Apocalipsis 5:9 - Dios Rimashca Shimicunami

⁹ Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.

Mushuj Testamento Diospaj Shimi

⁹ Chai yuyajcunaca, mushuj cantotami cashna nishpa cantarcacuna: «Canllamari pillushca carata japishpa, sellashcacunatapish anchuchi tucuj cangui. Canca, huañuchishcami carcangui. Cambaj yahuarhuanmi, ñucanchijtaca tucui chʼican chʼican aillucunamanta, tucui rimaicunamanta, pueblocunamanta, jatun llajtacunamantapish Taita Diospaj cachun randircangui.

Apocalipsis 5:9 Iomraidhean Croise

SALMOS 144:9

Taita Dioslla, quiquintaca mushuj cantohuanmi cantasha. Quiquintaca salteriopi tocashpami cantasha.

SALMOS 149:1

Mandaj Diostaca mushuj cantohuan cantaichigari. Paitaca jucha illajcuna tandanacushcapi alabaichigari.

SALMOS 33:3

Mushuj cantota cantaichij. Tononchishpa yallitaj cushicushpa cantaichij.

SALMOS 40:3

Chai q'uipaca ñuca shimipica mushuj cantotami churarca. Ñucanchij Diosta alabachunmi churarca. Achcacunami chaita ricungacuna. Mancharingacunami. Mandaj Diosllapimi shunguta churangacuna.

SALMOS 96:1

Mandaj Diostaca mushuj cantohuan cantaichigari. Mandaj Diostaca tucui cai pachapi causajcuna cantaichigari.

SALMOS 98:1

Mandaj Diostaca, mushuj cantota cantaichigari. Jatun mancharinacunata rurashcamanta cantaichigari. Paipaj alli maquihuanmari quishpichishca. Paipaj jucha illaj rigrahuanmari mishachishca.

ISAÍAS 42:10

Mandaj Diosta cantaichij. Shuj mushuj cantota cantaichij. Paitaca tucui cai pachamanta cajcuna alabaichij. Mama cuchaman uriyajcunapish alabaichij. Chaipi imalla tiyajcunapish alabaichij. Cucha c'uchupi tucui causajcunapish alabaichij.

DANIEL 3:4

Chaipi shayacujpimi, huillaj runaca sinchita caparishpa cashna nirca: “Caipi caj shujtaj shujtaj gentecuna, shujtaj shujtaj llajtacuna, ch'ican ch'ican rimaita rimajcuna cancunataca cashnami mandan.

DANIEL 4:1

Jatun mandaj Nabucodonosormi cai pacha tucui gentecunata, llajtacunata, ch'ican ch'ican rimaita rimajcunataca: “Sumaj causai cancunapi mirarishca cachun” nini.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.

DANIEL 6:25

Chaimi jatun mandaj Darioca, tucui cai pachapi causaj gentecunaman, llajtacunaman, ch'ican ch'ican rimaita rimajcunaman cashna nishpa quillcarca: “Cancunapica sumaj causai mirarishca cachun.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 26:28

caica achcacunapaj juchacunata perdonangapaj mushuj ruranata callarichishcata ricuchij ñuca jichana yahuarmi.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Corintios 6:20

Achca valijhuan randishcacunami canguichij. Chashna cashcamanta cancunapaj cuerpopi, cancunapaj espiritupi Diosta sumajyachichij, chaicunaca Diospajmari.

1 Corintios 7:23

Achca valijhuan randishcacunami canguichij. Chaimanta ama pipaj huatashcacuna tucuichijchu.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 5:19

Cancunapura salmocunahuan, himnocunahuan, cantocunahuan yuyachinacushpa, cancunapaj shungucunapi, Mandaj Jesusta cantashpa alabaichij.

Colosenses 1:14

Paipaj Churi yahuarta jichashpa cutin randishpa quishpichijpimi, juchacunata perdonashca canchij.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 11:14

Chashna huillajcunaca, paicunapajtaj shuj llajtata mashcacushcatami ricuchincuna.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.

Apocalipsis 10:11

Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Apocalipsis 11:9

Tucui pueblopi causaj gentecuna, tucuimanta aillucuna, ch'ican ch'ican rimaita rimajcuna, tucui llajtacunapi causajcunapishmi, paicuna huañushca aichataca quimsa punlla chaupicama ricungacuna. Pambachunpish manataj saquingacunachu.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 14:6

Chai q'uipaca, chaupi cielota shujtaj ángel volacujtami ricurcani. Paica allpapi causajcunamanca, tucui llajtacunaman, ch'ican ch'ican aillucunaman, ch'ican ch'ican rimaicunaman, tucui pueblocunamanpish huiñaipaj alli huillaita huillanapaj charicujtami ricurcani.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 17:15

Cha angelca caitapish nircarajmi: “Chai huainayashpa causaj huarmi tiyacuj achca yacucunaca pueblocunami, achca gentecunami, tucui llajtacunami, ch'ican ch'ican rimaita rimajcunami.

Apocalipsis 4:11

“Jatun Dios, canca jatunmari cangui, allimari cangui, Tucuita rurai tucujmari cangui nishcataca chasquipaj allimari cangui. Canmari tucui ima tiyajtapish rurashcangui. Can munashpa rurashcamantami tucui imapish tiyan” nicurcacunami.

Apocalipsis 5:12

cashna nishpa shinchita caparircacuna: “Tucuita rurai tucuj nishca canata, tucuita charij nishca canata, yachaisapa nishca canata, imatapish rurai tucujmi nishca canata, alli nishca canata, jatunyachishca canata, alabashca canatapish chai huañuchishca caj Ovejallami japipajca can” nishpami caparircacuna.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.