Apocalipsis 6:10 - Dios Rimashca Shimicunami

¹⁰ Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.

Mushuj Testamento Diospaj Shimi

¹⁰ Paicunami, sinchita caparishpa, cashna nirca: «Mandaj, Jucha Illaj, cashcata Huillaj Dioslla, ñucanchij yahuarta jichaj, cai pacha runacunataca, ¿maicamataj mana llaquichishpa shuyacunguillari?» nircacunami.

Apocalipsis 6:10 Iomraidhean Croise

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

SALMOS 119:84

Quiquinpajta rurajca ¿maicamataj llaquita apashpa causacushallari? Catirashpa ñucata llaquichijcunataca ¿ima horastaj cashcata rurashpa ricuchinguiyari?

SALMOS 13:1

Mandaj Dioslla, ¿maicamataj cungaringuiyari? ¿Huiñaipajchu cungaringui? ¿Maicamataj cambaj ñahuitaca ñucamanta pacanguiyari?

SALMOS 35:17

Jatun Dioslla, ¿maicamataj chaicunataca ricucunguillari? Ñucata chingachisha nicujcunamantaca llujshichihuayari. Leoncunamantaca ñuca causaita quishpichihuayari.

SALMOS 79:10

Diosta mana rijsijcunaca: “¿Maitagari cancunapaj Taita Diosca?” ningacunami. Tucui chai llajtacuna ricuna cachun quiquinpajta rurajcunata huañuchishpa yahuarta jichashcamantaca, ñucanchij ricuipi paicunatapish huañuchiyari. Chaitaca tucui shujtajcunapish yachashca cachun chashna rurayari.

SALMOS 9:12

Diosca huañuchishcamanta paitapish llaquichinataca mana cungarircachu. Llaquihuan cajcuna caparishpa mañashcatapish, mana cungarircachu.

ISAÍAS 61:2

Mandaj Dios quishpichinata munashca huata chayamushcata huillachun, mana cazujcunata ñucanchij Taita Dios llaquichina cashcata huillachun, tucui llaquilla causacujcunata cushichichunpishmi cacharca.

LAMENTACIONES 3:64

Mandaj Dioslla, paicunapaj maquihuan rurashcamantaca, japina cashca shinataj cuiyari.

DANIEL 12:6

Chaicunamanta shujca lino churanata churashca jatun yacu jahuapi shayacujtaca: “Cashna jatun mancharinacuna tucurica ¿ima horataj canga?” nirca.

DANIEL 8:13

Chai q'uipaca jucha illaj shuj rimacujtami uyarcani. Caishuj jucha illajcunamanta shujca chai rimacujtaca: “Diosman punllanta animalcunata huañuchishpa cunata anchuchishcapish, Diosta adorana huasitapish, paipaj soldadocunatapish chai mandajpaj maquipi churashpa saruchishpa, cashna millai juchata rurachun saquishcaca ¿maicamataj cangari?” nishpami tapurca.

ZACARÍAS 1:12

Chashna huillashcata uyashpami, Mandaj Diospaj angelca cashna nirca: “Tucuita Mandaj Dioslla, ñamari canchis chunga huatacunata Jerusalén pueblopi causajcunahuanpish, Judá llajtapi tiyaj pueblocunapi causajcunahuanpish p'iñarishcangui. ¿Maicamataj mana llaquinguiyari?” nircami.

Lucas 2:29

“Jatun Dios quiquin cusha nishcataca ñamari pajtachingui, quiquinpajta rurajtaca cushicushpa huañuchun saquihuailla.

Lucas 21:22

Chai punllacunaca mana cazushcamanta Taita Dios llaquichina punllami canga. Quillcachishcapi tucui nishcacunami chai punllapica pajtanga.

Romanos 12:19

Ñuca c'uyashcacuna, cancunata llaquichijcunataca cancunallatajca ama llaquichishun nichijchu, ashtahuanpish Dios llaquichichun saquichij. Cashnami quillcashca tiyacun: “Ñucami llaquichisha, ñucami paicuna japina cashcataca cusha” ninmi Jatun Diosca.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 18:24

Shinallataj profetacunata, Diospajlla cajcunata, tucui allpa pachapi causajcunata huañuchishcacunapaj yahuarpish chai pueblopimi carca” nircami.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

JUECES 16:28

Chaipimi Sansonca Mandaj Diostaca: Mandaj Jatun Dioslla, shuj cutinllahuan ñucata yuyarihuai. Filisteocuna ñuca ishqui ñahuita surcushcamanta cunantaj tucuicunata huañuchingapaj fuerzata cuhuai,

1 SAMUEL 24:12

Cantapish, ñucatapish ima shina cashcataca Mandaj Diosllataj ricuchichun. Ñucata llaquichishcamantaca Mandaj Diosllataj canta llaquichichun. Ñuca maquihuanca cantaca manataj llaquichishachu.