Apocalipsis 6:16 - Dios Rimashca Shimicunami

¹⁶ Paicunaca urcucunatapish, c'acacunatapish: “Ñucanchij jahuapi urmaichij, jatun tiyarinapi tiyacujpaj ñaupajmanta, Oveja p'iñarishpa llaquichinamantapish pacahuaichigari.

Mushuj Testamento Diospaj Shimi

¹⁶ Chai ucucunapi tiyarishpami, chai urcucunatapish, jatun rumicunatapish: «¡Ñucanchij jahuapi urmaichigari, jatun tiyarinapi Tiyacujpaj ñaupajmantapish, Malta Oveja pʼiñarishpa cachacuj jatun llaquicunamantapish pacahuaichigari.

Apocalipsis 6:16 Iomraidhean Croise

SALMOS 14:5

Tucuicuna cashcata rurajcunalla cai punllapimi, Mandaj Dios paicunahuan cajpi, millaicunaca manchaihuan chujchungacuna.

ISAÍAS 2:10

Manchana Mandaj Diospaj ñaupajmantaca rumi ucupi miticuiyari. Achij nicuj Jatun Mandajpaj ñaupajmantaca, ñutu allpa ucupi miticuiyari.

JEREMÍAS 8:3

Chai millai runacunapuramanta saquirijcunatapish caita, chaitami prezu cachasha. Chaicunapish maipi cashpapish causanata munanapaj randica, huañunatami munangacuna” ninmi. Tucuita Mandaj Diostajmi chashna nin.

OSEAS 10:8

Avén pueblo lomacunapi tiyaj altarcunataca chingachingami. Israelcuna juchallishpa caticunallataca anchuchingami. Altarcuna tiyanacunapica, casha yuracuna, casha q'uihuacunami huiñanga. Chaipimi paicunaca urcucunataca: “¡Ñucanchijta tapahuaichij! Lomacuna: ¡Ñucanchij jahuapi urmahuaichij!” ningacuna.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Marcos 3:5

Chaimi Jesusca p'iñarishpa paicunapaj ñahuita ricurashpa paicunapaj shungu rumi shina cajpi llaquirishpa chai ungushca runataca: –Cambaj maquita chutai– nijpi, pai chutajpica chai maquica alliyarcalla.

Lucas 23:30

Chai punllacunapica, urcucunataca: “Ñucanchijta llapihuayari”, lomacunataca: “Ñucanchijta pacahuayari” ningacunami.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 19:15

Tucui llajtacunapi causajcunata chugrichingapajmi paipaj shimimantaca puntasapa espada llujshirca. Paimi tucuicunata fierro varahuan mandanga. Tucuita Rurai Tucuj Diospaj p'iñarishca vinota capingapajmi uvacunata capinapi chaquihuan sarunga.

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 4:2

Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.

Apocalipsis 9:6

Chai punllacunapi chai runacunaca, huañunatami yuyangacuna. Ashtahuanpish mana ima shina huañui tucungachu. Paicuna huañusha nijpipish, huañuica manataj japingachu.