Apocalipsis 6:13 - Dios Rimashca Shimicunami

¹³ Jahua pachapi caj luzerocunapish higo yurata huaira cuyuchijpi yuramanta higocuna urmaj shinami luzerocunapish allpa pachaman urmarca.

Mushuj Testamento Diospaj Shimi

¹³ Jahua pachamanta luźerocunapish, jatun huaira shamushpa higota chaspijpi, higo granocuna chajchurij shinami cai pachaman urmarca.

Apocalipsis 6:13 Iomraidhean Croise

JOB 15:33

Uva shinami jayaj granocunaca chingaringa. Paipaj sisacunapish olivo sisa shinami chaquirishpa urmanga.

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 34:4

Jahua pachapi imalla tiyajcunapish, yacuyangami. Jahua pachaca, quillcana cara pillurij shinami pilluringa. Jahua pachapi imalla tiyajcunaca, uva p'anga urmaj shina, higo p'anga urmaj shinami urmanga.

ISAÍAS 7:2

Davidpaj huahua huahuapura jatun mandajpajman huillajcuna shamushpaca: “Siria llajtaca Efrain llajtahuanmari shuj yuyailla tucushca” nishpa huillajpimi, jatun mandajpaj shungupish, Jerusalenpi causajcunapaj shungupish urcupi caj yuracuna huairahuan caiman chaiman cuyurij shina chujchurcacuna.

EZEQUIEL 32:7

Canta chingachishpaca, jahua pachatapishmi tapasha. Jahua pachapi tiyaj luzerocunatapish amsayachishami, intitapish p'uyuhuanmi tapachisha, lunapish ña mana ashtahuan achijyachingachu.

DANIEL 4:14

Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

DANIEL 8:10

Jahua pacha Taita Diospaj soldadocunacama chayajta huiñashpami, mirga soldadocunatapish, mirga luzerocunatapish allpaman urmachishpa sarurca.

JOEL 2:31

Mandaj Dios agllashca jatun mancharina punlla manaraj chayamujpica, intica amsayanga, lunapish yahuarmi tucunga.

NAHUM 3:12

Muyundij pircacunaca, alli granushca higo yura shinami canga. Micusha nicujcuna higo yurata cuyuchijpi, higocuna paicunapaj shimipitaj urmaj shinami urmangacuna.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Marcos 13:25

Luzerocunapish jahua pachamanta urmangacunami, jahua pachacunapi caj jatun mana cuyuripajcunapish chujchungami.

Lucas 21:25

Chai q'uipami intipipish, lunapipish, luzerocunapipish pi mana ricushcacuna ricuringa. Cai pachapica mama cucha yacucuna jahuata jatarishpa manchanayajta huajiajta uyashpami gentecunaca upayajta mancharingacuna.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.