Apocalipsis 6:8 - Dios Rimashca Shimicunami

⁸ Chaita ricushpaca, shuj quillu caballotami ricurcani. Chai caballopi tiyarishcaca, Huañuchij shutimi carca. Hadespish caticurcami: Paicunamanca cai pachata chuscupi chaupishca shuj partetaca jatun macanacuihuan, yaricaihuan, jatun ungüihuan, cai pachapi millai animalhuan huañuchi tucunatami curca.

Mushuj Testamento Diospaj Shimi

⁸ Ñuca ricushpaca, ¡shuj quillujlla caballotami ricurcani! Chai caballopi tiyacujca, Huañui shutimi carca. Hadesmi, paita catishpa llujshirca. Chai ishquimanca, cai pachata chuscupi chaupishca shuj partetaca, jatun macanacuicunahuanpish, yaricaicunahuanpish, jatun ungüihuanpish, cai pacha millai animalcunahuanpish huañuchi tucunatami curca.

Apocalipsis 6:8 Iomraidhean Croise

PROVERBIOS 5:5

Paipaj chaquica huañuimanmi uriyacun, Seolmanmi chayagricun.

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 16:16

Mandaj Diosca cashnapishmi nin: “Cunanca chalhuata japij achca runacunatami cachagrini. Paicunami Judá runacunataca, chalhuata japij shina japingacuna. Chai q'uipaca, sacha animalcunata japijcunatami cachagrini. Paicunami Judá runacunataca tucui urcucunamanta, lomacunamanta, c'aca ucu jutcucunamantapish sacha animalcunata shina japingacuna.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 24:10

Paicunapaj ñaupa yayacunamanpish, paicunamanpish cushca cai llajtapica shujllatapish mana saquishachu. Jatun macanacuita, yaricaita, ungüita cachashpami tucui chingachisha” ninmi.

JEREMÍAS 29:17

Tucuita Mandaj Diosca cashnami nin: Ñucaca paicunapajca espadata, yaricaita, ungüitapishmi cugrini. Mana micui tucuipaj yallitaj ismushca higocunata shinami ruragrini.

JEREMÍAS 43:11

Pai shamushpami cai llajtapi causajcunataca llaquichinga. Cai llajta runacunaca ungüihuan huañuna cajcunaca, ungüihuanmi huañungacuna. Prezu apana cajcunaca, prezumi ringacuna. Espadapi huañuna cajcunaca, espadapimi huañungacuna.

EZEQUIEL 29:5

Chaimanta llujshichishpaca cantapish, cambaj jatun yacucunapi tiyaj tucui chalhuacunatapish shitashca pambapimi saquisha. Tucuicuna ricunalla allpa jahuapimi urmangui. Pipish mana japingachu, pipish mana tandachingachu. Cantaca cai pachapi tiyaj p'iña animalcunaman, pajarocunamanmi micuchun curcani.

EZEQUIEL 5:12

Cancunapuramanta maijancuna saquirishpaca ungüihuanpish, yaricaihuanpishmi caillapitaj huañungacuna. Caishujcunaca cai muyundijllapitajmi espadapi huañungacuna. Chaishujcunataca caita chaitami cachasha. Paicunataca espadahuanmi catishpa risha.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

HABACUC 2:5

Shinallataj vinota ubyaj runaca huañuimanmi chayan. Jatun tucushca runaca mana causangachu. Seol shinami mana sajsan. Paica huañui mana saquirij shinami mana shaicun. Ñaupamanca paipajlla cachunmi pueblocunapi causajcunataca tucuicunata tandachirca” nircami.

ZACARÍAS 6:3

Ishquipaj q'uipa carretataca, yuraj caballocunami aisacurca. Quimsapaj q'uipa carretataca, bayo caballocunami aisacurca.

Mateo 11:23

Capernaumpi causajcunalla, jahua pachamanmi apashca cashun yuyacunguichijmi. Ashtahuanpish ucu pachamanmari shitashca canguichij. Cancunapajpi rurashca shina milagrocunata, Sodomapi rurashca cajpica, cunan punllacamami chai puebloca tiyacunmanraj carca.

Mateo 24:7

Mama llajtaca caishuj mama llajtahuan macanacungacunami, shinallataj jatun mandajcunapurapish macanacungacunami. Huañuchij millai ungüicuna, yaricaicuna, ch'ican ch'ican llajtacunapi pamba chujchushpa allpa t'imburicunapishmi tiyanga.

1 Corintios 15:55

Huañui, ¿maipitaj cambaj tujsishpa huañuchinaca? Pambana jutcu ¿maipitaj can cushicunaca?”

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.

Apocalipsis 9:15

Chai chuscu angelcunataca, cai pacha quimsapi chaupishca shuj parte gentecunata huañuchichunmi cacharirca. Chai angelcunaca chai horas, chai punlla, chai quilla, chai huata pajtajpi chashna huañuchichunmi allichishca carca.

Apocalipsis 9:18

Chai caballocunapaj shimimantaca nina, cushni, azufremi llujshirca. Chai quimsa llaquicunahuanca, quimsapi chaupishca shuj parte gentecunami huañurca.