Apocalipsis 4:7 - Dios Rimashca Shimicunami

⁷ Puntapi caj causaiyujca leonman rijchajmi carca. Q'uipapi caj causaiyujca malta huagraman rijchajmi carca. Chaipaj q'uipa caj causaiyujca gente ñahui shinami carca. Quimsapaj q'uipa caj causaiyujca jatarishpa rij águila shinami carca.

Mushuj Testamento Diospaj Shimi

⁷ Chai causaiyuj chuscucunamanta shujca, leonman rijchajmi carca. Cutin shujca malta huagraman rijchajmi carca. Caishujca, gente ñahuitami charirca, cutin caishujca, águila jatarishpa ricuj shinami carca.

Apocalipsis 4:7 Iomraidhean Croise

GÉNESIS 49:9

Judaca huahua leonmi. Ñuca huahualla, aichata japishpami huichiyarcangui. León shinallatajmi curpayashpa siringui. Jatun leonta shinallataj ¿pitaj rijchachi tucungari?

2 SAMUEL 1:23

Saulhuan Jonatanhuanca, alli c'uyanacujmi carca. Alli apanacujmi carca. Paicunapaj causaipipish manataj ch'icanyajcunachu carca. Huañuipipish manataj ch'icanyancunachu. Aguilacunata yalli callpajcunami carca. Leoncunata yalli fuerzayujcunami carca.

PROVERBIOS 28:2

Llajtapi causajcuna mana cazushcamantami, mandajcunaca huasha huasha yaicuncuna. Ashtahuanpish yuyaisapa, yachaisapa mandajtaca pi mana cuyuchinchu.

ISAÍAS 40:31

Ashtahuanpish Mandaj Diospi shunguta churajcunaca mushuj fuerzatami charingacuna. Aguilacuna shinami jataringacuna. Callpashpapish mana shaicungacunachu. Purishpapish mana urmaringacunachu.

EZEQUIEL 1:10

Chai causaj chuscucunaca, tucuicunami cashna ñahuicunata charircacuna: Ñaupaj ladomanca runapaj ñahuimi carca. Alli ladomanca, leonpaj ñahuimi carca. Lluqui ladomanca, huagrapaj ñahuimi carca. Shinallataj caishuj ladomanca, aguilapaj ñahuimi carca. Chuscundijllatajmi chashna ñahuicunayuj carca.

EZEQUIEL 1:8

Chai causajcunaca tucuicunami chuscu ñahuita, chuscu alasta charircacuna. Chai alas ucucunapica, chuscundij ladomanmi runapaj maquicunata charircacuna.

EZEQUIEL 10:14

Chai querubincunaca, tucuicunami chuscu ñahuita charircacuna. Shuj lado ñahuica, querubinpaj ñahuimi carca. Caishuj lado ñahuica, runapaj ñahuimi carca. Caishuj lado ñahuica, leonpaj ñahuimi carca. Caishuj lado ñahuica, aguilapaj ñahuimi carca.

EZEQUIEL 10:21

Tucuicunallatajmi chuscu ñahuita, chuscu alasta charircacuna. Paicunapaj alascuna ucupica, runapaj maquicunatami charircacuna.

DANIEL 7:4

Punta animalca leonman rijchajmi carca. Chaica aguilapaj alasyujmi carca. Ñuca ricucujllapitajmi, paipaj alasta p'itishpa paitaca pambamanta jatarichirca. Paica shuj runa shinami ishqui chaquihuan shayarirca. Paipaj yuyaitaca gentepaj yuyai shinatami rurarca.

ABDÍAS 1:4

Águila shina jahua huairata jatarishpa rijpipish, luzerocuna chaupipi tazinta ruracujpipish, chaimanta urmachishpa shitashallami. Mandaj Diostajmi chashna nini.

NÚMEROS 23:24

Cai israelcunaca león shinamari jataringa. León shinamari shayaringa. Leonca huañuchishpa millpungacama mana siririnchu. Huañuchishpa yahuarta ubyangacama mana siririnchu. Cai gentecunapish chashnallatajmi canga” nircami.

NÚMEROS 24:9

Pacajlla chaparashpa siricuj león shinami cangui. Pacajlla chaparashpa siricuj mama león shinami cangui. ¿Pitaj cantaca rijchachi tucungari? ¡Cancunata alli cashca cachun nijcunaca, alli cashca cachun. Cancunata imapish tucushca cachun nijcunaca, jatun llaqui tucushca cachun!” nircami.

1 Corintios 14:20

Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij.

DEUTERONOMIO 28:49

Mandaj Diosca cancunata llaquichichunca, cai pacha tucuri caru llajtamanta cancuna mana entendipaj rimaita rimaj shujtaj gentecunatami apamunga. Paicunaca águila shinami utca callpangacuna.

Apocalipsis 4:6

Chai jatun tiyarina ñaupajpica, mama cuchapish vidrio shina, cristalman rijchajmi carca. Chai jatun tiyarina ladopi, jatun tiyarina muyundijpipish, chuscu animalcunami ñaupajmanpish, huashamanpish ñahui luluncunalla junda carca.

Apocalipsis 6:3

Puntapaj q'uipa sellashcata Oveja pascajpica, puntapaj q'uipa causaiyujca: “¡Shamui ricungui!” nijtami uyarcani.

Apocalipsis 6:5

Ishquipaj q'uipa sellashcata Oveja pascajpica, ishquipaj q'uipa causaiyujca: “¡Shamui ricungui!” nijtami uyarcani. Chaita ricushpaca, shuj yana caballotami ricurcani. Chai caballopi tiyacujca, shuj balanzatami maquipi charicurca.

Apocalipsis 6:7

Quimsapaj q'uipa sellashcata Oveja pascajpica, quimsapaj q'uipa causaiyujca: “¡Shamui ricungui!” nijtami uyarcani.