÍAS 12:8

Levitacunaca: Jesúa, Binúi, Cadmiel, Serebías, Judá, Matanías, shuticunami carcacuna. Paicunaca levitacunapurallatataj cantocunata yachachishpa cantachijcunami carca.

SALMOS 100:4

Paipaj punguta yaicucushpaca, pagui nishpa cantashcahuan yaicuichigari. Paipaj huasi canllaman yaicushpaca alabashpa cantaichigari. Paipaj shutitaca alabaichigari, alli nichigari.

SALMOS 106:48

Mandaj Diosca alli nishca cachun. Israelcunapaj Taita Diosca huiñaimanta huiñaicama alli nishca cachun. Chaitaca tucuicuna: “Chashna cachun” nichigari. Mandaj Diostaca alabaichigari.

SALMOS 107:22

Animalcunata huañuchishpa cushpa pagui nichigari. Pai imalla rurashcacunataca jatun cushicuihuan huillaichigari.

SALMOS 116:17

Taita Diosmanca cantashcatami cuni. Mandaj Diospaj shutipimi cantani.

SALMOS 147:7

Mandaj Diostaca cantashpa alabaichigari. Ñucanchij Diostaca arpahuan cantaichigari.

SALMOS 41:13

Mandaj Diostaca alli nishca cachun. Israelcunapaj Diostaca huiñai huiñaita alli nishca cachun. Chashna cachun. Chashna cachun.

SALMOS 50:14

Animalcunata huañuchishpa cuj shinaca Taita Diosta alabayari. Jahua pachamanta cajman cuna tucushcacunataca pajtachiyari.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

SALMOS 89:52

Mandaj Diosca huiñaita alli nishca cachun. Chashna cachun. Chashna cachun.

SALMOS 95:2

Paipaj ñaupajpi alabanapaj jacuchigari. Sumaj cantocunahuan alabashunchigari.

ISAÍAS 51:3

Mandaj Diosca Siontaca cushichingami. Chaica chashnatajmi canga. Ñuturishcacunataca cushichingami. Shitashca pambataca sumaj huertatami ruranga. Mana p'ucuj allpataca Mandaj Diospaj huertatami ruranga. Chaipica cushicushpa alabana, cushicushpa cantanacunami tiyanga.

JEREMÍAS 33:11

Shina cashpapish chai tucui pueblocunapimi jatun cushicuihuan cantashca uyaringa, cazarajcuna cantashcapishmi uyaringa. Tucuita Mandaj Diosta alabaichij, Mandaj Diosca allimari. Paica huiñai huiñaita c'uyacunllamari nishpami cantangacuna. Prezu apashcamanta ñuca tigrachimushcacunami tucuicuna ñucaman cuna cashcata apashca ñuca huasiman shamushpa, diosolopagui nishpa cantangacuna. Cai llajtataca callaripi cashcata shinami, sumajta allichisha” ninmi Mandaj Diosca.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

JONÁS 2:9

Ashtahuanpish cantaca ñuca shimihuan cantashpami alabasha. Animalcunatapish cushpa huañuchishami. Canman imata cusha nishcatapish cushatajmi. Mandaj Dioslla, canllami quishpichij cangui” nishpami mañarca.

Mateo 6:13

Ima mana allipi urmachun ama saquihuangui. Tucui millaimanta huaquichihuangui. Mandanapish, tucuita rurai tucuj canapish, jatun nishca canapish cambajmi. Chaica huiñai huiñaita chashna nishca cachun. Chashna cachun”.

Romanos 11:36

Tucuimi paipaj, pai rurashcamantami tiyan, paipajmi rurarca, chaimanta tucui imapish paipajmi. Paitaca, huiñai huiñaita jatunyachishca cachun. Chashnataj cachun.

1 Corintios 14:16

Espiritullapi Diosta alli nijpica, manaraj yachajca can ima nishcata mana yachashcamantaca, Diosta can pagui nijpipish ¿ima shinataj “Chashna cachun” ningari?

2 Corintios 4:15

Taita Dios mana c'uyaipajta c'uyashcata achcacuna chasquishpa, achcacunallataj paita jatunmari cangui nishpa pagui nichunmi, cancunata c'uyashcamanta cai tucui llaquicunataca apacunchij.

Colosenses 2:7

Cristopi sapiyachishca, paipaj jahuapi huasichicuncunami canguichij. Ima shina yachachishca cashca shinallataj, crinapi sinchi caichij, Diosta pagui nicujllacuna caichij.

Colosenses 3:17

Tucui imata rimashpapish, rurashpapish Mandaj Jesuspaj shutipi tucuita ruraichij. Paillamantataj Dios Yayataca pagui nichij.

Judas 1:25

Ñucanchijta Quishpichij, pailla tucuita yachaj Diostaca Jesucristomanta cunanpish huiñai huiñaitapish jatunmari cangui, mandajmari cangui, tucuita rurai tucujmari cangui nishca cachun. Chashna cachun.

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Apocalipsis 19:4

Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”