Apocalipsis 5:5 - Dios Rimashca Shimicunami

⁵ Chaimi ancianocunamanta shujca: “Ama huacaichu, Judá aillumanta Leonmi, Davidpaj huahua huahuami chai librota pascangapaj, canchis sellohuan sellashcacunata anchuchingapajca ña tucuita mishashca” nircami.

Mushuj Testamento Diospaj Shimi

⁵ Chashna huacacujpica, chai yuyajcunamanta shujmi ñucataca cashna nirca: «Ama huacaichu. Riqui, Judá aillumanta Leonca, ñaupa mandaj Davidpaj huahua huahua cashpami, chai pillushca carata pascangapaj, canchis sellohuan sellashcacunata anchuchingapajpish, tucuita mishashca» nircami.

Apocalipsis 5:5 Iomraidhean Croise

1 REYES 10:20

Gradacunapipish, ishquindij lado uripi chunga ishqui leontajllacunata churashcami carca. Shujtaj llajtacunapaj mandana huasicunapica, chai shina jatun tiyarinaca mana tiyarcachu.

2 CRÓNICAS 9:18

Chai tiyarinaca sujta gradacunatami charirca. Chai tiyanapi tiyarishpa chaquita churangapajpish, curimanta rurashcami tiyarca. Maquicunata samachinacunatapish ishquindij ladomanmi charirca. Ishquindij ladopimi, shuj shuj leoncunata rurashca shayacurca.

JOB 41:15

Paipaj churanapish imapish mana yaicuipaj sinchi escudocunata quichquijllata sirashca shinami.

ISAÍAS 11:1

Yaya Isaipaj troncomantaca shuj yurami huiñanga. Paipaj sapicunamantaca mushuj yurami retoñanga.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

JEREMÍAS 31:16

Mandaj Diosllatajmi paitaca cashna nin: “Ña ama ashtahuan huacaichu. Cambaj ñahuimanta huiquita p'icharilla. Can llaquita apashcamantaca, allita cushami. P'iñajcunapaj llajtamantaca tigramungacunami” ninmi Mandaj Diosca.

DANIEL 7:16

Chaimi chaipi shayacujcunamanta shujpajman c'uchuyashpaca, tucui chaicuna imata nisha nishcata alli huillachun tapurcani. Paica ñucahuan parlashpami, tucui chaicuna imata nisha nishcataca cashna nirca:

NÚMEROS 24:9

Pacajlla chaparashpa siricuj león shinami cangui. Pacajlla chaparashpa siricuj mama león shinami cangui. ¿Pitaj cantaca rijchachi tucungari? ¡Cancunata alli cashca cachun nijcunaca, alli cashca cachun. Cancunata imapish tucushca cachun nijcunaca, jatun llaqui tucushca cachun!” nircami.

Lucas 23:28

Chai huarmicunata Jesús tigrarishpa ricushpaca cashnami nirca: –Jerusalenpaj ushushicunalla, ñucamantaca ama huacaichijchu. Cancunallamantataj, cancunapaj huahuacunamantapish huacaichij.

Lucas 7:13

Mandaj Jesusca chai viudata ricushpa llaquishpami: –Ama huacaichu– nirca.

Lucas 8:52

Tucuicunami paimantaca, achcata llaquirishpa huacacurcacuna. Chaimi Jesusca: –Ama huacaichijchu, huambraca mana huañushcachu, ashtahuanpish dormicunllami– nirca.

Juan 20:13

Chai angelcunaca: –Huarmi ¿imamantataj huacacungui?– nijpi, chai huarmica: –Ñuca Mandaj Jesustamari apashcacuna. Paita maipi churashcatamari mana yachani– nirca.

Romanos 1:3

Chai alli huillaica Taita Diospaj Churi, ñucanchijta Mandaj Jesucristomantami huillan. Paica aichamantaca, Davidpaj huahua huahuamantami carca.

Romanos 15:12

Shinallataj Isaiaspish: “Isaipaj sapimi retoñanga. Paimantami tucui mama llajtacunata mandangapajca llujshinga. Mana judiocunaca paipi yuyaita churashpami shuyangacuna” ninmi.

Hebreos 7:14

Ñucanchijta Mandaj Jesusca, Judá aillumanta shamushcataca tucuicunami yachanchij. Moisespish Judá aillumanta cura tucunataca imata mana nircachu.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 5:4

Chai librota pascaipaj, ricuipajllapish pi mana tiyajpimi, ñucaca achcata huacarcani.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.

Apocalipsis 7:13

Chaimi ancianocunamanta shujca: “Chai yurajlla churanacunata churashcacunaca ¿picunataj, maimantataj shamushcacuna?” nirca.