Apocalipsis 7:10 - Dios Rimashca Shimicunami

¹⁰ Paicunaca: “¡Jatun tiyarinapi tiyacuj ñucanchij Diospish, Ovejapish paicunallami quishpichijca!” nishpami sinchita caparircacuna.

Mushuj Testamento Diospaj Shimi

¹⁰ Paicunaca: «¡Jatun tiyarinapi tiyacuj ñucanchij Taita Dios-huan, Malta Ovejahuanmi ñucanchijtaca quishpichirca!» nishpami, sinchita caparircacuna.

Apocalipsis 7:10 Iomraidhean Croise

SALMOS 115:1

Mandaj Dioslla alabashca canaca mana ñucanchijpajchu, mana ñucanchijpajchu quiquinpaj shutitamari alabashca cana cangui. Quiquinca c'uyaj cashcamanta, mana llullaj cashcamantami chashna alabashca cana cangui.

SALMOS 3:8

Quishpirinaca Mandaj Diosmantami shamun. Can agllashcacunamanca allicunata cuhuayari. Selah

SALMOS 37:39

Ashtahuanpish cashcata rurajcunataca, Mandaj Diosmari quishpichinga. Llaqui punllacunapica muyundij pirca shinami paica huaquichin.

ISAÍAS 43:11

Ñucaca Mandaj Dios ñucami cani. Pi shujtaj quishpichij mana tiyanchu” ninmi.

ISAÍAS 45:15

Mana ricurij Dios cashpapish, mana dios nishcallachu cangui Diostajmi cangui. Israelcunata quishpichij Taita Diosmi cangui.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

JEREMÍAS 3:23

Lomacunapi, urcucunapi caparirishpa mañagrinaca yangallami. Ñucanchij israelcunamanca ñucanchijta Mandaj Diosllamari quishpirinata cun.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

JONÁS 2:9

Ashtahuanpish cantaca ñuca shimihuan cantashpami alabasha. Animalcunatapish cushpa huañuchishami. Canman imata cusha nishcatapish cushatajmi. Mandaj Dioslla, canllami quishpichij cangui” nishpami mañarca.

ZACARÍAS 4:7

Jatun urculla, canca ¿pitaj canguiyari? Zorobabelpaj ñaupajpica, pugru pamba tucushpami saquiringui. Paimi punta rumitaca llujshichinga, chashna ruracujpica paihuan caj runacunaca: Sumajmari, sumajmari nishpami caparingacuna ninmi” nircami.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Lucas 3:6

Tucuicunami Dios cachashca Quishpichijtaca ricungacuna” ninmi”.

Juan 1:29

Chai cayandij punllami Juanca, Jesús paipajman shamucujta ricushpa cashna nirca: –¡Caimari cai pachapi causajcunapaj juchata anchuchij Taita Diospaj malta Ovejaca!

Juan 1:36

Chaipi cashpami Jesús chaita puricujta ricushpa Juanca: –¡Riquichij, chaimari Taita Diospaj malta Ovejaca!– nirca.

Juan 4:22

Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Efesios 2:8

Crishcamantami mana c'uyaipajta c'uyashpa quishpichishcacuna canguichij. Mana cancunallatajchu quishpirircanguichij. Ashtahuanpish chaica, Dios cushcallami.

Apocalipsis 12:10

Chai q'uipaca cielopica, sinchita cashna caparijtami uyarcani: “Diospaj ñaupajpi ñucanchij huauquicunata punllapish tutapish juchachijtaca cielomanta ñami shitashca. Chaimanta cunanmari quishpirinapish ñucanchij Diospaj mandanapish, pailla tucuita rurai tucuj canapish, Cristo mandai tucunapish ña chayamushca.

Apocalipsis 19:1

Chai q'uipaca cielopica achcacuna sinchita cashna nishpa rimanacucuj shinatami uyarcani: “Ñucanchijta Mandaj Taita Diosca Quishpichijmari, alli nishcamari, sumaj nishcamari, Tucuita Rurai Tucuj nishcamari. Chaimanta paitaca ¡Alabaichij!

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 22:3

Chaipica mana alli nishca canaca ñami tucurishca canga. Chaipica Diospajpish, Ovejapajpish jatun tiyarinallami canga. Paipajta rurajcunaca paipajllatami rurangacuna.

Apocalipsis 4:6

Chai jatun tiyarina ñaupajpica, mama cuchapish vidrio shina, cristalman rijchajmi carca. Chai jatun tiyarina ladopi, jatun tiyarina muyundijpipish, chuscu animalcunami ñaupajmanpish, huashamanpish ñahui luluncunalla junda carca.

Apocalipsis 5:7

Chai Oveja shamushpami, jatun tiyarinapi tiyacujpaj alli maquimanta librotaca japirca.