Apocalipsis 6:11 - Dios Rimashca Shimicunami

¹¹ Chaipica paicunamanca yurajlla churanatami curca. Chaita cushpaca: –Ashacama samacuichijraj. Cristopajta cancuna shinallataj ruraj crijcunatapish cancunata huañuchishca shinallataj mashnacunata huañuchina cashca pajtangacama shuyaichijraj– nircami.

Mushuj Testamento Diospaj Shimi

¹¹ Paicunamanca, yurajlla churanata cushpami: ‘Ashacama samacuichijraj. Cancuna shinallataj Cristota servicuj shujtaj crijcunata cancunata shinallatajmi huañuchingacuna. Paicunata mashnacunata huañuchina cashca pajtangacama shuyaichijlla’ nircami.

Apocalipsis 6:11 Iomraidhean Croise

DANIEL 12:13

Daniel canca, huañungacamami ima manchai illajlla causangui. Canca samaringuimi. Tucuri punllacuna pajtajpimi can japina cashcata chasquingapaj jataringui” nircami.

Mateo 10:21

Huauquita huañuchichunca huauquillatajmi japichinga. Yayaca churitami japichinga. Huahuacunapish, yaya mamata p'iñashpa jatarishpami huañuchichinga.

Lucas 15:22

yayaca paipajta rurajcunataca cashnami nirca: “Tucuimanta yalli alli churanata llujshichimushpa churachichij. Maqui dedopica sortijasta, chaquipica pargateta churachichij.

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

2 Tesalonicenses 1:7

Ashtahuanpish llaquita apacuj cancunataca, Mandaj Jesús jahua pachamanta paipaj poderta charij angelcunandij ricuri punllamantami ñucanchijhuan tandalla samachinga.

2 Timoteo 4:7

Macanacuipica allimi mishashcani, callpashpa mishanacuitapish tucuchishcanimi, crishcatapish allimi cuidashcani.

Hebreos 11:40

Dios cusha nishcataca ama paicunalla japichun ashtahuanpish ñucanchijhuan tandalla japijcuna cachunmi Diosca huaquichishpa charicushcalla.

Hebreos 12:23

Diospaj punta churi Israelcuna tandanacushca crijcunapaj shuticuna jahua pacha libropi quillcashca tiyacunmanpishmi chayashcanguichij. Tucuicuna imalla rurashcata ricuchij Diospajman, cashcata rurajcunami nishpa alli nishca espiritucunapajmanpishmi chayashcanguichij.

Hebreos 4:10

Diosca pai imalla ruracushcata tucuchishpa samarishca shinallatajmi, Dioshuan samaringapaj yaicujpish pai imalla ruracushcata saquishpa samaringa.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 13:15

Q'uipata ricurij animalmanca punta ricuj animalman rijchajta rurashcalla animalman causaita cuchunmi Diosca saquirca. Chai rurashcalla animalca ña rimashpaca paita tucui mana adorajcunataca huañuchichunmi mandarca.

Apocalipsis 14:13

Chai q'uipaca, cielomanta cashna nishcatami uyarcani: “Mandaj Jesuspi shujlla cashpa huañushcacunaca, cunanmantapacha cushijllacunami. Diospaj Espiritupish cashnami nin: Ari, paicuna imallata llaquita apashpa ruracushcamantaca samaringacunami. Paicunapaj rurashcacunaca paicunahuanmi ringa ninmi nishcacunata quillcai” nircami.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.