Apocalipsis 6:4 - Dios Rimashca Shimicunami

⁴ Chaipica shujtaj pucajlla caballomi llujshirca. Chai caballopi tiyacujmanca, shuj jatun espadata cushpami, tucui cai pachapi sumajta causanata anchuchi tucunatapish, caishuj chaishujmanta huañuchinacuipi churai tucunatapish curca.

Mushuj Testamento Diospaj Shimi

⁴ Ñuca ricucujpimi, shujtaj pucajlla caballo llujshirca. Chai caballopi tiyacujmanca, tucui cai pachamanta sumaj causaita anchuchi tucunatapish, caishuj chaishuj huañuchinacuipi churai tucunatapish cushpami, shuj jatun espadatapish curca.

Apocalipsis 6:4 Iomraidhean Croise

SALMOS 17:13

Mandaj Dioslla, jatariyari. Paicunata tupanaman llujshishpa urmachiyari. Millaicunamantaca cambaj espadahuan ñuca causaita quishpichiyari.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.

ZACARÍAS 1:8

Ña tuta tucujpimi, ñapish alazán caballopi tiyarishca runata ricurcani. Chai runaca, pugru pambapi tiyaj mirto yuracuna chaupipimi carca. Paipaj huashatapish alazán caballocuna, bayo caballocuna, yuraj caballocunami caticurca.

ZACARÍAS 6:2

Punta carretataca, alazán caballocunami aisacurca. Chaipaj q'uipa carretataca, yana caballocunami aisacurca.

Mateo 10:34

Cai pachapi sumaj causai tiyachun shamushcataca ama yuyanguichij. Sumaj causai tiyachunca mana shamurcanichu, ashtahuanpish macanacui tiyachunmi shamurcani.

Mateo 24:6

Jatun macanacuicunami tiyan, shujtaj llajtacunapipish ñami macanacugrin ninacujtami uyanguichij. Cancunaca ama pandaringuichij yuyaihuan canguichij. Tucui caicunaca pajtanatajmi. Chashna tucucujpipish, cai shina causaica manaraj tucuringachu.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.