Apocalipsis 4:2 - Dios Rimashca Shimicunami

² Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.

Mushuj Testamento Diospaj Shimi

² Chashna ninca, ñapish ñucataca Diospaj Espiritumi, jahua pachaman aparca. Chaipimi shuj jatun tiyarinata ricurcani. Chai jatun tiyarinapica, shujmi tiyacurca.

Apocalipsis 4:2 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

SALMOS 11:4

Mandaj Diosca paipajlla huasipimi. Mandaj Diosca jahua pachapimi paipaj jatun tiyanataca charin. Mandaj Diosca huañujlla runacunataca tucuicunatami allita rurajta, mana allita rurajta alli ricucun.

ISAÍAS 6:1

Jatun mandaj Uzías huañui huatami, ñucaca Jatun Diostaca sumaj jatun tiyanapi tiyacujta, paipaj jahua churanaca Diospaj huasi ucupi jundajta ricurcani.

JEREMÍAS 17:12

Ñucanchij Diospaj huasica, callarimantapacha jahuamanmi tiyacun. Chaica jatun Diospaj achij nicuj jatun tiyanamari.

EZEQUIEL 1:26

Chai pambajlla shina jahuapica, zafiro rumimanta rurashca jatun tiyarina tiyacujtapishmi ricurcani. Chai jatun tiyarinapica runaman rijchajmi tiyacurca.

EZEQUIEL 1:28

Ima shinami tamya punlla p'uyu chaupipi cuichi ricurin, chai shinallatajmi chai achij nicujca ricurirca. Mandaj Diospaj sumaj cashcaman rijchajmi, muscuipi shina ricurirca. Chaita ricushpaca, ñuca ñahui pambaman tupajtami cumurircani. Chaimantaca ñapish shuj rimashcatami uyarcani.

EZEQUIEL 10:1

Querubincunapaj uma jahuapi caj pambajlla jahuapica, zafiro rumitatajllami ricurcani. Chaica jatun tiyarinaman rijchajmi carca.

DANIEL 7:9

Ñuca ricucujllapitajmi jatun tiyanacunata churarca. Chai tiyanapica, uni huatacunayuj Yuyajmi tiyarirca. Paipaj churanaca rasu shina yuraj nicujmi carca. Paipaj uma ajchapish yuraj nicuj millma shinami carca. Paipaj jatun tiyanaca, lunyacuj ninami carca. Chai tiyanapaj ruedacunapish, nina lunyacujllatajmi carca.

Mateo 22:43

Chaimi Jesusca: –Shinashpaca ¿ima nishpataj Davidca, Diospaj Espíritu yuyaita cujpi Cristotaca, Mandajmi nishpa cashna nirca?:

Hebreos 8:1

Cai tucuita cancunaman huillacushcamanta jatun yuyaica caimi: Ñucanchijca curacunata jatun pushaj curatami charinchij. Paica jahua pachapi Jatun mandajpaj tiyarina alli ladopimi tiyarirca.

Apocalipsis 1:10

Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

Apocalipsis 12:5

Chai huarmica, tucui llajtata fierro varahuan mandana caj shuj c'ari huahuatami huacharca. Chai huahuataca, Diospajmanpish, paipaj jatun tiyarinamanpishmi aparca.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Apocalipsis 19:4

Ishqui chunga chuscu ancianocunapish, causaiyuj chuscucunapish jatun tiyarinapi tiyacuj Diostaca, cungurishpami adorarcacuna. Paicunaca: “¡Chashna cachun! nishpaca, cushicushpami ¡Alabarcacuna!”

Apocalipsis 20:11

Chaimantaca yurajlla jatun tiyarinatapish chai jahuapi tiyacujtapishmi ricurcani. Paipaj ñaupajmantaca allpa pachapish cielopish tucuimi chingarirca. Cutinca ña manataj ricurircachu.

Apocalipsis 21:10

Chashna nicujpi Diospaj Espiritumi ñucataca shuj jatun urcu jahuaman pusharca. Chaipimi Diospajlla caj Jerusalén jatun pueblota Diospaj cielomanta uriyacujta ricuchirca.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.

Apocalipsis 5:13

“Jatun tiyarinapi tiyacujtapish, Ovejatapish, huiñai huiñaita alabashca cachun, alli nishca cachun, jatunyachishca cachun, Tucuita rurai tucujmi nishca cachun” nicujtami uyarcani. Dios rurashca tucuicunami, jahua pachapi cajcunapish, cai pachapi cajcunapish, allpa ucupi cajcunapish, mama cuchapi cajcunapish, tucuicuna chashna nishpa alabarcacuna.

Apocalipsis 6:16

Paicunaca urcucunatapish, c'acacunatapish: “Ñucanchij jahuapi urmaichij, jatun tiyarinapi tiyacujpaj ñaupajmanta, Oveja p'iñarishpa llaquichinamantapish pacahuaichigari.