Apocalipsis 5:11 - Dios Rimashca Shimicunami

¹¹ Chai q'uipaca, jatun tiyarinapaj, causaiyujcunapaj, ancianocunapaj muyundijpica, achca angelcuna rimashcatami uyarcani. Paicunaca, mana yupaipaj huaranga huarangacunami,

Mushuj Testamento Diospaj Shimi

¹¹ Chai qʼuipa ricucushpaca, jatun tiyarinapaj, causaiyujcunapaj, yuyajcunapajpish muyundijpica, achca angelcuna rimashcatami uyarcani. Chai angelcunaca, huaranga huaranga mana yupaipaj, yallitaj achcacunami carca.

Apocalipsis 5:11 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

SALMOS 103:20

Cancuna Mandaj Diospaj angelcuna, paita allimari cangui nichigari. Cancunaca pai imata nishcata pajtachingapaj fuerzasapacuna cashcamanta, pai mandashcata cazushpa paipaj shimi nishcata rurajcunami canguichij.

SALMOS 148:2

Tucui paipaj angelcunapish alabaichigari. Tucui paipaj soldadocunapish alabaichigari.

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

DEUTERONOMIO 33:2

cashna nirca: “Mandaj Diosca Sinaimantami shamurca. Seir urcumantami achijyachirca. Parán urcumantami achij nicuj ricurirca. Huaranga huaranga paipaj jucha illajcunapaj chaupipimi shamurca. Paipaj alli lado maquipica, nina lunyacuj mandashcata apashcami shamurca.

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.

Judas 1:14

Ñaupa yaya Adanmanta yaya Enoccamaca canchis yayacunami cashca. Enocmi Dios huillachijpi chai shina gentecunamantaca cashna nishca: “Jatun Diosca jucha illaj huaranga huaranga paipaj angelcunandij shamushpami,

Apocalipsis 19:6

Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 4:6

Chai jatun tiyarina ñaupajpica, mama cuchapish vidrio shina, cristalman rijchajmi carca. Chai jatun tiyarina ladopi, jatun tiyarina muyundijpipish, chuscu animalcunami ñaupajmanpish, huashamanpish ñahui luluncunalla junda carca.

Apocalipsis 5:14

Chaipica chai causaiyuj chuscucunapish: “¡Chashnataj cachun!” nijpica ishqui chunga chuscu ancianocunapish cungurishpa cumurishpami, huiñai huiñaita causacujta adorarcacuna.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.

Apocalipsis 7:11

Jatun tiyarinapaj, ancianocunapaj, causaiyuj chuscupaj, muyundijpimi tucui angelcuna shayacurcacuna. Paicunaca jatun tiyarinapi tiyacuj Diostami cungurishpa cumurishpa adorashpaca,

Apocalipsis 9:16

Caballocunapi tiyarishca soldadocunaca, 200millonmi cashca, nijtami ñucaca uyarcani.