Apocalipsis 4:8 - Dios Rimashca Shimicunami

⁸ Chai causaiyuj chuscucunaca, tucuicunami sujta alascunata charircacuna. Chai alas jahuapipish, ucupipish ñahui luluncunahuan jundami carca. Paicunaca punllapish, tutapish mana samashpami: “¡Jucha illaj, jucha illaj, jucha illajca Jatun Diosmi. Tucuita Rurai Tucuj Taita Diosmi. Paica sarunpish, cunanpish paillatajmi. Paillatajmi shamunga!” nicurcallacuna.

Mushuj Testamento Diospaj Shimi

⁸ Chai causaiyuj chuscucunaca, tucuicunami sujta alasta charircacuna. Chai alas jahuapipish, ucupipish ñahui luluncunallahuan jundami carca. Paicunaca tutapish, punllapish mana samashpami: «Tucuita Rurai Tucuj Mandaj Diosca jucha illaj, jucha illaj, jucha illajmi. Paica sarunpish, cunanpish Paillatajmi, Paillatajmi shamunga» nicurcacuna.

Apocalipsis 4:8 Iomraidhean Croise

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

SALMOS 91:1

Maijanpish jahua pacha Taita Dios ugllashca causacujca, Pailla Tucuita Rurai Tucujpaj llandu ucupimi causan.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ISAÍAS 13:6

Caparirishpa huacaichigari. Mandaj Dios llaquichina punllaca ñamari c'uchullapi. Tucuita Rurai Tucuj Diosca chingachingapajmi shamunga.

ISAÍAS 62:1

Sionta c'uyashcamantaca, manataj upallashachu. Jerusalenta c'uyashcamantaca, manataj samarishachu. Cashcata rurana achijyachij shina llujshingacama, paita quishpichina, nina sindi shina llujshingacama manataj samarishachu.

EZEQUIEL 1:18

Chai ruedacunaca, jatun mancharinami carca. Chuscundij ruedacunapimi, muyundijta ñahui luluncunahuan junda carca.

EZEQUIEL 1:5

Chai p'uyu chaupipica, causaj chuscucunami ricurirca. Paicunaca runaman rijchajmi carca.

EZEQUIEL 1:6

Tucuicunami chuscu ñahuita, chuscu alasta charircacuna.

EZEQUIEL 10:12

Chai querubincunaca cuerpopipish, huashapipish, maquicunapipish, alascunapipish, chuscundij ruedacunapipishmi ñahui luluncunallahuan junda carca.

JOEL 1:15

¡Aij, Mandaj Dios shamuna punllaca ñamari pajtamucun! Tucuita Rurai Tucuj Mandaj Dios jatunta llaquichina punllaca ñamari chayamucun.

Hechos 20:31

Chaimanta alli yuyaihuan caichij. Quimsa huatatami tutapish, punllapish mana samashpa, huiqui ñahui shujta shujta sinchita cunacurcani. Chaitaca ama cungaringuichij.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

1 Tesalonicenses 2:9

Huauquicuna, ñucanchij shaicuita trabajashcataca yuyaringuichijmi. Cancunamanta maijanta ama yalli p'iñachingapajca tutapish, punllapish trabajashpami Taita Diospaj alli huillaitaca cancunaman huillarcanchij.

1 Timoteo 4:16

Canllatajpish cuidaringui. Imata yachachicushcatapish alli yuyaringui. Ima shina yachachishca shinallataj causangui. Chashna cashpami, canllatajpish quishpiringui, can yachachishcata uyajcunapish quishpiringacuna.

2 Timoteo 4:2

Diospaj Shimitaca huillana horaspipish mana huillana horaspipish huillacuilla. Ima shina cashcatataj rimacuilla, sinchita cunacuilla, yuyachishpa rimaicuilla, ama p'iñarishpa yachachicuilla.

Hebreos 13:8

Jesucristoca cainapish, cunanpish, huiñai huiñaipajpish paillatajmi.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 11:17

cashnami nircacuna: “Tucuita Rurai Tucuj Mandaj Taita Dios, cantami pagui ninchij. Canllatajmi cunanpish, sarunpish, shamuna cajpish cangui. Cambaj tucuita rurai tucuj cashcahuanmi ña mandai callarishcangui.

Apocalipsis 14:11

Paicuna llaquita apacunmantaca, huiñai huiñaitami cushnica llujshicungalla. Animalta, paiman rijchajta rurashca animalta adorajcunapish, chai animalpaj shutita ricuchij sellota churachijcunapish tutapish, punllapish mana samashpami llaquitaca apacungalla” nircami.

Apocalipsis 14:3

Paicunaca, jatun tiyarina ñaupajpi, causaiyuj chuscupaj ñaupajpi, ancianocunapaj ñaupajpipishmi, shuj mushuj cantota cantarcacuna. Chai cantotaca, pi mana yachai tucurcacunachu. Ashtahuanpish allpa pachamanta Dios quishpichishca 144milcunallami, chai cantotaca yachai tucurcacuna.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 16:14

Chaicunaca pi mana ruraipajta rurashpa ricuchij supaicunapaj millai espiritucunami. Paicunaca Tucuita Rurai Tucuj Diospaj jatun punllapaj tucui allpa pachapi mandajcuna macanacunaman richun tandachingapajmi chashnaca llujshircacuna.

Apocalipsis 16:7

Altar chaimantaca shujtajpish: “¡Tucuita Rurai Tucuj Mandaj Taita Dios, canca cashcatataj rurashpami llaquichingui!” nijtami uyarcani.

Apocalipsis 19:15

Tucui llajtacunapi causajcunata chugrichingapajmi paipaj shimimantaca puntasapa espada llujshirca. Paimi tucuicunata fierro varahuan mandanga. Tucuita Rurai Tucuj Diospaj p'iñarishca vinota capingapajmi uvacunata capinapi chaquihuan sarunga.

Apocalipsis 19:4

Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

Apocalipsis 4:4

Jatun tiyarina muyundijtaca, ishqui chunga chuscu tiyarinacunami tiyarca. Chaicunapica, ishqui chunga chuscu ancianocunami tiyacurca. Chai tiyacujcunaca yurajlla churanacunata churashca, umapipish curi coronacunata churashcatami ricurcani.

Apocalipsis 4:6

Chai jatun tiyarina ñaupajpica, mama cuchapish vidrio shina, cristalman rijchajmi carca. Chai jatun tiyarina ladopi, jatun tiyarina muyundijpipish, chuscu animalcunami ñaupajmanpish, huashamanpish ñahui luluncunalla junda carca.

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 6:1

Canchis sellashcacunamanta shujtaca Oveja pascajtami ricurcani. Chaita pascajpica, causaiyuj chuscucunamanta shujca, c'ulun nij shina uyarishpami: “¡Shamui ricungui”! nirca.

Apocalipsis 6:6

Causaiyuj chuscupaj chaupimantaca: “Ishqui libra trigoca shuj denariomi valin, sujta libra cebadapish shuj denariomi valin. Chashna cajpipish aceiteta, vinotaca ama imata rurangui” nishpa rimajtami uyarcani.

Apocalipsis 7:11

Jatun tiyarinapaj, ancianocunapaj, causaiyuj chuscupaj, muyundijpimi tucui angelcuna shayacurcacuna. Paicunaca jatun tiyarinapi tiyacuj Diostami cungurishpa cumurishpa adorashpaca,

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.